香港有冇可能做到閘門常開？

HS6573_MP3905 發表於 2025-8-2 12:22
想問樓主，點解大陸流行，香港就一定要跟隨？？

可能樓主個例子舉得唔係咁好...
如果話日本鐵路閘機普遍都係 "常開"，有異常(e.g.餘額不足)或者一段時間冇人通過才關閘，大家又點睇呢？

我就覺得常開嘅最大好處係減少閘板開合次數（唔使每個乘客開合一次），從而減低維修頻率/成本。

問題係香港人常識上慣咗 “拍卡開閘”。如果個閘開住，有人會以為不用拍卡衝入去而被擋、或者拍完卡部機冇嘢打開而感到無所適從唔知過唔過好。


但我覺得呢啲 “常識” 要改唔難丫。

JC3987 發表於 2025-8-11 20:03
可能樓主個例子舉得唔係咁好...
如果話日本鐵路閘機普遍都係 "常開"，有異常(e.g.餘額不足)或者一段時間 ...

咁就唔叫做常開，而係遲閂。

現時閘機都可以做到，不過最新款唔容許太快有下一個人過，會顯示「請勿進入」。

如果香港改成真常開，包保大把人逃票，就算而家我都偶爾見到有人跨欄。

DIH 發表於 2025-8-12 10:04
咁就唔叫做常開，而係遲閂。

現時閘機都可以做到，不過最新款唔容許太快有下一個人過，會顯示「請勿進入 ...

最新的一款閘機﹐經驗係前人過了閘板﹐就已經可以下一個人拍卡及通過。

出閘者離開閘機範圍﹐大約行多一兩步(時間計算)﹐閘板才會關閉。


實際運作(所有非轉棍閘機)﹐前人未過閘板﹐後人已經可以拍卡。
只要有1個人位的距離﹐後人出閘後﹐係會自己識得關閘板的。
假如大多數人都熟練閘機的運作﹐絕對係做到人接人﹐閘板係一直保持打開的。

如果2條友距離太近﹐閘機分唔到係2條友﹐就需要等timeout才會自己關閘板。
通常有此情況﹐就係有人推輪椅入閘。
此情況下﹐好似會如你所講﹐出 "請勿進入" 字眼。

作用唔大，不應該邯鄲學步，直接學內地嘅措施，即使日本也有相關鐵路公司設置咗相關措施，但本港有局限性，原因如下：

      1.最徙時間嘅唔係嘟咭同碌QR Code，而係入站安檢，就算尖峰時期都可以通過安檢口限制客流入站

      2.廣州設置「閘門敞開」嘅車站位於天河區潮汐客流明顯且客流量唔大嘅「華景路站」，非「體育西、珠江新城、廣州塔」等大客流車站，該措施僅為測試，並未大面積鋪開！

      3.若在本港測試，估計只能喺康城等潮汐客流明顯且客流量唔大嘅車站度玩！

      4.若出現逃票者，如何處置？唔通叫啲黃Polo企喺度Check啲搭客有冇付車資？

      5.本港、澳門與內地訊號制式唔通，內地搭客用內地電訊通訊商漫遊網路開QR Code徙時間，尤其係內地賬戶支付寶同微信系統跨境清算中心喺深圳廣州嗰邊，支付反饋都需要時間，若網路差，到時仲一鍋泡，若設置喺邊境車站，問題一籮籮……