[全面撤出東亞] Virgin Atlantic LHR - PVG 摺線

Virgin Atlantic 僅餘的東亞航線 LHR - PVG 今年 10 年下旬收檔，意味 VS 全面撤離東亞；原因都係不外乎俄烏戰事影響要兜遠路、同其他（中國籍）航空公司競爭等

https://onemileatatime.com/news/virgin-atlantic-cancels-shanghai-flights/?fbclid=IwZXh0bgNhZW0CMTEAAR3VgueKRDqABHF7A10y-coiFHXqWdZLkUE1Qf6KXUnC6fVu1PiW5TGLL9w_aem_cOgfJLhyfCuvQhTfhFCdZg

PVG 作為 MU Skyteam hub，VS 又啱啱入 Skyteam，咁都做唔住；之前仲話開 LHR - ICN 以及同 Korean Air share-code，睇怕都係凍過水

疫情之後，中國、英國航班似乎大致復常，中國三大及其他航空公司繼續低價做爛市，而且仲可以用俄羅斯領空節省燃油，比起歐洲籍航空公司有絕對優勢；之前見香港某旅遊網站宣傳搭 Air China 經北京去 LHR / LGW，四千港幣有找，仲平過同一日子香港搭國泰去日本...

之前貪得意 search 過 VS LHR - PVG，個價都壓到好低，淡季來回約 $4800-5000 HKD，亦可以加多 1000 配兩程 PVG - HKG，後段係同 HX interline (唔知點解唔係同 MU ?

香港出發最近搭到 VS 的航點就此消失（仲要固定派 787-9），相當可惜；除非有機會飛 trans-Atlantic，否則都幾難搭到 VS 了；或者要好似啲人尋找 LH 744 咁，去一轉 DEL?

歡迎討論~

受俄烏戰爭影響，歐洲籍航空公司中國航線兜遠路，而大陸籍航空公司可以經俄羅斯領空，自然唔夠大陸籍航空公司競爭

反而CX，日韓來往歐洲不經俄羅斯領空，反而VS開日韓航點有機會做得住

外籍航司低價推廣就係正常商業行為，中籍航司低價搶客就係政府補貼，惡意傾銷。:dog

sunhoo 發表於 2024-7-18 07:48
外籍航司低價推廣就係正常商業行為，中籍航司低價搶客就係政府補貼，惡意傾銷。:dog ...

其實作為消費者，係航空公司自己出錢促銷，定有政府補貼所以價錢平，並唔重要，甚至如果係真係打算飛嘅，機票嘅 breakdown（base fare、燃油附加費、稅項分別佔幾多）都未必好大影響；決定坐邊間航空公司，係睇最後埋單要比幾多錢

文中提及 VS LHR - PVG 個價唔似係 promotional，而係本身已經壓都好低（而且聽聞上座率都唔算太好）

英航倫敦香港線冬季會cut剩一班，武肺疫情期間有D日子都有兩班。
證明歐亞無得飛俄羅斯真係好惡做。
係新加坡因為點都唔經俄羅斯而受惠。

#新加坡又贏

Waiyin12 發表於 2024-7-18 00:31
其實作為消費者，係航空公司自己出錢促銷，定有政府補貼所以價錢平，並唔重要，甚至如果係真係打算飛嘅， ...

聽說內地-歐洲線上座率都麻麻地。

睇番歐亞線，無論係直航定中東三寶，個價算係硬淨。

而問題係對歐洲航空公司黎講，飛歐美航程短一截，
需求強勁，
個價同飛亞洲差不多，梗係調哂D機過大西洋啦。

s3n370 發表於 2024-7-18 19:59
聽說內地-歐洲線上座率都麻麻地。

睇番歐亞線，無論係直航定中東三寶，個價算係硬淨。

中國旅客無錢，少咗出國；外國人又唔想去中國玩

HR1377 發表於 2024-7-18 07:21
受俄烏戰爭影響，歐洲籍航空公司中國航線兜遠路，而大陸籍航空公司可以經俄羅斯領空，自然唔夠大陸籍航空公 ...

日韓來往歐洲最直接都係經俄羅斯領空，而家一係飛南線經中國領空，一係兜去阿拉斯加。

單單以現在這一刻，BA7 LHR>HND經哈薩克及中國，BA6 HND>LHR經阿拉斯加同格陵蘭。

rickywk 發表於 2024-7-18 13:57
中國旅客無錢，少咗出國；外國人又唔想去中國玩

除佐呢兩個因素外，大陸航空公司低價搶轉機客嘅策略唔係太work。

睇過唔少人問，點解大陸嘅航空公司歐洲往返東亞澳紐咁平，
答覆大多係一堆直升機開恆引擎出動嘅聲音...

DIH 發表於 2024-7-18 15:03
日韓來往歐洲最直接都係經俄羅斯領空，而家一係飛南線經中國領空，一係兜去阿拉斯加。
...

我估佢嘅意思係，國泰（飛歐洲）及日、韓嘅航空公司都避開俄羅斯領空，
歐洲嘅航空公司開去香港同日韓就無呢個劣勢。