續回應葵涌老照片

http://www.hkitalk.net/HKiTalk2/thread-640049-1-2.html

由於舊文已鎖，故開新文。

關於小弟早前在此分享的一幅葵涌舊照片，小弟再整理了一些對比讓大家參考，上圖係小弟分享的1963年相片，左下圖係地政署出版書名「昔日香港」內載的1964年航空拍攝照片，右下圖係google map截圖。圖中所示A係荃灣華人永遠墳場，B係一處1963年相片和1964年航拍照對比後可辨認的長條型工程地方，位置大約係今日葵芳邨北部/葵益路附近。此長條型地盤會不會係葵芳邨昔日廉租屋(現已拆缷)建築前其工程？不過葵芳邨1971年才落成，又不似在1963年這麼早便展開前期工程。

我覺得似同興建葵涌道有關多啲，而且 B 個位置似乎比較似係善德中學對開嗰段無樓嘅興芳路。

原帖由 fai 於 2011-12-9 23:45 發表
圖中所示A係荃灣華人永遠墳場，B係一處1963年相片和1964年航拍照對比後可辨認的長條型工程地方，位置大約係今日葵芳邨北部/葵益路附近。此長條型地盤會不會係葵芳邨昔日廉租屋(現已拆缷)建築前其工程？不過葵芳邨1971年才落成，又不似在1963年這麼早便展開前期工程。

放大張相睇，似乎那些啡色長條型物體是一排排放在地面的鋼筋，可能不是什麼長條型的工程。而相中見到地盤連住後面有條泥路上山，可能個地盤係支援葵涌邨工程。