食齋一談(寺廟)

小弟只係食過二次在雲泉仙觀(同AL1無關),
雲泉特點是食粥任添唔嬲, 而且d粥好綿,
可是出面收銀的女仔態度認真麻麻, 悔悔氣氣的, 脾氣差.#]
而且仍有很多吉檯之時也要顧客搭檯, 怪怪地#:-/

不知大家的在香港的寺廟食齋的經驗意見又.....?
邊度值得一食?

我隔個禮拜日都會入元朗金蘭觀,果度有免費齋菜招待善信(當然係要午飯時間la!!)
5餸1湯,白飯白粥任"裝",味倒唔錯,幾清淡

我唔係為左餐齋而去ge,只係去幫手做野而己...

講真,而家o的寺廟食齋都係好似快餐店咁
一早整好晒o的野,收到 order 後咪o係個兜到"筆"一殼落隻碟度
o個圍枱多人食咪"筆"大殼o的落隻碟度#
都唔係有心有信心做o的齋菜俾人食!#:-/

大圍美城苑附近既針山
即係城門隧道附近有間道觀
每年都有大型參拜活動+食素
最初幾年冇咩人知(當時連樂道祟蘭都未有)
我媽同班朋友包左一圍自己人咁食
食幾耐都得
到中期改成流水席，用晒膠碗木筷
到最後變做自助餐(得一轉)

年初去過圓玄學院,
仲係即叫即炒個種,
齋菜味道都唔錯架!

一向食開粉嶺龍山寺，因本人以前未到過龍山寺時，都唔會食齋，而因親友長住龍山寺後，就每年探一次，就會去食一次，在那裡的齋十分正，完全唔覺得是齋來的，所以本人現在只會食龍山寺的齋，而價格就較貴少少，不過，,茶水，白飯白粥任食！D菜是全由龍山寺自己的農場種的，又是即炒，又夠火氣!!!總知正到爆。

[ref=316067]S3BL103[/ref]  在 2005-7-26 22:49 發表:

上次AL1遊河響雲泉仙館食o的齋菜都一般,
白飯就煮得太爛,o的粥的確幾綿~

另外一次去寶蓮寺食,齋菜一流,不過價錢就......#:-X#:-X

雲泉仙館個d唔算特別正,其實個人覺得算ok了
至於寶連寺我就真係覺得好唔掂，仲收咁既價...有個朋友帶完外國朋友去食都話中晒計

荃灣河背街有間叫妙法齋都唔錯,.款式又多,有d仲係出面食唔到,值得一試

我覺得寶蓮寺的齋菜好好味，而且價錢都唔算貴。
我最喜歡的是，佢唔會好似市區的齋舖咁，刻意整Ｄ齋肉、齋雞、齋魚生等等出來。

另外，寶蓮寺的湯水真係好好飲，而且無限量供應，每一次我都會飲三、四碗才夠。