你地鐘唔鐘意行新城市

話哂果度早排裝修過，我覺得個商場夠哂靚(好有時代感)，又大，又多靚女(尤其是賣化妝品果度)，不過D野就貴D

新城市我覺得真係無特別
大陸人就多

新城市, 為大陸人服務的舖頭都好多, 為本地人服務的就趕走晒或者放族去D唔當眼位置(例如突破, 商務印書館......)
最諷刺的是, 新鴻基的老闆係基督徒, 但新城市內的突破書廊曾兩次被趕走, 第一次搬去鑽石山荷里活廣場, 第二次搬去九龍灣德福廣場2期, 同樣以前有天道書樓都同樣被趕至連城廣場.

原帖由 gordon 於 2014-3-27 11:43 發表
新城市, 為大陸人服務的舖頭都好多, 為本地人服務的就趕走晒或者放族去D唔當眼位置(例如突破, 商務印書館......)
最諷刺的是, 新鴻基的老闆係基督徒, 但新城市內的突破書廊曾兩次被趕走, 第一次搬去鑽石山荷里活廣場 ...

你認為大商家真係會將錢唔放在眼內 ?
基督徒可以當飯食 ?

新城市根本就係一個為大陸人服務 o既 mall,
我寧願去附近 o既希爾頓, 偉華都唔想行新城市,
新城市人又多, 根本你想行都難

唔鍾意, 沙田市中心只會行沙田公園, 要食野買野會去沙田中心.好運中心, 由巴士總站或沙田站去公園.大會堂.圖書館,
淨係曉急步直行, 唔好叫我轉彎, 好驚蕩失路消失於人海中.

現在的新城市廣場已經同我細個廿年前唔同晒, 冇左音樂噴泉, 店舖組合亦大換過幾次, 惟一小變就係面向大會堂
有樓梯級果個小廣場, 除非約人行, 否則一田果邊好少去, 情願行瀝源廣場, 行完買菜搭89返歸.

我由出世到宜家都住係沙田，新城市廣場的確係變左好多
同時都令我完全諗唔到呢個商場宜家有咩係值得我行

基本上現時去新城市都只係為左搭火車
食野都只係去五樓間M記，或者一田
其他鋪頭都係俾錢佢交租，而唔係食好野...

原帖由 OTIS401 於 2014-3-27 22:24 發表
我由出世到宜家都住係沙田，新城市廣場的確係變左好多
同時都令我完全諗唔到呢個商場宜家有咩係值得我行

基本上現時去新城市都只係為左搭火車
食野都只係去五樓間M記，或者一田
其他鋪頭都係俾錢佢交租，而唔係食好野. ...

依家呢個新城市得個名
十幾年間可以變到認唔出呢個係新城市

原帖由 EX-TL 於 2014-3-27 21:54 發表
唔鍾意, 沙田市中心只會行沙田公園, 要食野買野會去沙田中心.好運中心, 由巴士總站或沙田站去公園.大會堂.圖書館,
淨係曉急步直行, 唔好叫我轉彎, 好驚蕩失路消失於人海中.

現在的新城市廣場已經同我細個廿年前唔同 ...

有音樂噴泉、羅馬廣場、啡色地磚、樸素裝修、大眾化店舖嘅新城市先可以稱得上係新城市

以前細個，成日都會同呀媽突登由將軍澳坐車去新城市，
無他，只係想睇下音樂噴泉，行下街，睇下d出面商場無既野；
依家？唔駛突登去啦，無論係新城市，仰或新都會，或者新都城，
除咗地點唔同，大細唔同，裡面既野其實都係咁上下，無咩分別。
唔好講行商場啦，連行街都係，唔係金舖就係化妝品、名牌、藥房，
行商場同行街只係室外同室內既分別。

我總係覺得新城市有一種時代時尚既感覺，同一間新商場冇分别，空中花園又大又靚