現今歌ge問題

為自己的文章負責任 : 小弟的印象係「流華」lo
都算係勉強解到做「流暢華麗」嘛?
「劉華」既話, 恕小弟不才, 真係唔明點樣動作很「劉華」
如果真係「劉華」的話, 實在非常抱歉, 乃小弟的錯失

其實宜家唔少歌手都興左翻唱舊歌
又或者係為一d歌換詞
算唔算係因為舊歌真係太好聽, 唔好話好唔好聽, 都算耳熟能詳吧
所以成為風氣?
換詞的意思姐係原曲係日文/ 外語歌, 再安上廣東話新詞唱出來
因為本身日文/ 外語歌感覺良好, 質素或許較高
所以會令歌曲動聽, 即使詞或許填得一般

小弟喜歡的詞人? 潘源良, 周禮茂也不錯呢^_^ 他們的歌詞簡單但意味深長的~~
周禮茂的「知已夜話」真係好正架^^
潘源良的「女人的弱點」也不俗

小弟有時亦會手痕痕動筆改下詞
明白要填情愛之事, 其實不是太難
基於「我愛你」三字平仄可互換
所以要寫到相對的詞輕而易舉
情愛歌曲成行成市, 至於話情愛以外? 其實會唔會係因為有聽眾群支持而要適合其口味而致?
小弟相信以林夕黃偉文之力, 一定可以寫到情愛以外的歌
不過寫唔寫係另一回事
黃偉文都有o係電台公開過自家既「口水歌」, 例如最經典一句:
「補底褲, 應該溫你阿媽 ... 」 (寄調 草蜢 「失戀」)
呢d詞, 當然登不上大雅之堂, 笑下都幾得意既
但係亦足見情愛歌曲流行, 又或者係上文話什麼風氣, 什麼玩比喻云云, 係同要迎合聽眾有關都唔奇
例如許冠傑果d「做到隻積咁既樣」係咪唔入流呢? 完全係為求迎合聽眾群吧, 所以深入民心
又或者係「咁岩由茶樓齊奉上」果d都係 (印象中呢首既原曲係英文歌黎, 不過一時唔記得叫乜名)
「04祝福你」, 「we shall overcome」等等咪唔咪情愛lo, 但係已是少數

當然我亦承認催交稿的確會影響歌曲質素, 呢一點, 毋庸置疑

小小意見~~

[ 本帖最後由 2ac 於 2010-3-11 01:41 編輯 ]

原帖由 hkaiw 於 2010-3-10 22:24 發表
所以近期比較好聽的只有張學友的《迷你》。

我個人覺得...
聽落去個音轉得太勁,,,
show 佢個歌藝比較重...

聽落去唔係咁舒服,,,

原帖由 victor888 於 2010-3-10 22:41 發表
陳奕迅的沙龍，也許會是近年小弟比較喜歡的一首歌，或者因為首歌提及攝影，個人帶有同感吧。

沙龍小弟都好鍾意

近期最鍾意都係陀飛輪
陀飛輪嘅出現,證明填詞人的確係可以填出好詞
只係願唔願意寫出嚟啫

原帖由 JU2541 於 2010-3-11 10:15 發表


我個人覺得...
聽落去個音轉得太勁,,,
show 佢個歌藝比較重...

聽落去唔係咁舒服,,,

或者咁講
首歌lay back得很
但亦因此出左令一種味道~

原帖由 JU2541 於 2010-3-11 10:15 發表


我個人覺得...
聽落去個音轉得太勁,,,
show 佢個歌藝比較重...

聽落去唔係咁舒服,,,

陳曉東果首舒服d

另一個香港流行歌重要的問題，就是唱作人太少。
反之在其他華語歌地區（如台灣／中國大陸／新加坡／馬來西亞），
唱作歌手是大行其道而且成績有目共睹，當中不少好似歐美唱作人，至少懂一種或以上樂器，
而且多會在錄唱片／演唱會親自彈唱。

其中原因是香港的唱片公司過份短視，沒有鼓勵和推動唱作風氣，K歌太多也是主因之一。

另一方面，目前的主流文化不鼓勵有創意的音樂元素，以致香港流行歌曲風格千篇一律，
間中有一些個別成功例子（如方大同、王菀之），但只是少數。

一些有心做唱作人的歌手，由於不滿香港流行歌太商業化，一般不會簽約主流唱片公司，
多以獨立自資出碟形式推出專輯，故此在財力上受到相當制肘。

去年政府施政報告提出要推動六大產業，其中一個是「文化及創意產業」，
其實政府的態度和支持（例如經濟資助），對獨立唱作人肯繼續創作及演譯十分重要。
CASH每年都有舉辦流行歌創作大賽，為何不可由此處開始，訂下作曲或作詞人必須親自演譯作品的賽例，
而得獎者的作品可以由政府資助推出專輯，以表示政府對「文化及創意產業」的支持？

筆者過去多年，喜歡聽一些有獨特創意的歌手或組合，而且特別留意動向，
就如去年開始留意的紐約二人姊妹花組合The Callen Sisters（嘉倫姊妹花），
大姐彈豎琴，細妹彈結他，兩個又是富有才華的唱作人，在樂壇中是少有的。
如果香港唱作人風氣盛行，說不定香港可能誕生第一位這樣的唱作人或第一樣這樣的組合。

原帖由 053h4 於 2010-3-12 15:42 發表
李克勤幾隻世界杯主題曲做例

這首歌原本是一首創作純音樂，由四人女子弦樂組合BOND演繹的Victory，由克羅地亞作曲家Tonči Huljić作曲。
只係Bond授權李克勤使用此曲加上歌詞而已！