以我所知 KE 77W 有多於一個 product，今晚執飛的機材明顯較新，economy class IFE 配備黑框高清螢幕（當時我播緊一集介紹韓國江原道某地的電視節目），畫質比去程的 77E 靚好多，並有 interactive flight map
部 77W 已裝配 touch screen，但亦有提供遙控；樂觀地諗，叫做多一件影相的 “道具”
離開 Seoul/ICN (= end of my first Korea trip)
夕陽尾聲
首爾南部，實際位置不詳
同去程的 B777-200 ER 相同，KE 所有 B777-300 ER 經濟艙仍維持 3-3-3 座位排列，每個座位及走廊皆比當今主流之 3-4-3 寬；座位顏色亦同去程一樣，前艙用寶藍色，後艙則為咖啡色（個人比較鍾意後者）
同行的朋友唔食牛肉及蝦蟹，經歷過去程兩個選擇分別為牛肉、海鮮的（慘痛）經歷，事前上 KE 網站查看回程航班 menu，發現兩個 option 都係牛肉...（呢方面航空公司設計菜單時，確有改善空間；通常兩個選擇主菜食材會有分別，chicken or beef、fish or pasta 甚或其中一個係 option 係 vegetarian，以照顧唔未嚴重到要 order 特別餐的 dietary requirements）
有見及此，佢 order 了無牛肉的印度餐，主菜為咖哩魚
小插曲：唔知睇到呢度會唔會有人發現，呢程機我少有地無 order 任何酒品；事情係咁的，我本身想要啤酒一罐，但該位空姐表示我未係成人，唔可以向我提供酒精飲品。不論以香港或韓國法律計，我嘅年齡都符合飲酒要求；但當時我自己狀態欠佳，加上坐窗口位同走廊相隔三個位，我當下無意識同空姐爭論，落機後一兩日我又有其他正經事務處理，最終不了了之；撰文時諗返，派餐後我無搵 purser / ISM 反映事件，落機後亦無作出投訴，未免太過仁慈？
