反對在大埔興建龍尾人工沙灘!

點解政府對市民素求睇唔到? 唔出聲係咪當700萬人都支持?

反對理由
1浪費公帑建個水質不適宜游泳的人工沙灘
2活埋200多種海岸生物
3摧毀我們僅有的天然資源

齊齊企出來反對!!!

龍尾沙灘呢樣就已經講左好耐，亦唔似其他所謂諮詢避過大眾雷達，
龍尾都算好早已經有環團反對，亦組織過市民去救亡，可惜仍是碰上鐵板一塊。

但件事好似係鄉民主導先，政府就「懶」順應「民意」，說穿了係唔想得罪鄉民，
其實好多所謂諮詢所謂地區工作，都係邊個聲大夾惡就可以得逞。
下下都成千上萬人上街，政府無得怨，全部都係自己欺善怕惡造成。

好似尖碼巴總咁，做定唔做你估真係同民意有關？
點解一換個特首就即刻停到？可以堆砌千千萬萬個理由話做唔到？
技術難度？乜提出建議時無諗埋技術難度架咩？

龍尾都係一樣，所謂需求所謂經濟效益全部都可以老作亂吹，
話可行又得，唔可行亦得，一班老一輩鬼同你講生態價值，
連祠堂都可以賣可以拆的心態，只要有錢賺你叫佢殺人放火佢都制，
對佢地來講海龍係用來浸酒的，海星都係用來煲湯的。

班官最驚得罪佢地，燒紙紥公仔事小，陣間成桶屎成桶豬餿照頭淋，
無情白事有幾個公仔佬扑你，重話走去北京告御狀，
如果有人可以在這些情況仍然擇善固執我就畀個like佢。

[ 本帖最後由 DIH 於 2012-10-7 10:57 編輯 ]

人造沙灘？己經衰左N次仲做？

不過原居民有很大部份有權力者的思維真的完全唔知點.....