被遺忘了的萬屋邊鄉村車

正當大家把握最後機會前往上水追尋邊境鄉村車，以為四月之後鄉村車會消失於香港都市之上；
同樣位於北區另一邊的聯和墟，每天早上均仍然有一條服務沙頭角公路沿線的鄉村車

呢個年代，能夠用$2.5搭車應該所剩無幾的吧？
然而呢條鄉村車，用$2.5就能夠坐足30分鐘，去到沙頭角公路的萬屋邊
比同樣服務的巴士小巴足足平成倍幾，仲要比你載貨唔收你附加費，夫復何求








謝謝點閱

呢架係咪星期一至五都有服務??
好久之前睇過網上有人話
個司機未必(一至五)日日都有開...
d村民有時要打電話問司機有冇出車云云.

其實我好想證實一下呢架車嘅營運情況, 感激!!

如果此車排放連歐盟一期都到不了，很大機會年底不獲續牌

呢架有冇時間表?

理論上係每日朝早都有服務，無固定時間
不過之前睇過一個blog既訪問就話
如果某日唔會出車就會事先通知啲居民咁

唔好話$2.5坐到萬屋邊，就算俾$4坐到沙頭角都平過55K同78K多多聲

當然到今時今日連專線小巴都提供長者及殘疾人士$2乘車優惠(包括55K及56K)，鄉村車既地位就岌岌可危

原帖由 HE7921 於 2015-3-27 21:29 發表
如果此車排放連歐盟一期都到不了，很大機會年底不獲續牌

如果冇撞過換件，呢架係歐三

我上網都睇過知有呢架車，但網上嘅資料極其缺乏，
由服務時間，到由邊度開出（邊個街口）都搵唔到，所以冇綠一坐，
想問下有冇朋友知? 同埋樓上所講「只行上午」，咁其實所謂上午又係去到幾多點左右?

謝謝！

1) 網上資料不可盡信, 開車地點(聯盛街)岩開車時間錯（我搵到ge話1040開, 你跟呢個時間等我諗等廿零個鐘你會等到)
2) 許可證寫明載客載到1100 (唔係2300), 所以的確係只限上午服務
3) 同司機吹過水, 佢話收工之後只會喺屋企打躉過日晨, 唔會揸部車周圍去
4) 聽司機口吻就冇"退休"念頭 ( 雖然佢已經七十幾歲), 但佢承認兩蚊乘車擴展到小巴後對佢僅有ge生意額都構成一定打擊

個超載證去到幾時