2012年4月九州賞櫻之旅

2011年11月才剛剛去了九州，返來後家人話想返去賞櫻，
到一月尾拍板，今次行程少兩個人，改由我帶隊，全程主要用pass。

（上次旅程：http://www.hkitalk.net/HKiTalk2/thread-663243-1-2.html）

2012年04月01-03日用JR九州北九州地區三日pass，7000円，
連埋特急、指定席，我地總共搭了相等於28720円的車程；
2012年04月04日用福岡綠色循環巴士pass，唔關鐵路事；
2012年04月05日用西鉄福岡1 day pass，2000円，
比上次貴了500円，適用範圍大了但我地唔需要去到咁遠，當日搭到黃昏先開始有賺。

－－－－－－－－－－

2012年03月31日到步，搭福岡地下鉄空港線去博多。

1. 在航機臨降落前的manuveur可以睇到福岡市內大部分地方，包括博多駅。


2. 又來到了！


3. 這條線其實可以一直行57.9公里。


4. 福岡地下鉄空港線＋JR筑肥線直通運轉去到西唐津，就係57.9公里喇。


5. 來車係JR九州103-1500系，竟然畀我撞到。


6. 車內，冇乜人。


7. 編號牌。


8. 昭和57年=1982年，架車大過我，但內裝keep得唔錯。


9. 行足全程，連起訖點係32個站，要行100分鐘。


10. 我地只係搭兩個站，博多到着。


條線會造成一個有趣現象，就係由博多去西唐津，
你可以選擇地下鉄駁筑肥線，或全程JR（繞落佐賀），
不過除非使用JR pass，否則都係搭地下鉄比較化算（1200円 vs 2070円）。

明日預告：小城、佐世保

多謝觀賞。

原帖由 DIH 於 2012-4-23 22:46 發表

......

6. 車內，冇乜人。


......

又會咁好心整絲絨座椅？

換著是香港，只有機場快線先至會用。

絲絨座椅差不多是日本地鐵的基本配置，香港暫時沒有，不過日本地鐵車費比香港貴很多（以單程票比較）。

原帖由 stevenlim84 於 24-4-2012 11:38 發表
絲絨座椅差不多是日本地鐵的基本配置，香港暫時沒有，不過日本地鐵車費比香港貴很多（以單程票比較）。

應該話係日本各重鐵列車基本配置
一時間都諗唔到現有邊種車無......

2012年04月01日，行程正式開始！

短片：
在酒店房間可以見到博多駅新幹線月台！
http://youtu.be/tnzhILFJzgs

1. 房間外望新幹線，這間酒店只係住了一晚，
　原本係想住同一集團另一新翼（在對面街），但book唔到，唯有住一晚這間。
　間房冇得開冷房，唯一意外收穫係呢樣。


2. 火車站汽水機都係新幹線。
　九州對高鐵的狂熱比內地更甚，我舊年去係慶祝九州新幹線開通，
　今年去，同樣的產品，就話慶祝九州新幹線開通一周年。


3. 搭08:56的Kamome，但本次只到佐賀轉車。


4. 885系！上次只能望一陣，今次任影任搭～


5. Midori的783系，今日晏晝同夜晚會搭佢。


6. 再影885，實在太靚喇，我影了好多相，貼上來的已經盡量忍手。


7. 駕駛室門。


8. Around the Kyushu，大部分JR九州特急列車都有此branding，即係話搭特急可以在九州周圍去。
　還把Tsubame（燕子）畫了上去。


9. 好cyber feel


10. 到佐賀轉乘唐津線往小城，剛落車時唔見月台有車，原來係單卡柴油車！


11. 到小城時，對面線的kiha 47。
　EMU的聲音真係好似坐巴士一樣，可惜當日錫住張卡，冇影片。


12. 送


13. 送


14. 送


15. 賞完櫻，返到小城駅。


16. 唐津線往西唐津方向，還記得我在#1提過福岡地下鉄空港線直通西唐津嗎？
　如果全程搭JR，就要繞落佐賀，再搭勁疏柴油車先到。


17. 唐津線往久保田／佐賀方向。


18. 車來了，係kiha 47拖kiha 125。睇返編號，即係第11張相那「抽」車，剛好行完一轉。


19. 前面展望，鐵路兩旁都係油菜花。
　在這程車，我媽話搭這些火車搖下搖下都幾舒服，
　我屋企人係第一次搭local線，我都係第一次搭柴油車。


20. 再望下這「抽」車。


21. 前往下一站：佐世保，搭Midori。


22. 日文Midori即係「綠」，地點牌都有堆樹。
　特急Midori係博多－佐世保，特急Huis Ten Bosch係博多－豪斯登堡，
　兩抽各四卡車一齊行，去到早岐駅分割。


23. 車名牌。


24. 座椅都係綠色。783系的特色係車門在車廂中段位置，入門口之後分左右客室。
　這系車已經有24年歷史，雖然經過翻新，但外觀有點過時，內裝也有點殘舊。


明日預告：由布院、鶴見岳

多謝觀賞。

[ 本帖最後由 DIH 於 2012-4-24 23:35 編輯 ]

原帖由 Mos_Lok 於 2012-4-24 20:48 發表

應該話係日本各重鐵列車基本配置
一時間都諗唔到現有邊種車無......

