真係唔知諗乜 Topic 至啱, 話無心插柳? 又似乎唔多對咁,
誠然呢排都冇乜點入巴模, So far 今年只係入左九巴爬山M M83 同威巴二世 AVBWU,
但係今日就由英國入左呢架巴模到手。
講到呢架新巴模, 話新都唔算新, 因為佢喺 2000 年末推出, 都出左成十一年,
果陣本來有儲開 Ribble 巴士嘅我, 當時就錯過左呢款巴模,
想喺 ebay 揾番但係似乎呢款車人氣度實在太高, 每次都一定高價完場,
今次呢架 White Lady, 連寄 58 美金攪掂, 而且仲係全新, 個人覺得某程度上已經係難得,
亦一完十一年來希望得到呢部巴模嘅心願。
講番呢部巴模, 呢架巴士真車之所以得名 "White Lady",
正係因為佢地嘅全白色車身, 呢批 White Lady 係原屬英國嘅 Ribble Motor Service,
作為長途客車之用, 以 Leyland Atlantean PDR 1/1 為基礎,
並且配備當時馬力較強勁嘅 Leyland 0.680 引擎同非標準配搭嘅前軸氣墊懸掛,
由 Metro-Cammell Weymann 提供車身, 由於作為長途客車,
全車除左使用客車高背座椅之外, 下層車尾部份亦作為廚房同洗手間之用,
1970 年代九巴車隊出現車源短缺, 九巴唯有向英國巴士公司引入二手車應急,
當中亦向 Ribble 同佢嘅姊妹公司 Standerwick 引入共 15 部客車版 Atlantean,
並且喺 1973 年投入服務, 行走當時由佐敦道碼頭經青山公路往返元朗嘅 50 號線,
但係呢批巴士只係作為應一時之急, 而且來港時亦已經有相當嘅車齡,
機件可靠性亦相對地問題多多, 所以服役年期亦十分短,
最後一部服役於九巴車隊嘅二手客車版 Atlantean, 喺 1979 年退役,
而且呢部最後退役, 編號 2L15 嘅巴士更於 1976 年因為年前一次嚴重翻車事故,
而由九巴為佢重建車身, 並且換上 Gardner 6LX 引擎。
呢批 White Lady Atlantean 目前只有兩部在世, 並且被作為私人保留。
與 Corgi 1/50 Gay Hostess Atlantean 合照
本來因為有女友嘅關係, 以後巴模 Figure 亦唔會再入太多,
但係有時人總會犯賤... o3o
不過都仲好, 佢都知道我鍾意呢D玩意嘅~
Thanks for reading~ |
