點解中國高鐵無新幹線嘅兩個唔同班次連結安排

巴士的膠 發表於 2025-3-8 15:24
咁呢個国內係叫你轉車。因為日本基本上都有各停嘅列車包底，而国內就算俾人叫站站樂嘅高鐵都未必停哂。即 ...

拼結車分開後係分道揚鑣各行各路，同抽車嘅停站pattern有乜關係呀師兄

人唔多湊唔夠一數就話轉車好，全世界都係咁。
夠客湊夠一抽都要人轉，玩死D客亦都玩死鐵路局

s3n370 發表於 2025-3-9 17:35
拼結車分開後係分道揚鑣各行各路，同抽車嘅停站pattern有乜關係呀師兄

人唔多湊唔夠一數就話轉車好，全 ...

假設珠海現有嘅進京G車坐唔滿，於是加一截由湛江西開過嚟一齊入京廣，如果你喺小欖併結，就阻咗唯一嘅側線，如果你去到廣南先併，咁咪霸住咗緊俏嘅月台。

而覆蓋如果水魚線果段跟動臥停，中間啲細站一樣係要廣州轉，搞到咁複雜又唔多人受惠，亦頂多一日一班，唔啱時間都係要轉車。

唔計價錢問題，香港去好多地方都有直達車，但班次少，結果唔係旅行團/時間特別靚嘅，唔少人都係去深圳/廣州轉。

巴士的膠 發表於 2025-3-9 15:00
假設珠海現有嘅進京G車坐唔滿，於是加一截由湛江西開過嚟一齊入京廣，如果你喺小欖併結，就阻咗唯一嘅側 ...

坐唔滿仲併乜鬼結，梗係搵是但一邊做駁腳填滿抽車。

併結諗得過嘅情況，就係兩邊相近嘅支線都各自坐得滿一抽車，
但係去到主線就剩係俾到一抽車上，咁咪搵個可以匯合位併佐佢。

咁你話一邊行死重聯，另一邊就全部落車轉無話唔得。
但你諗下長途車得兩度門，咁全部客落車轉的話，
停站時間唔慌短，唔通又唔阻住軌道月台？
咁多客同時轉車唔會打爆轉車站？所以咪話玩殘客又玩殘鐵路局。

更何況長途車主線就話三分鐘就一班車，真係個個站都咁多車咩


雖然唔係高鐵，往日Z97 Z98 Z99 Z100點樣响廣州東呢個大站併，
套用落高鐵真係問題？

甚至套用京九滬九直通車做例，因為九廣東鐵容量有限，兩邊都只能隔日開到落紅磡。
如果京滬兩邊响廣州東夾埋一齊先至落紅磡，咁咪做到日日有車對開囉。

s3n370 發表於 2025-3-10 02:57
坐唔滿仲併乜鬼結，梗係搵是但一邊做駁腳填滿抽車。

併結諗得過嘅情況，就係兩邊相近嘅支線都各自坐得滿 ...

一抽車唔係全世界都要轉車，大站同巴士轉車站邏輯係一樣。甚至乎国內都仲有隔日開，例如拉薩-成都/重慶。

或者你有冇邊條線適合玩併結？

巴士的膠 發表於 2025-3-10 15:32
一抽車唔係全世界都要轉車，大站同巴士轉車站邏輯係一樣。甚至乎国內都仲有隔日開，例如拉薩-成都/重慶。 ...

事實上拼結係應付鐵路線繁忙下，又要再提升運力嘅其中一個對策，
而which is你開頭覺得繁忙嘅路線先至唔適合。
（京九滬九應該係少數清關問題需要閉環車廂，搞到要响廣州拼）

咁隔日先至對開，一係就需求唔大，隔日開都應付到需求，咁拼結多此一舉為佐乜？
一係就需求大但係死都唔加，咁仲傾黎做乜？
遊花園唔係問題，但係你知唔知自己遊緊去邊？

大型轉車站方面，正常嘅策劃都係儘量最多人留响車上，咁樣對客又好定係營運機構都最有利。
甚至各大運輸機構，不論係hub and spoke model嘅航空公司定係整到無處不轉車站嘅九汽，
夠客一有機會都係開直車，收貴一截不在話下。
就算係按里程收費嘅局一樣可以慳。

不過你睇剩係一條線嘅廣深港short haul高鐵都可以排到5-45/60分一班，
一不user friendly二唔似clock face scheduling有效率。
就算新质生產力聽落前衛，落到地咪又係粗放式發展~
做唔到日本嘅一絲不苟唔會行唔通，但係唔著重效率同友善性先至係大問題

s3n370 發表於 2025-3-11 07:35
事實上拼結係應付鐵路線繁忙下，又要再提升運力嘅其中一個對策，
而which is你開頭覺得繁忙嘅路線先至唔適 ...

咁你都係答唔到有邊度啱用併結。

京港、滬港直通車即使唔加車，一地兩檢後都係16卡落嚟香港，所以主要都係通關問題。

巴士的膠 發表於 2025-3-11 04:56
咁你都係答唔到有邊度啱用併結。

京港、滬港直通車即使唔加車，一地兩檢後都係16卡落嚟香港，所以主要都 ...

我只係指出你“線路繁忙唔適合併結”、多番引用不適當例子等謬誤，
無需論證邊度適合咁做。

s3n370 發表於 2025-3-8 18:06
應該係問點樣先至會等？

正常列車嘅delay大過預先設定嘅buffer，

咁點解內地唔似其它某啲國家咁行 clock face scheduling ？方便通勤客見車就上？

miklcct 發表於 2025-3-13 19:22
咁點解內地唔似其它某啲國家咁行 clock face scheduling ？方便通勤客見車就上？
...

咁多年你都5化嘅？

miklcct 發表於 2025-3-13 11:22
咁點解內地唔似其它某啲國家咁行 clock face scheduling ？方便通勤客見車就上？
...

內地有幾多車飛可以見車就上？
正如遺址本來都諗住短途當係地鐵見車就上，
搞到要搞場大龍鳳先至做得到。

行clock face好處係多，但唔好嘅係抽車要等夠鐘，亦難以撈亂黎行用盡抽車
你睇航空公司點用飛機就會明。
但係內地又唔似係咁喎...所以都唔係太明點解會咁？