樓主坐既885系就已經唔係喇

仲有免仔耳sonic都係用皮凳

2012年04月02日，主打：由布院之森、別府ropeway（鶴見岳）

註：文末有短片。

搭09:20的頭班由布院之森，在幾日行程之中算係最遲出門口的一次，
無計啦，我恨由布院之森已經恨左好耐，如果唔搭佢，另一方法係搭07:30的「由布」，太早喇。
由布院之森本身列車就係旅遊項目，得四卡車，我地兩日前劃位都劃到第二卡尾行喇。

1. 在博多，時間尚早，拍拍對面的787。


2. 搞笑的係望錯了來車方向，部車在身後駛至，影唔到車頭。
　唯有影側牌。


3. 第二卡。


4. 座位。


我地個位後面就係小賣部，我買了folder同明信片(not shown)，又買了一包小食(not shown)，
旁邊有個籃有幾頂列車員／列車小姐帽，乘客可以自己戴住影相，我都影了(not shown)，
做完以上所有野時列車已離開久留米進入單線非電化的久大本線。

5. 座位後。


6. 駁卡位。為方便觀景，由布院之森整個客室抬高，
　出入車門有幾級樓梯，車卡之間就有條「天橋」。


7. 車門樓梯。


8. 夢想達成！
臨到由布院前，列車小姐會拎住日期牌逐一同乘客影相，影唔切的可以落車繼續影，如圖中小孩。
甚至只係路過都可以博懵（我不知這有否違反規定），
由於由布院站係特色建築，無購票人士都可以進入近駅舍一邊的月台。


9. 久大本線普通車，紅到刺眼。


10. 完成由布院行程後，搭巴士過別府（可參看B5：http://www.hkitalk.net/HKiTalk2/thread-684661-1-1.html #8）。
　在中途的別府ropeway落車，搭纜車上鶴見岳。


11. 啊～呀～（抬高個頭至幾乎扭斷頸）我數過架車有24個轆。


12. 上車喇～


13. 定員101人，我諗計埋個車上操作員（開關車門、通知控制中心開車）。


14. 遠望～


15. 望柱～


16. 山上駅，感覺與穹蒼拉近了。


17. 之後上了鶴見岳山頂，仁者樂山也（日文翻譯句寫在碑下面的石座側邊）。


18. 落山喇。左邊係別府市，左邊遠方係大分市，右邊的湖係志高湖，都係賞櫻地點。
　本來時間好的話，鶴見岳滿山都係櫻花，不過我地早了一個星期左右，只係谷緊花蕾。


19. 再搭巴士落到別府駅。


20. 油屋熊八。我腦海中成日叫錯佢做香港某位名熊。
　佢係開發別府同由布院做旅遊景點的實業家。


在別府市內只係去了車站旁邊食天婦羅，
plan行程時唔知去到別府食乜，網上日本人forum介紹去呢間，
果然名不虛傳，不過唔貼喇。若有興趣，可以睇下：とよ常

食完晚餐後七點零，想行下街，點知成條街已經靜英英（駅前通喎！），
步行街連最近路口的生果舖都收檔喇，無街可行，返火車站改時間提早一班車走。
火車站係唯一有人氣的地方，最後一班往博多的特急在21:53開出。

21. 搭的係885系Sonic。車程兩個幾鐘，指定席客室冇乜人，
我媽同阿姨可暢談香港親友的是非，我媽亦第一次在火車同姐姐買汽水(not shown)。


短片：
由布院之森少少走行片段：http://youtu.be/7YOPWJQRjeM
鶴見岳纜車落山：http://youtu.be/al4Ivs4umi8
別府駅小攝：http://youtu.be/S-PJeDyIr0c　
Sonic到站時，可聽到車站廣播，喊了三聲站名「Beppu」。
日本各大火車站都有此傳統，我之前在松本見到連普通車到站都會嗌名，
但而家車窗係密封的，都未停定開門，你講站名多謝乘搭，車上人都聽唔到。

明日預告：大村、長崎

多謝觀賞。

[ 本帖最後由 DIH 於 2012-4-25 21:55 編輯 ]

原帖由 DIH 於 2012-4-25 21:50 發表
Sonic到站時，可聽到車站廣播，喊了三聲站名「Beppu」。
日本各大火車站都有此傳統，我之前在松本見到連普通車到站都會嗌名，
但而家車窗係密封的，都未停定開門，你講站名多謝乘搭，車上人都聽唔到。  

我去到門司港過都冇叫喎?

返而我坐 あそぼーい!響阿蘇就不停咁叫

[ 本帖最後由 Oliver_ME16 於 2012-4-26 14:40 編輯 ]

2012年04月03日

如果各位有留意新聞的話，應會記得有一日，
日本受強風吹襲，有貨車翻側，羽田機場七百幾班機取消......

