推巴士

某日黃昏﹐9042在遮打道停燈位﹐但轉燈後卻不能從新入波。
細佬與司機多番研究及嘗試均不得要領﹐因為位於司機位右邊
的保險掣不知何故彈起了。


現場是單線行車﹐加上正值繁忙時間﹐不久便做成一條長長的車
龍。


很快﹐多架鐵馬便從四方而至﹐一位警察指示司機作了多項嘗試(有
趣的是﹐警察的指示與細佬之前給予司機的建議不謀而合)
留意圖中已有一位警察準備推車﹐細佬當時心想"推巴士?!不是吧!"
大家估下要推動9042﹐需要多少個警察呢?


答案是5個! 對!! 只有5個﹐而且速度是出乎意料的快。這幕中環推巴
士記吸引很多途人圍觀﹐更有不少人用手機拍下這難得的片段。


推呀!推呀!!


不消三分鐘﹐便以把9042推過了彎位﹐泊在一旁。圖中距離最終停車
點還餘幾公尺﹐警察們已經開始放手﹐讓巴士以餘力自行前溜﹐可見
推車力度之大!

向香港警察致敬!!

真係幾好野wo, 仲可以轉個90度彎....

早排搭9042@606, 部車上柴斜老鼠拉龜咁

早幾年見過有大白龍@48X響源禾路左轉入沙田鄉事會路時死火
仲要係剛剛轉彎就死火，打橫塞住晒成條鄉事會路
結果都係七八個乘客+警察就推開架大白龍...

親愛0既城巴富豪成日都入唔到波

唔知檸奶兄想用咩辦法？

通常入唔到波，司機都會再著多次車，或鬆手掣溜前/後，再入波就得
不過冬菇都彈埋，同埋唔算暗斜，都好難用呢招

或者叉叉風又得，咁簡單就一早攪掂

我有樣覺得奇怪，彈0左冬菇，用5個阿Sir就推得郁架車？照計之後叉返風啦

不可思議的推巴士啊..

不可思議的推巴士啊..
勁

巴士唔難推丫﹐響廠周不時都有份推...
推順左部車尤得它慢溜就轉到彎~

原帖由 nwfb23 於 2006-4-14 19:07 發表
親愛0既城巴富豪成日都入唔到波

唔知檸奶兄想用咩辦法？

通常入唔到波，司機都會再著多次車，或鬆手掣溜前/後，再入波就得
不過冬菇都彈埋，同埋唔算暗斜，都好難用呢招

或者叉叉風又得，咁簡單就一早攪 ...

其實都係試試熄車再撻車﹐同埋試下快速N、D、N、D咁入波﹐
希望可以入得番波﹐因為以前中巴果陣見過VA55咁都係樣入得
番波。上面兩樣都唔得之後就試埋後波﹐都係唔得。
至於風缸果邊﹐前後缸同副缸錶都係大半滿﹐所以就唔係好明
點解會跳左保險製﹐不過鬆左手制後架車又冇"拿"死喎!
搞左一陣﹐警察喱到﹐咁我就費事再搞﹐等警察去處理啦

神奇啊．咁推法我仲以為會推爛個車尾蓋架車都唔郁添....

平時百x, x康 超級市場送貨果d工人一"車"貨物 (從貨車用推車送往分店) 都要3-4人...

估不到5名交通警哥哥就可以"征服"大巴士,

香港警察真係好野~"