曾蔭權對黃毓民行為侮辱冒犯及曾鈺成主席裁決

電視話面我暫未看，但我聽電台黃毓民當時好大聲向曾蔭權提問緊為何委任叫望低的林瑞麟做政務司司長，之後曾蔭權並沒有回答，更形容黃毓民議員行為爛仔，又指出立法會並不是黑社會地方，之後黃毓民及梁國雄再提出抗議，之後梁國雄向曾蔭權擲雞蛋，曾鈓成主席驅逐兩人出議事廰由保安人員強行拖離場。多名泛民議員批評曾鈺成驅逐二人前，無事先警告，亦無處理梁國雄提出的規程問題，認為裁決不公。議員又指曾蔭權的「爛仔所為」言論，冒犯議員，要求處理。曾鈺成回應指，二人多次擾亂議會秩序，勸喻無效才將二人逐出。他又認為曾蔭權的言論無針對任何議員，毋須處理。
片段(1)：http://www.youtube.com/watch?v=52b7PkMmGqA
片段(2)：http://www.youtube.com/watch?v=divA4W0LWns

歡迎各位版友討論

本人意見；
:@ :@ 睇翻片段當時黃毓民再問特首但曾蔭權冇回答，之後聽到梁國雄議員係提出緊規程問題，但主席曾鈺成已話黃毓民及梁國雄兩人違反議事規則，最火滾應該係曾鈺成先聽下梁國雄的規程問題，曾鈺成主席聽到唔聽就趕黃毓民及梁國雄就話兩人違反議事規則，之後見保安人員３至４個將兩人強行帶拖場，他們兩個唔係重犯保安人員唔駛咁樣夾住兩人離場，仲有官員及特首上立法會是否應該要解答議員的問題，但特首答到冇答到議員提問就話黃毓民議員行為爛仔，特首你唔答都唔緊要， 你冇理由這樣侮辱議員爛仔行為，我雖然冇睇到今日的答問大會但聽到黃毓民、梁國雄及陳偉業議員三人都好乖冇攪事，等主席叫名再向特首發問。曾鈺成作為立法會主席冇公平裁決，仲驅逐埋提緊議事規程的梁國雄出場有欠公信力，我認為曾鈺成應該辭去立法會主席職務，另外雖然唔讚同黃毓民、梁國雄及陳偉業有時在議事廰的粗暴行為但今次我反而力撐三人，今次最大錯誤係曾蔭權及曾鈺成。

[ 本帖最後由 S3N280_FX8032 於 2011-10-13 19:57 編輯 ]

我覺得黃毓民同特首講野語氣十分「侮辱」,毫不尊重特首.走去鬥大聲就咪係度玩,想表演擲雞蛋就去馬戲團,係度做爛仔真係不知所謂 同埋侮辱議員就超錯,甘侮辱特首就係大錯特錯.
侮辱議員爛仔有問題,我真係笑左.爛仔真係好貼切不過(對黃,梁議員),一直都做緊好粗行為.

但係黃毓民嘅問題同施政報告無關

另外, 臨尾兩人比人趕左出去, 梁國雄拆左曾鈺成幅掛相放係地掟蕃茄

原帖由 nwfb94A 於 2011-10-13 22:57 發表
但係黃毓民嘅問題同施政報告無關

另外, 臨尾兩人比人趕左出去, 梁國雄拆左曾鈺成幅掛相放係地掟蕃茄

劉江華問D野咪又係無關係,
又唔見佢比人趕?

原帖由 Anpretext 於 2011-10-13 23:02 發表
劉江華問D野咪又係無關係,
又唔見佢比人趕?

我冇話問無關係問題會比人趕喎

原帖由 nwfb94A 於 2011-10-13 22:57 發表
但係黃毓民嘅問題同施政報告無關

另外, 臨尾兩人比人趕左出去, 梁國雄拆左曾鈺成幅掛相放係地掟蕃茄

不過我覺得曾鈺成應該要聽下議員的規程問題先，都冇俾機會議員講就話議員違反議事規則。

眾所周知，特首係共產黨嘅傀儡，畀面佢等於畀面李鵬、畀面毛澤東。同坦克相比，呢啲議會抗爭算咩？所謂議會政治老大英國下議會開會嘅情況，大家又見過未？

[ 本帖最後由 ArnoldC 於 2011-10-13 23:28 編輯 ]

原帖由 edhong 於 13/10/2011 23:30 發表

咁者係港式共產黨反大陸共產黨 呢度已經係中國香港14年喇, 重認英國係老大 ...

足證英國人喺過渡期不知做得幾漂亮。