晚繁 大埔墟站 往 觀塘碼頭 的最快方法

小弟晚上18:20大埔墟站出發，要19:00前抵達觀塘碼頭。請問邊種方法較好？

若果搭火車轉地鐵（小弟真係0係正車站門口出發），據港鐵網站，大埔墟往觀塘要40分鐘，繁忙時間班次頻密，需時應該唔會有太大誤差（甚至可能更快）。但19:00只係去到觀塘站，仲要行多接近10分鐘先到目的地。

搭74X的話，請問點樣行去最近的分站？睇九巴網站，全程要56分鐘，睇落大埔區內的行程應不會太長，所以理論上一樣要遲，如果有意外就更大鑊。

如果容許港鐵/74X出到九龍再轉的士，請問邊度最易截到車？

謝謝提供。

若選乘九巴74X，於大埔墟站使用B出口離開後，沿行人路
前行至南運路旁，左轉沿南運路旁（王肇枝中學外）的行人
路一直前行至廣福道、大埔公路交界的行人隧道，先右轉經
行人隧道橫過南運路，再左轉接另一行人隧道橫過大埔公路
經樓梯返回地面後，向右沿斜道上行至大埔公路，左轉沿大
埔公路前行至廣福邨對出的巴士站便可，74X分站設於最前
方的一個。

由大埔墟站步往廣福邨分站約需8-10分鐘，而74X由廣福邨
往觀塘碼頭約需35分鐘，另平均來說，候車時間約3-5分鐘。