我地身在當地就唔係太清楚，係前一晚返酒店時落雨，
返上房上網睇，出晒暴雨強風大浪雷電洪水警報／注意報，
正在狐疑「有冇咁勁呀」，而長崎的行程因為唔想太夜返，取消上稻佐山睇夜景。

好喇，第二朝出門，博多市區內天氣唔太差，只係大風，氣溫大約16度。
出發前睇新聞話清晨九州最大風，午前係關西，午後到關東，之後掃上東北，
即係我地應該開始風勢減弱啦，無有怕，出發。

相片眾多，分兩貼。

1. 搭返同早兩日同一班Kamome～


2. 博多駅混雑情況，同香港差唔多，比起東京大阪簡直濕濕碎。


3. LED車牌。


4. 搭到諫早，轉大村線往大村。


5. 我好興奮咁前面展望。


6. 有隧道。


7. 有一段經過海邊，這是爆弾低気圧下的大村湾。


8. 到大村了。


9. 站牌。


10. 送，大村公園。


11. 送～遊此公園時間得40分鐘左右，
一來巴士改時間表，遲了十分鐘先去到，
二來要趕住1pm前到長崎，否則要再遲一個鐘，會好肚餓。


12. 返到去喇。


13. 停留在昭和年代的車站。大村線（早岐－諫早）原本係長崎本線一部分，
後來東邊的新線（肥前山口－諫早）建成後成為新的長崎本線，舊線local化改稱大村線。


14. 搭呢架車可以一程直達長崎。
雖然架車係kiha，出乎意料地停好少站咋，四個站就到長崎，飛了五個。


15. 到長崎了。之前在現川＞浦上之間係隧道同落斜，行得好爽。


16. 又見到最型英帥靚正的885喇～


下一part會集中長崎市電～

在長崎駅食了美味的午餐後，開始市內遊覽。

1. 長崎駅前電停。


2. 軌道。


3. 車來了～


4. 有趣站名。


5. 平和公園。噴水池的水其實畀強風吹到周圍都係，我地影相時紮住馬都企唔穩。


6. 遊完原爆區後，去下一個景點，在松山町等車，跟住幾張都係隨影。
長崎電車只得1/3/4/5四條線全日營運，大部分路程都可以搭其中一條線直達，不過我地呢程係要搭1轉5。


7.


8.


9.


10. 上了一部1號。


11. 到「築町」電停。
唯一唔可以一程車到晒的路程，就特別有個1號同5號互轉的計劃，
乘搭任何方向的1/5號電車，於築町轉乘對家，
臨落車前付該程車資（不計路程皆為120円均一價），問司機拎張轉乘券，
轉乘的那一程落車時交張轉乘券，就唔使畀錢。


12. 好舊。


13. 好新。


14. 5號電車來了，好新款！


15. 係三節車，車尾一節冇人。


16. ALNA sharyo，唔知乜東東。而家知道係阪急旗下。


17. 低地台。


18. 我腦海成日覺得係「超低能電車」。無貶意，架車幾好的。


19. spec


20. 送：眼鏡橋。


21. 遊完橋、行完街、買了好多長崎蛋糕之後，返長崎駅喇。


22. 長崎，再見了！


23. 在車站內同一個食階食晚餐，長崎駅的食階好多好野食，係above average。
走時已經天黑了，難得一見這告示。


24. 我地搭18:55的Kamome，佢18:50先到，落完客無清潔就上客，時刻表係咁的，冇得抖。
想不到搭到英偉的787。


25. 以前睇Great Railway Journeys (1999)已經認識你了～


26. 我知道，你才是JR九州引以自豪的Tsubame～


27. 多用途室。


28. 787 AROUND THE KYUSHU


29. 返到博多，遲了十分鐘。
長崎至肥前山口間，因強風影響而減速，在幾個無話停的小站要讓車。長崎本線係單線的。


30. 大变迷惑


短片：
長崎行合輯：http://youtu.be/UUMMAXHVDbs
片中第一段係搭緊Kamome由佐賀至久保田間，諗住補返兩日前搭唐津線無影到。
但係天氣已經好唔同喇，兩日前睇櫻花的小城，此時已隱沒在豪雨中。
後來去到肥前山口時(not shown)，外面的風雨有如八號風球，
好彩我地架車冇延誤，我地遊覽沿途亦無開過遮。
去到長崎雖然偶有大風，但都開始放晴喇。

返到酒店睇新聞，見到東京要好狼狽咁2-3pm提早放工，
JR東日本首都圈幾乎停晒，月台大塞人，知道冇火車之後就谷晒出去搭巴士。
東急東橫線（新聞講明係東橫線）就趁機在風力增強前加開幾班車疏導人潮。
個人估計：東急東橫線同JR湘南新宿線競爭，
但湘南新宿線本身係北至大宮南至大船，掣肘較多，某一段大風佢都要停，
但東急唔使理，只要涉谷至橫濱安全就得，重唔乘機撈返筆？

下期預告：西鉄

多謝觀賞。

[ 本帖最後由 DIH 於 2012-4-27 22:37 編輯 ]