對312康偈水塘龍QC上的批評

昨日係九巴熱狗服役的最後一天, 亦係312康偈水塘龍推出的日子
之前訂左93k, 於是執左部返黎, 唔講咁多, 先去圖片



先講優點, 今次的S3N車頭大燈傍的角燈也造成透明的效果
內籠再唔係一隻色包辦, 但並唔係首次出現於312產品

然後就講缺點 (遺憾既係篇幅遠多於優點...)
呢一批QC係我買左5架各式膠車以來最差的一次, 至少
我見到廿部以上的93k 59A唔係花面貓, 就係有各種類似下列的問題

睇一睇S3N同3N的合照, 唔泊埋猶自可...
[[原圖尺寸請下載, 唔知點解佢縮左圖]]

相信眼利的ching好快就睇到兩車的分別
1, S3N牌箱邊緣既做工上色"岩岩蠶蠶"
2, 鋁窗框的印刷水平模糊不清, 3N看起來清晰得多
3, 鬼面罩的鋁條粗左個double咁滯...
4. 光油比以往重手左, 那個...熱狗會咁閃亮嗎?

揀到頭都大埋, 結果都係中招...
掛住睇車頭車尾, 兩側相對被忽略, 加上中間又有塊大膠帶遮掩
返去拆開先發現中門上面的一幅竟然係唔同色 (詳見圖一)
完全冇諗過在312出現這種問題

請312慎重監控品質, 其實呢兩年你地開模的水平都相當高
我都係你地的支持者, 3N, M仔, DC都有捧場, 同時要求亦比較高
一早訂左金屬水塘龍仍照訂康偈水塘龍, 就係睇在高質的3N分上...
唔好再比呢d支節搞喎成煲靚粥喇拜託!!

[ 本帖最後由 da87 於 2012-5-9 04:24 編輯 ]

睇到巴打你今次咁無奈, 小弟睇過水塘龍實物後, 都同意巴打既說法,
其實由 大牌箱 TURBO M仔 @ 51, 質素已經向下, 好多車都有不同程度既 "崩油", 及車窗銀框上油不均.....
睇番 3N 既質素, 真係比近期既 312 作品好得多!!
不過講到最差既, 不得不提 "ES龍" , 車身真係有明顯既變形.......

希望 312 可以比你更換另一部 "質素上既 93K 水塘龍" 啦 ......

[ 本帖最後由 我不好愛 於 2012-5-9 12:15 編輯 ]

原來講漏另一個優點, 就係將真車一樣車窗帶綠色

中門上面鴛鴦色似乎唔係個別問題...
隔離版說可以返零售商退換
唔知有冇轉將來出的風機版?