紅小可使用東九龍走廊北行

http://www.td.gov.hk/tc/traffic_notices/index_id_44900.html
由 2016 年 2 月 20 日上午 10 時起，東九龍走廊 (北行) 近漆咸道北的公共小型巴士24小時禁區將予以撤銷。意味着往由加士居道往土瓜灣的紅小可駛上東九龍走廊。
而接着能否入啟德隧道則不清楚，2011 年的 Google 街景顯示隧道入口未有小巴禁止駛入的標誌。

重點都係有幾多紅小線真係會改行果段東九龍走廊北行？
佐敦果堆去東九既紅小線會唔會用？
港島過紅隧果堆去東九既紅小線會唔會用？
土紅荃線中九方向會唔會完全拆開兩條，而去土瓜灣果條就用？

因為以前作為啟德隧道東行唯一通道既東九龍走廊北行係小巴禁區,當然無須多此一舉响隧道口整多塊禁區牌。
睇番啟德隧道西行係小巴禁區，相信東行一樣係小巴禁區，全部小巴都要由九龍城道離開。

其實有什麼原因會取消這紅小禁區?

3AV53 發表於 2016-2-23 11:53
因為以前作為啟德隧道東行唯一通道既東九龍走廊北行係小巴禁區,當然無須多此一舉响隧道口整多塊禁區牌。
睇番啟德隧道西行係小巴禁區，相信東行一樣係小巴禁區，全部小巴都要由九龍城道離開。

若果真係禁區既話確實唔可以真係容許存在「整漏紅太陽」既笑話。
因為可以引起有些某些紅頂衝這些灰色路段，跟住正苦又要捱多種執法不力既指控。

講真果堆紅頂禁用既快速公路又未必真係一定所有紅頂有巨大魔力，有些紅頂路線情願曡埋心水做大流水好過。
當例如有些車速顯示器、限速器都被大玩軟硬改既時候，幸好暫時都未出現有種「變色龍技術」令堆紅頂可以暫時變「綠頂」從而增加紅頂硬闖禁區被發現既難度。
雖然兩者正苦嬲起上黎慈母都大可以以詐騙治罪。

睇黎運吉想用啟德隧道分流太子道車流

SSBT 發表於 2016-2-24 22:07
睇黎運吉想用啟德隧道分流太子道車流

似係分流漆咸道北馬頭圍道車流多啲。

Check過堆紅小線，原來真係對東九龍走廊反應冷淡：
東區果條紅隧過海去土瓜灣線、油佐線、藍佐線果堆繼續碌漆咸道北馬頭圍道北段
土紅荃果個家族仲攪笑，就算聲稱唔經紅磡果個版本都係對東九龍走廊冇興趣

真係唔知邊條紅小線確實改行東九龍走廊北行，完全見唔到多左甚麼東九龍走廊特快既宣傳牌。

至於東九龍走廊南行，反而見到某條去西環既過海紅小線有用到。

由此可見，紅磡土瓜灣對於紅小界仍然認為重要，由當初只係冇東九龍走廊用而侷行開始，就算到宜家有得用似乎已經太遲。

某日早繁搭巴士經過東九龍走廊，見到有紅小真係有改行東九龍走廊北行，但相關紅小線行東九龍走廊具體既時段仍有待確實。