大約今年 6 月初，一位半年無聯絡的中學同班同學搵我，話想暑假去旅行，經過一輪討論，考慮過（再去）日本、台灣，沙巴、新加玻等地，最後到 7 月中我去完日本返香港，先落實地點去韓國。
之後就係訂機票，大家各自有幾個重要日子儘量想留喺香港，加上機票價錢，唔同日子出發可以差一截，實際可選之日子不多。
當時睇 Google Flights，排除 HK Express / T'way 及要轉機的路線，香港 - 首爾 最平的傳統航空為 Korean Air（比 HK Express 連同 20 kg 行李貴約 $700），時間極靚（去程 red-eye、回程夜機），表定採用小弟未搭過的 Boeing 787-9 執飛，加上一直聽聞 Korean Air 餐飲質素接近頂尖，基本上搵唔到一個原因唔搭。
經 Korean Air 官網買機票時，已經可以預選座位（至少我訂的 fare class 可以）。
出發前約一星期的其中一日，小弟去咗澳門一日遊，食晚飯時收到 Korean Air 電郵，指 seat reservation 已被取消；小弟隨即登入 Korean Air 網站求解，原因係機型更動，由 B787-9 改成 B777-200 ER 執飛，座位可於網上重新選劃；心情係相當復雜：一方面無得搭 Dreamliners 一定唔開心，B787-9 更加到目前為止從未搭過；另一方面，搭到 B77E 的機會理應少過 B789，KE 全線 B777 經濟艙依然採用 3-3-3 排列。
疫情至今小弟搭過的航空公司中，KE 係唯一一間仍有實體機上雜誌及免稅品目錄，其他航空公司做法不外乎將相關內容載於 IFE（包括早前搭 ANA 飛東京時所見，AVOD 內一項爲 duty free shopping）、提供 QR code 連接網上版等；另有 B777-200 之 safety card
KE 之安全示範與韓國男團 SuperM 合作，節奏較慢且包含歌舞環節
HK Express Reward-U 彩繪機；據我所知 UO 於 2019 年已取締 Reward-U 計劃（改用母公司國泰航空之 Asia Miles），但搭機時（2023 年 8 月）此廣告尚未落畫
KE 旗下所有 B777 仍維持 3-3-3 座位排列，比現今主流之 3-4-3 舒服，走廊亦較寬
今程 B777-200 ER 一共兩個 economy cabins，前艙座位用上深藍色，後艙則為深啡色（僅顏色不同，座位配置並無分別）
回程搭到 KE 另一款機型，同樣用上 “前藍後啡” 之配色，可能係 KE 客艙特色？如果對座位顏色有 preference（小弟本人正是）可在選位時多加注意
起飛後近一小時先收到宵夜：分別有韓式 Bibimbap 及中式海鮮炒麵，其實兩個選擇都相當吸引，但搭得 Korean Air 無理由有 Bimbimbap 唔食嘛；餐碟上有牛肉碎、香菇及數款蔬菜絲作為配料，白飯則為獨立包裝、需自行加入配料拌勻，配餐前菜為醃青瓜，隨餐提供熱味噌湯（派餐時先每一盒加熱水，類似沖杯麵）及水果片，飲品要了一杯白酒；右上角的茶杯係派餐後會提供茶包沖茶用，另外 KE 於經濟艙亦有提供金屬餐具。
小弟的 meal tray 上未有韓式辣醬，之後問空姐拎返
飛機上食到韓式 Bibimbap 且相當美味，同時有熱湯供應，絕對係 KE 的加分位；而呢餐白飯的軟硬度比一般飛機餐理想，估計係因爲米飯係獨立加熱？
反而頭盤及甜品感覺被比下去，尤其甜品只係幾塊水果，以呢餐晚餐格局以及 KE 主菜的出色表現，如果提供一塊蛋糕 / 慕絲做甜品相信會更佳（私心我最想食雪糕，就算係半夜都唔例外）
按：KE 喺 3 個幾鐘的 red-eye flight 提供 full hot meal，不論 offering 如何，本身已經係 impressive，但份餐以正餐形式呈現，我會有返相應期望。如果 KE 係降落前派一個早餐，一碗水果絕對不成問題。
同樣係亞洲區內 red-eye，國泰航程相若 / 更長的 KIX、NRT 線，好似只係提供 cold snacks（本版應該有篇 “月光寶盒之旅” 的 CX 566 report，可作参考；亦好大程度上係我上個 trip 去東京時，無搭 CX 的原因）；兩間同爲五星級優質航空公司，但一程 red-eye 明顯見到 KE 的 catering 高下立見。
不過另一方面，食完呢餐宵夜後航程只餘不足兩小時，睡眠時間就必定受影響；收餐後機艙燈光隨機調暗
AVOD：這款白框螢幕影應為上一/兩代的標準，畫面並非高清（唔清楚 KE 的 B77E 最長會飛幾遠，但 KE 同一機型有多於一個 product，B77W 亦然，定票時無從得知，派機亦未必有規律）
電影、電視選擇合理，以韓國節目爲主，不過爲爭取時間休息，我回程先有認真搵影片睇
Flight map 款式與 ANA B767-300 ER 上的系統相同，並非 interactive 但可以固定航線圖
遊戲選擇等於零（回程時狀況相同，相信唔係個別客機之問題；唔知係整個 KE IFE 內不提供遊戲，定系統問題暫停服務）
Lavatory 內除洗手液外，另有提供 hand cream 及 touthbrush kit；此程短途機未有 amenity kit 實屬合理，但於廁所內提供相關備品，相當貼心
Approaching ICN（小弟自己搭飛機一般會選窗口位，經濟艙的話好難影到整個窗戶）
全程飛行路線，當日受颱風影響，棄經台灣海峽，改經中國內地之上海、江蘇一帶再飛出黃海
B777-200 ER business class；如果我係睇住 B787-9 訂 business class，應該會對此機型異動更爲不滿
First Class product；但 KE B787-9 未有設置此艙等，唔清楚當日係比 J class 免費 upgrade 抑或丟空呢個 cabin
