[古董]錄影帶翻帶器

VHS Video Cassette Winder，中文可以稱為錄影帶翻帶器的產品。在當時八十年代，錄影帶開始普及化，因而衍生此產品的誕生。但大家也許會問，為何要用那個大大的翻帶器翻帶呢，而不用錄影機附設的翻帶功能呢? 原因眾說紛紜，其中一個原因是當時推出的錄影機的翻帶功能會容易損壞錄影帶，經過長期不斷翻帶/回帶後，那麼錄影帶的內容會被損壞，無法正常播出了。



隨着錄影機的技術提升，不少用家已使用錄影機附設的翻帶功能，而且翻帶速度較翻帶器快很多，錄影帶翻帶器於90年代初被淘汰了。不過在現今，ebay拍賣網站仍有錄影帶翻帶器的產品，也正是筆者家中曾使用的那一隻品牌。

[ 本帖最後由 AL_71 於 2008-10-12 16:03 編輯 ]

與其叫「翻帶器」，不如叫「回帶機」，當年我家都買了一部，當時人人都係叫回帶機。
我家用此機的原因，係錄影機的回帶功能失效，但錄同放仍然可以，於是買部回帶機。
過無耐就直情買部新機，用了十二年左右，上年買部錄影帶+DVD機，
諗住將「珍藏」（e.g.肥牛牛布斯）轉做DVD，但一直以來得個講字。

原帖由 wilsonli321 於 2008-10-12 17:50 發表
我屋企都有部,外型係模型車咁添
呢d機,仲牙煙呀,因為如果將d帶倒到盡頭,好易食帶

我都有架,
紅色的, 不過已經壞了 ~

數年前屋企換電視 (當年 LCD arm arm 出, 賣好貴, 所以選擇了平面 CRT)
連 VCR 一齊買 (即新 VCR)
所以個架回帶機/翻帶器 很像在該時已經退役了 ~

我反而聽過有人認為呢d回帶機因為力度過大，成日整斷帶，
所以有人會避免使用。

跑車外型那款我舅父以前都有部。

以前仲有唔少奇形怪狀既回帶機
印象中有跑車形, 電話形等等
但由細到大都唔明回帶機對一般家庭有乜用
回帶機對租帶舖好有用就真, 記憶中如果還帶前無回帶既話要加錢回帶

較新型的錄影機有變頻摩打, 去到帶尾會自動轉波收慢

對我來說, VHS錄影機好好用, 錄野原汁原味
反而依家採用數碼壓縮的錄影機, 播放畫面顏色有點假的感覺

遲d 2012年部VHS就唔用得, 可惜..

原帖由 barking 於 2008-10-16 17:50 發表
對我來說, VHS錄影機好好用, 錄野原汁原味
反而依家採用數碼壓縮的錄影機, 播放畫面顏色有點假的感覺

數碼格式的影片，不論是光碟、數碼廣播還是硬碟錄影機，播出來都有一種「電腦播片」的感覺，不像傳統模擬制式般流暢 / 順眼。

原帖由 barking 於 2008-10-16 17:50 發表
較新型的錄影機有變頻摩打, 去到帶尾會自動轉波收慢

對我來說, VHS錄影機好好用, 錄野原汁原味
反而依家採用數碼壓縮的錄影機, 播放畫面顏色有點假的感覺

遲d 2012年部VHS就唔用得, 可惜.. ...

我都係咁話, 我屋企而家仲係用緊錄影帶錄電視節目
反而之前曾經在家中出現既DVD錄影機就打左柴
VHS簡單易用, 畫面不過不失, 但感覺自然順暢
只要一日仲有模擬廣播, 而家中既VHS機仲未壞, 我同屋企人應該會繼續用錄影帶~