現代派人圍剿遵理？

我有朋友讀遵理元朗正校，佢話幾日前現代有班人走黎門口專揀遵理學生推銷現代日校，又話轉校慳成萬蚊

現代又唔知搞咩花筍 我覺得辦學點都要有返啲道德掛

香港個補習市場都已經亂過亂世佳人
更何況係今年呢個冇左中五會考呢塊大肥肉食，搶客就真係無可避免

個人就補過現代同英皇
現代就超多的手續費，幾乎做咩都要收錢
隔黎個英皇就頂多收學費同注冊費，service好過現代
如果今年讀到中六的話我真係寧願去英皇，反正我想補的導師唔係冇教中六就係過左檔

至於今年就多左個康橋出黎玩，主打的導師有K.Oten
但問題來了，四間一齊黎玩會唔會造成劣性競爭呢?
除了上述的方法外，現代還會耍甚甚麼花招呢?真不敢想像

我覺得呢四間最好係遵理同英皇

現代睇完個學生守則，好大篇幅都係喺度講點點點要收錢
唔係個老師响現代我都唔補佢…