對本論壇近日一些文章的看法

鄙人的a-power為負二百幾，那不知各位網友又會怎樣評價鄙人？

自問有些時侯也會出現一些低水平的文章，但相比起一些新來的網友，自覺自己的整體位置，是介乎他們與專業網友之間，最少我看到那些低質素文章時，會感到心痛，感到憤怒

於這裡也接近五年了，也不算是一個短的時期，早年這裡真的是比較嚴格，鄙人曾在C4（現C1）發過不少吹水建議而被數次停版，也試過因一兩篇回覆而被人狂扣a-power，但其實這是一個推動自己進步的方法，你會去反思應該怎麼做，才不會被人罰停版，被人狂扣分

用回較嚴的版規，鄙人原則支持，可是那些年輕網友可能會認為這裡不夠自由，不夠輕鬆，而更加鄙視這裡，這有機會做成一個惡性循環

原帖由 Wright---AVW16 於 2009-11-30 22:06 發表
於這裡也接近五年了，也不算是一個短的時期，早年這裡真的是比較嚴格，鄙人曾在C4（現C1）發過不少吹水建議而被數次停版，也試過因一兩篇回覆而被人狂扣a-power，但其實這是一個推動自己進步的方法，你會去反思應該怎麼做，才不會被人罰停版，被人狂扣分

我都已經加入這裡四年半，加入頭幾個月發左近九百帖，不過翻看舊文下我覺得以往的文章真係「好好笑」，例如文章往往「文縐縐」，將文章整到懶係有d生動感同文學感，但用d字又令到個文章有語病，雖然沒大違規（警告過一次），但感覺上令其他站友印象大打折扣，我相信若註冊日期係響三年後，可能已經畀人扣左三位數字既a-power，其中有不少都係因為「語病」而扣 不過近幾年少左貼好多，但自感文章質素愈見進步。

反觀依家既iTalk，資訊性、可讀性一齊低埋，不少都係d萬位樓上UID既人導致既（希望唔好係一支竹打沈一船人），其中有篇A10板既文因為一座大廈既定義問題爭執左成十幾板，諗番起唔知真係好笑定好嬲
仲有有d人係用鬧人表達不滿，但0個d唔少只係為鬧而鬧；反之畀人鬧完之後又唔去反思，通常係得兩個endings：(1--鬧番轉頭; 2--無回音)；重有睇落去整體d內容愈來愈無深度，愈來愈似d流水帳既文，標題愈來愈公式化 / 題型相似，我想問點解唔將d題型相似既文響一貼之內發表呢﹖

至於加扣分問題，我從未畀人加扣分（可能響呢篇有建設性既文入面將會有第一次，聽晚可能就會有iMsg通知），但係加扣人分既經驗印象中係得個位數字，扣分例子都係因為文章好有問題先扣，我都認同3樓同6樓既意見，扣分對被扣者唔一定有用，d比較新既站友就好似上面講到既例子咁，根本不能改善文章質素，但d板主有時交代完處理文章件事之後又唔記得左處理，扣分既繼續扣，灌水既繼續灌，鬧人既繼續鬧

對於近期文章質素日漸降低的問題，某程度上所有站友，不論資歷的人負責。

多言了。

[ 本帖最後由 gsrc0525 於 2009-11-30 23:29 編輯 ]

原帖由 Wright---AVW16 於 2009-11-30 22:06 發表
鄙人的a-power為負二百幾，那不知各位網友又會怎樣評價鄙人？

自問有些時侯也會出現一些低水平的文章，但相比起一些新來的網友，自覺自己的整體位置，是介乎他們與專業網友之間，最少我看到那些低質素文章時，會感到心痛，感到憤怒
...

呢個世界有樣野係叫彈性，唔好話過緊過寬，適當時候，有適當做法，才是王道。
當然，要長期維持好水平，真係好難會好寬鬆。

如果要收緊註冊方法，他日再放寬返，結果都係一樣。

原帖由 kay 於 2009/12/1 15:08 發表

呢個世界有樣野係叫彈性，唔好話過緊過寬，適當時候，有適當做法，才是王道。
當然，要長期維持好水平，真係好難會好寬鬆。

如果要收緊註冊方法，他日再放寬返，結果都係一樣。 ...

今日較早時間收到某ADMIN既回覆
ITALK有望係明年一月收緊註冊制度

kay哥講得岩，今日收緊他朝打回原形，情況都會好似今時今日既爛攤子一樣，講真，上左呢度甘耐，而家呢排係甘多年最差既一陣。