[區域市政局遺產] 真空廁所 @ 青龍頭龍如路

上次提到，區域市政局於90年代曾計劃將新界d鄉郊旱廁轉做真空廁所，但因為呢d廁所維護成本高昂，唔值得大量改造，最後只係試驗性改左幾個。

小弟早前去青龍頭，去過龍如路個公廁，留意到個廁所裝左真空沖廁系統。



按腳掣沖廁，氣吸聲同沙頭角公路果個唔一樣（翻查區局文件，龍如路果個用Sanivac貨，沙頭角公路果個似係用Evac貨）（YouTube沖廁影片）

呢個公廁係全港僅餘既真空廁所之一，最終會連同沙頭角公路果個，隨食環署既旱廁改水廁計劃第7期中，轉做一般水廁，到時就只係淨番落馬洲皇巴站果個貨櫃箱式真空廁所了。

延伸閱讀:
* 深井的真空廁所
* 真空廁所 @ 沙頭角公路

[ 本帖最後由 m21 於 2011-4-18 21:10 編輯 ]

若能放一些"物質"在廁中, 然後才沖廁, 便有助大家了解其沖廁威力

原帖由 barking 於 2011-4-18 22:44 發表
若能放一些"物質"在廁中, 然後才沖廁, 便有助大家了解其沖廁威力

閣下有咩好建議放啲咩物質落去令個實驗更完美？

原帖由 sea1986 於 2011-4-19 13:59 發表


閣下有咩好建議放啲咩物質落去令個實驗更完美？

放舊雲吞落去, 好似企理D

呢種真空廁真係嘜都沖得

原帖由 GK9094 於 2011-4-19 20:00 發表
呢種真空廁真係嘜都沖得

要所有廁盆出水口（尤其係對住腳掣果個）出到水先得

我去廁所果陣，隔離果格就係因為近腳掣果個出水口出唔到水，d「物質」同廁紙沖極都仲響個廁盆度，好恐怖

呢種廁所既缺點係比較容易壞，維修又唔容易，d關鍵零件要向德國買。深井同流浮山迴旋處都曾經試過用呢種廁所，後尾都要轉做水廁，其中深井果個已經響舊年重新開放，流浮山迴旋處果個仲重建緊。

[ 本帖最後由 m21 於 2011-4-19 22:50 編輯 ]