【轉載】港深西部鐵路深圳段工程可行研究項目開始招標

I20091157 發表於 2025-5-9 14:15
用得市域A型即係又預咗成都咁，成堆企位變2+2橫排座位？

      睇情況，用A型車有幾個原因，深圳政府諗住快啲開工，越快越好，另外，要考慮造價等問題，用兼容市域C/D型嘅灣區城際標準，到時全綫建築地盤報價絕對嚇死人，你又唔同國鐵互聯互通，只係廣深兩間地鐵玩市域綫互聯互通，肯定㨂最平嘅就就好。本身深圳地鐵就有用地鐵A型車嘅綫路，其長期合作嘅長客公司已經可以做到市域A型車與地鐵A型車共用一個檢修平台，到時啲車大修時直接跨綫拉去11號綫碧頭站隔篱深圳中車廠度整就得，用D車又要再建立新廠，徒增成本。

         外加深圳地鐵有自己嘅諗頭，如果多咗廣州進度自己諗嘅就多，有可能失去深圳都市圈嘅地位，拱手把樞紐地位畀廣州，咁不如唔好玩貫通。本身深鐵城際都唔願意諗住貫通嘅，畢竟咁就要三地多個部門（廣州地鐵、深圳地鐵、路政署北部都會區鐵路辦事處等）研究跨路局車之問題，如果要開清遠、珠海、中山之班次，到時仲有大把部門入來吵，估計廣州嗰隻方案，應該會搵南沙其中一個站換南中珠城際方式接入南沙，噉性價比更高。

魔雪巴士頻道 發表於 2025-5-9 18:10
即係深圳地鐵轉呢條線再轉西鐵要買三次飛...

如果學杭州地鐵同杭海城際同一收費區一票通行就可以買少一次票

Danny.lin 發表於 2025-5-10 11:05
睇情況，用A型車有幾個原因，深圳政府諗住快啲開工，越快越好，另外，要考慮造價等問題，用兼容 ...

定係實際上會是用東涌線規格列車? (車廠在廈村, 將來延伸到交椅洲及西區就仲有個欣澳車廠, 欣澳廠拉條聯絡線去東涌線, 再去小蠔灣廠, 頗為方便)

mak5052 發表於 2025-5-10 23:13
定係實際上會是用東涌線規格列車? (車廠在廈村, 將來延伸到交椅洲及西區就仲有個欣澳車廠, 欣澳廠拉條聯 ...

睇情況囉，東涌綫部車喺國標都話係「市域A型」，但最終車內內籠設計都係要睇最終中標企業嘅設計作風，如果係MTR中咗，就如你所講噉，但若係深鐵城際，估計會沿用深大城際嘅設計標準……