多謝哂渣馬改在彌敦道舉行，中九龍幹線終於上到馬

http://orientaldaily.on.cc/cnt/news/20160116/00176_010.html?pubdate=20160116
當然最好就係例如將紅磡繞道在紅磡道繼續北延整多條土瓜灣繞道加強效果

終於開始起，好事

不過有少少擔心九龍灣個位
車流從龍翔道分流至中九龍幹線，有機會會導致牛頭角道、九龍灣工業區塞死
如果講起多個出入口，個人覺得應該考慮直駁落觀塘道

其實以現時接通九龍東西既道路的車流量，我覺得中九龍幹線個使用率應該會甚高
起多條繞道都唔係唔得，不過再駁返落九龍灣只會加劇上面所述的問題
而唔駁落九龍灣對分流車流個用途又似乎唔太大.....

Ideally中九龍幹線可以應該可以分流東九龍幹線車流
我相信到時紅磡出入西廊、東九龍走廊都會比現時暢順
我覺得就算唔再起新路處理紅磡車流，紅土交通狀況都會有改善

對於紅磡而言，最逼切既，係要重新執過死亡交叉既道路設計
一係就起新路容許紅隧車流直上加士居道天橋
一係就起新路等去佐敦/尖沙咀/油麻地/旺角既車流可以免塞死亡交叉
詳細點搞我無研究過（記得舊帖好似有）
但總之點搞都應該會好過現有個兩邊互相cut線既設計
甚至我覺得加支燈落去都已經會有莫大幫助

一項每年封半日路的比賽，可以對一項用到過百年的基建項目有舉足輕重的影響？

病向淺中醫，勿放棄治療呀朋友。

P.S.小弟諗到兩者的唯一關係，當中九龍幹線開工後，呢一截賽道同過去幾年渡船角西九龍總站一樣，改到年年唔同

s3n370 發表於 2016-1-18 19:18
一項每年封半日路的比賽，可以對一項用到過百年的基建項目有舉足輕重的影響？

病向淺中醫，勿放棄治療呀朋友。

P.S.小弟諗到兩者的唯一關係，當中九龍幹線開工後，呢一截賽道同過去幾年渡船角西九龍總站一樣，改到年年唔同

彌敦道+亞皆老街+櫻桃街咁樣封路法確實令到整個西南九龍既道路網缺陷浮現，因為確實幾乎只剩下西廊可以貫通東邊與西邊。
如果唔係梳士巴利道實際上冇封到既話，真係等睇西廊塞到癱瘓吧。
老運今次既呼籲語氣確實重口味左唔少就知點解。

就算只係每年封半日路，但對於逆境智商低到極點既例如香港既商界、運輸界等等，政府唔做多d安撫措施點得。
若果日後有更多類型既公眾活動都揀類似既封路法，相關路段既封閉頻率亦只會越來越襟計。

今次中九龍幹線過立法會果關無論在日期和速度等方面都算是屬於突然既級別，諗起同渣馬有關確實正常。

castanopsis 發表於 2016-1-17 08:35
終於開始起，好事

不過有少少擔心九龍灣個位
車流從龍翔道分流至中九龍幹線，有機會會導致牛頭角道、九龍灣工業區塞死
如果講起多個出入口，個人覺得應該考慮直駁落觀塘道

其實以現時接通九龍東西既道路的車流量，我覺得中九龍幹線個使用率應該會甚高
起多條繞道都唔係唔得，不過再駁返落九龍灣只會加劇上面所述的問題
而唔駁落九龍灣對分流車流個用途又似乎唔太大.....

個人又唔太擔心，牛頭角以東的車輛，可以照舊行觀繞或啟福道入中九龍幹線。
行開觀塘道的，除非去油尖旺，否則無乜誘因用中九龍幹線

castanopsis 發表於 2016-1-17 08:35
對於紅磡而言，最逼切既，係要重新執過死亡交叉既道路設計
一係就起新路容許紅隧車流直上加士居道天橋
一係就起新路等去佐敦/尖沙咀/油麻地/旺角既車流可以免塞死亡交叉
詳細點搞我無研究過（記得舊帖好似有）
但總之點搞都應該會好過現有個兩邊互相cut線既設計
甚至我覺得加支燈落去都已經會有莫大幫助

個人認為要解決死亡交叉個問題，其實早在建紅磡繞道時就有機會解決。
當年只要順手起條橋康莊道北行，直駁紅磡繞道落加士居道西行支路就可以。

今時今日再諗，可能要配合埋加士居道天橋擴闊一齊諗。

陰謀論咁睇，紅隧塞車情況有改善，又點引D車行貴得多的西隧

paul2357paul 發表於 2016-1-18 20:46
彌敦道+亞皆老街+櫻桃街咁樣封路法確實令到整個西南九龍既道路網缺陷浮現，因為確實幾乎只剩下西廊可以貫 ...

Up完一大輪，都係講唔到有乜關係

病向淺中醫，勿放棄治療呀朋友。

P.S.
1. 過去多年，梳士巴利道都無因為香港馬拉松而封路。
2. 報導只係話行政會議批准，並未提及立法會

s3n370 發表於 2016-1-18 23:20
個人又唔太擔心，牛頭角以東的車輛，可以照舊行觀繞或啟福道入中九龍幹線。
行開觀塘道的，除非去油尖旺 ...

個人認為要解決死亡交叉個問題，其實早在建紅磡繞道時就有機會解決。
當年只要順手起條橋康莊道北行，直駁紅磡繞道落加士居道西行支路就可以。

今時今日再諗，可能要配合埋加士居道天橋擴闊一齊諗。

陰謀論咁睇，紅隧塞車情況有改善，又點引D車行貴得多的西隧

加士居道天橋，曠闊係有一定難度，尤其本身條橋要穿過建築物
我認同如果當年起條橋係可以紓緩到個問題

其實最簡單，我覺得加個燈位等兩邊個車流可以逐batch逐batch過，唔使打交叉
應該已經可以改善部分塞車問題

至於你個陰謀論
其實我覺得現時個設計係對紅隧既車流好著數
好多時東九龍走廊塞到落土瓜灣，紅隧入加士居道都無明顯車龍
無論係起新橋定加燈位，其實係會拖慢咗紅隧車流

castanopsis 發表於 2016-1-19 10:48
加士居道天橋，曠闊係有一定難度，尤其本身條橋要穿過建築物
我認同如果當年起條橋係可以紓緩到個問題

本身果帶政府建築物，都因為建中九龍幹線需大規模拆卸並重置。
包括油麻地停車場大樓﹙原址重建﹚、賽馬會診所﹙遷往伊利莎伯醫院﹚、玉器市場﹙臨時遷往鄰近地皮﹚、油麻地警署﹙不包括歷史建築部分，遷往御金·國峯側﹚等

加士居道天橋擴闊工程亦早已在政府計劃內

s3n370 發表於 2016-1-19 20:30
本身果帶政府建築物，都因為建中九龍幹線需大規模拆卸並重置。
包括油麻地停車場大樓﹙原址重建﹚、賽馬會 ...

你講起好似又聽過
希望到時可以真真正正解決死亡交叉問題

反而想知你覺得加燈位有無用？

s3n370 發表於 2016-1-19 20:30
本身果帶政府建築物，都因為建中九龍幹線需大規模拆卸並重置。
包括油麻地停車場大樓﹙原址重建﹚、賽馬會 ...

新油麻地警署已經差唔多起好。

但係睇過啲資料，起中九龍幹線話會影響廟街市集，但係市集同幹線有何關係?