你地試過最長連續返幾多日工?

我最近一次係舊年中, 去完澳門返黎之後, 假期用盡哂, 無多一日再可以抖, 就要連續返12日工, 由4月22日返到5月3日, 紅日都無得抖, 超辛苦

你地試過最長連續返幾多日工? 歡迎分享

連續十日（2013／12），
冇 o既，我打份 part time 工，斷鐘計，多勞多得架姐，
我老闆問我得唔得閒，我又見冇野做未 ok 去做姐 ……
當然做完個十日我個銀包當然進帳唔小

初出茅爐時, 試過最多17日冇放假, 不消一個月, 就被同事以20日冇放假打破了我的紀錄!

想當年, 超過十日冇假放係等閒事... 冇辦法, 市道差, 手停口停!

近十年市道冇乜點差過, 即使係2008年金融海嘯, 眨下眼就過去, 對市道的影響實在微不足道.

試過26日. 當年summer job做賣手機, 一個月4日假但成日唔夠26日都唔批你放假. 感覺係當年學生做細比人洽.
當年考完al 5月到9月做左4個月.

上年年尾試過連續 19 日，
我本身返五日工，但有 weekend 有 event 都要返，返得 weekend 平時連準時放工都好難，根本無可能補到假，變相要連返廿日都唔奇。

我自己就連續13日, 不過果一個月就只係放咗三日(定四日, 唔係好記得喇). 當然係多勞多得, 份人工好和味啦.

小弟對上一次休假攤抖係幾時，耐到都數唔到…

身為"技術及營運總監(Director of technical and operations)"，唔好睇個職銜就以為可以腳印印點人做野。先講工作環境，一開工就唔駛旨意有得抖，不論係腦袋定手腳。食飯拉矢？攝到時間先有得做。紅日長假？照開工之餘仲忙過平日。半夜有覺好訓？實際要隨時候命，同消防員一樣，一有柯打就要即刻出動。人工當然就…呵呵呵…

有時會在不同場合遇到其他行家，相比之下小弟的情況都唔算係乜，至少小弟有份算係咁的兼職，飯鐘尚算穩定﹙否則都唔可以响度發到up風啦﹚。相比起唔少前輩，更係小巫見大巫…

講到呢度，相信心水清及聰明的板友都知我正職做乜，所以唔打算多講…咦，行政總裁急call，唔講咁多，拜拜！

P.S. 想了解，請睇呢度