野蠻乘客!

原帖由 DIH 於 2009-2-18 22:07 發表
我屋企人講的：最衰都係劉德華，「今時今日咁嘅服務態度係唔夠架」，結果個個都抱住「顧客永遠是對的」心態，
前線服務人員就成為磨心喇，有乜事都一定係你錯，個客啱。
咁只會造成兩類員工，一係得過且過型，一係擦鞋型，有邊個真心鍾意份工？「敬業樂業」？呸！

都係果句，劉德華都只係負責講架啫

講真，「今時今日咁嘅服務態度係唔夠架」呢句本身係無問題，邊個唔想享受好既服務
享受到好既服務，俾錢既都俾得「gur」D。
問題在於某D口口聲聲話「自己比內地人文明」既人無理地用差劣既態度對待前線人員
前線人員因為公司既規限無法即時反駁，谷住道氣而得不到解放
公司本身亦無渠道讓員工消氣或申辯，結果就變成閣下所講既「無人真心鍾意份工」既情況

有時覺得D公司整得太多規矩要員工點做點做，根本係加劇以上問題
令無理地用差劣既態度對待前線人員既人以為自己既行為係對的，但人絕對唔係一座機器，係有感情既生物。
反而少一點規限，讓員工有更多空間去用心服務，反而可以俾人更多既驚喜。