嘉里荃灣國瑞路項目命名為縉庭山(Primrose hill)

嘉里物業代理執行董事朱葉培指出，位於荃灣國瑞路命名縉庭山(Primrose hill)，合共提供548伙單位，項目計劃今月底推售，今年內發售不多於一半物業。
他指出，縉庭山分設1房300至400呎物業，這類物業提供40伙，這類物業暫保留不賣；另外，六成物業為700至800呎之二房至二房半物業，又設三房一千至千二呎單位，項目頂層設七伙連天台特色單位，面積介於千四至二千三百呎之間，複式單位設內置樓梯。
嘉里旗下三項貨尾，包括上環SOHO 38現有不足十伙待售，其中頂樓1600呎叫價6千萬元，物業呎價3.8萬元；而何文田灝畋峰尚有約五伙待售，頂層四千二百呎接受議價方式售，其餘為淺水灣南灣道Belgravia，現少於15伙應市，呎價二萬元。

嘉里的住宅項目不嬲係貴精不貴多，
口碑尚算不錯
但今次個地理位置好像是麻麻
我會搵日去實地考察先

幢樓簡直係鶴立雞群 ..
附近全部係村屋
又或係得十零層既商廈
幢野又係位處國瑞路上斜路段
特別 "高人一等"

不過果度真係幾唔方便
去大窩口地鐵站都要行 5 至 10 分鐘
落青山公路搭車又要兜個圈先得

又係討論名字時間......

呢個樓盤用「山」，以前會話怪，現在已經見怪不怪，不過我一睇個標題時，第一樣諗到的係「潛艇山」。
抽水完畢。

原帖由 DIH 於 2009-5-20 23:27 發表
又係討論名字時間......

呢個樓盤用「山」，以前會話怪，現在已經見怪不怪，不過我一睇個標題時，第一樣諗到的係「潛艇山」。
抽水完畢。

個樓盤的確是在山上，不過是山腳，

好過曼克頓山，根本同山無任何關係～


估計呢個樓盤大既20~25層左右，唔算太高，

唔妨礙附近村屋景觀、通風，不過靜左少少，夜晚出入要小心～


交通方面，地鐵站有一段短距離，

途經巴士、小巴都係去荃灣／北葵涌，無車者會略嫌不便～

我唔係好熟果頭，國端路公園穿唔穿得過?
睇地圖好似得咁
如果得的話都仲有一堆青公的線可以搭

不過回程就麻煩d, 要行好遠先可以橫過青公

原帖由 Quanta 於 2009-5-21 13:02 發表
我唔係好熟果頭，國端路公園穿唔穿得過?
睇地圖好似得咁
如果得的話都仲有一堆青公的線可以搭

不過回程就麻煩d, 要行好遠先可以橫過青公

穿得過，但行小路好過，公園裏面不是直路出青公～

係荃灣望出去又多零零舍舍一幢

不連基座，縉庭山的住宅部份約高30層。

原帖由 dcyw 於 2009-5-21 22:48 發表
不連基座，縉庭山的住宅部份約高30層。

比我原先估計多左幾層．．．

基座有咩設施？便利店？商場？

對不起，今早再遠望樓盤，發現自己可能計錯數，住宅部份估計
為介乎30-40層，至於基座，應該只是停車場、會所等住客設施
而已。