港鐵網站仍稱沙中線今年通車，歸咎古跡發掘導致延誤

kei_hk 發表於 2019-1-16 10:12
人地公司直到這一刻﹐向外宣佈 "目標" 都仲係今年通車(屯馬線)﹐網頁資料係無錯。

雖則大家都估到如期通車 ...

為咗唔想重建洗一大筆錢，減低紅磡站負荷嚟換取東西走廊全線通車，受罪只會係東鐵。關鍵係

紅磡站鋼筋出事之後東鐵一定會受牽連，而且在於

MTR會選擇 放棄東鐵唔理過多人嘅問題 定 還是放棄保留紅磡站選擇再重建。

053h4 發表於 2019-1-16 22:50
話大陸化，不如話高度壟斷的必然結果？成班人一條氣孔出氣，跑到數話扭入24mm 合格，有人引敢機於呢個報 ...

我會倒返轉咁諗，壟斷冇對手承接工程底下去自我降低標準，自然好似當初兩鐵合併咁比人話一鐵獨大，再加埋啲咩垃圾可加(無)可減機制，係冇其他contractor承接之下變相焗著做佢生意。

RyanPun 發表於 2019-1-16 22:59
為咗唔想重建洗一大筆錢，減低紅磡站負荷嚟換取東西走廊全線通車，受罪只會係東鐵。關鍵係紅磡站鋼筋出事 ...

重建就一定無人無公司想﹐但係亦要有理據去同所有人講﹐究竟結構係安全﹑可以加固處理﹑必須重建。

因此﹐在有懷疑的情況下就需要做進一步檢測。

証實係結構有問題﹐就要睇情況去審核係可加固定係重建。

講真﹐埋單就一定係禮頓負債﹐大眾市民就蝕時間。

政府唔會容許用減班/減負重去接受收貨﹐但可接受加固去補救(加固後必需達到原設計的水平)。
無法達到原設計的標準﹐就只有一個下場﹐就係拆。

情況就有如當年的居屋短樁事件﹐有樓宇無得救就要拆﹐有樓宇可加固補救。


以昨晚的新聞資訊﹐有4成檢測結果係不合格﹐就算政府覺得有救﹐都唔易過到議會及社會壓力﹐一定要極有理據才會決定加固補救。
最重要﹐唔會有人肯為這些蘇州屎去負上失誤的責任。

其實加固﹑重建﹐話事權根本在政府﹐因為係政府工程﹐只不過委託MTR做監工﹐最終收貨都係政府。
以現時情況﹐政府已經可以唔收貨﹐可以叫MTR下令重建。問題只是政府未有需要而家講﹐可以睇晒所有資料才作最終處理方案。

現時的檢測﹐來到現時已知的結果﹐基本上大家都心中有數。
餘下未檢測都要做埋﹐主要係收集更多的証據﹐為進行中的刑事調查及將來的檢控提供資料。


返回正題﹐現階段就未知要加固定係要拆﹐當然唔會更新預計完工日期﹐因為2者所花的額外時間﹐根本係好大分別。
所以﹐我之前才會講係要有最終方案﹐才會更新預計完工日期﹐就是這個原因。換句話說﹐MTR的 "目標" 都未更新﹐當然依舊係今年年尾通車。

RyanPun 發表於 2019-1-16 23:05
我會倒返轉咁諗，壟斷冇對手承接工程底下去自我降低標準，自然好似當初兩鐵合併咁比人話一鐵獨大，再加埋 ...

其實減得本身一定係要等經濟大衰退，問題係過去十年經濟好似一直增長啫

好似樓價咁，係一大堆人想佢跌，但到佢跌嗰陣人人都趴咗喺度之嘛