日本鐵膠遊3: 中央線快速2階建Green Car

話說E233系0番台喺投入使用17年後無啦啦嚟咗個大更新，每條10兩編成中間加多2兩 2階建Green Car，而喺完全改編成之前有得免費體驗呢啲Green Car，於是一坐中央線快速就會去坐Green car


冇Green car仍然係10兩編成嘅E233系0番台會喺車頭貼咗標示




架Green Car嘅外觀同湘南色嗰啲E231/E233相似，不過呢批中央線快速1階嘅位係短啲，因為wheelbase長咗好多




Green Car標誌及車門


上車了
因為與月台同高度嘅部分其實好短，一上車已經係上層/下層樓梯，隔離就係gangway




暫時當普通車用
不過好似3月改表會正式做Green


上層座位
側邊因為向上收而有啲逼
啲凳可以任意轉方向


headroom係有少少迫嘅


拍卡機




下層冇咁迫
另外又有reading light
吖仲有窗簾
本篇完

上個月搭過一次中央線快速免費 green car，當時由河口湖搭富士急行線出到大月，下班 Kaiji 特急返新宿要等近一個鐘，而下班快速只係等 15 分鐘左右，加上係 12 兩（即係有 green car，舒適度應該唔差過 E353 系特急）就決定照上

按：同樣安排令我諗起英國 Thameslink，車尾 first class 長期 declassified

中央線快速 E233 系普通車全 long seat，比起湘南新宿線、上野東京線 E231/E233 普通車都有 box seat，個 upgrade 係較明顯

如果拎住大型行李的話，就算 green car 都無行李架（不過無計，通勤電車 vs 特急列車，定位根本唔同；唔知總武線快速 • 橫須賀線 E235 系 green car 有無行李存放處？
而且平層（唔駛上落樓梯的）座位甚少，不過大月係始發站上車，問題不大

上車時見所有座位尚未轉向（其實就唔難處理），亦有少量垃圾未清走；唔肯定 JR 東日本其他普通車 green car 路線做法係咪一樣？

另外唔太關 2 階建 green car 事，但中央線 "快速" 除咗往返新宿、東京真係快，一出到中央東線就唔快（我班 "快速" 由大月去到吉祥寺，沿途係各站停車，車種理應叫 "區間快速" 會貼切好多）；慶幸撞正中央線快速 green car 免費，唔係坐一個半鐘 long seat 都幾地獄下

但到 green car 正式收費時，新宿 - 大月 普通車 green car 價格迫近同區間特急價，我應該會揀搭特別

Waiyin12 發表於 2025-1-28 11:03
上個月搭過一次中央線快速免費 green car，當時由河口湖搭富士急行線出到大月，下班 Kaiji 特急返新宿要等 ...

果然坐遠啲就會發現到多啲問題，喺行李同座位配置、價格問題度，我諗東記最鍾意就係強制upgrade啲客坐特急：唔鍾意呀？俾多少少坐特急囉 所以河口湖佢都default啲客坐富士迴游，但係仍然唔明點解咁爆車都仍然同あずさ/かいじ重聯+用3卡

BTW中央線快速應該只係喺中央本線嘅營運系統名啫，真正嘅快車叫中央特快/青梅特快，仲有通勤快速/通勤特快，呢啲先飛得多站，基本等於富士急行唔係架架都急行

Waiyin12 發表於 2025-1-28 11:03
上個月搭過一次中央線快速免費 green car，當時由河口湖搭富士急行線出到大月，下班 Kaiji 特急返新宿要等 ...

https://zh.wikipedia.org/wiki/%E ... A%E5%BF%AB%E9%80%9F

立川以西，只有「通勤特快」會飛多三個站，其餘種別各停；高尾以西則全部各停。如屬最簡單的「快速」，中野以西已經係各停。

Fuk19805 發表於 2025-1-28 14:04
果然坐遠啲就會發現到多啲問題，喺行李同座位配置、價格問題度，我諗東記最鍾意就係強制upgrade啲客坐特 ...

富士急行線嘅特急停車站月台只係得6卡長度（部分得4-5卡），而E353系得3卡同9卡編成，問題相信短期內唔會解決
而使用E257系嘅臨時富士回遊班次係長5卡，算係紓解咗一部分嘅運力問題

鬼咩國鐵唔爭氣，三鷹-立川複複線起唔成，杉並三站又飛唔走，中央線快速都變中央線慢速啦