澳洲鐵路遊 4: 悉尼雙層通勤鐵路

s3n370 發表於 2024-6-12 15:53
明白
請問其他列車又係咪類似嘅配置呢？

都係
不過舊啲嗰批車唔係度度門隔離都有輪椅位，例如我坐嘅V set，不過好多月台都有駐月台職員，真係有需要佢哋都會同你講邊卡邊度門有輪椅位 有行李坐T8去機場都會有同樣concern

s3n370 發表於 2024-6-12 15:53
明白
請問其他列車又係咪類似嘅配置呢？

其實諗返落，澳洲呢堆雙層錯層列車，設計同外觀都同巴黎 RER 雙層車差唔多







對比返我喺北美見慣、用來做通勤服務居多的 Bombardier Bi-Level，上落車門係同下層車廂同一個 level，上半層樓梯去閣樓 + 駁卡位，再上半層樓梯去到上層；Amtrak Surfliner 同 Superliner 就係無閣樓，上車門同下層同一個 level，風琴位喺上層

再對比返歐洲坐過的 Bombardier Twindexx 同 Stadler KISS，錯層得來上落車門都係位於下層，而唔係閣樓加風琴位水平；TGV Duplex 就係上落車門位於下層，但無閣樓，風琴位喺上層

結論係澳洲呢款設計似乎真係比較少見，唯一諗到類近係 SNCF Z 5600 / 20500 / 20900，SNCF 堆雙層車都係起晒角，所以我一見到樓主堆相就諗起 RER

S3BL100 發表於 2024-6-12 21:56
其實諗返落，澳洲呢堆雙層錯層列車，設計同外觀都同巴黎 RER 雙層車差唔多

仲要澳洲都係得悉尼咁玩，其他地方都係用正常設計嘅車型

tomtom2015 發表於 2024-6-12 20:34
以前自己見識少，都以為雙層通勤列車係少見，但後黎先知亞洲人口密度高，乘客量大，要快上快落先用單層列 ...

我都唔知原來雙層通勤原來幾普遍，不過我通常都係亞洲同英國出沒，亞洲你就講咗啦，英國記得之前S3BL兄提及過，英國嗰啲Loading gauge好細，同歐洲本土火車相比類似於新幹線vs在來線嘅差距，歐洲大陸用到嘅雙層車都無緣喺英國見面，就算Eurostar呢啲國際線，早期嘅Class 373為咗就返當時嘅英國路況都整到好似迷你新幹線咁

S3BL100 發表於 2024-6-12 21:56
其實諗返落，澳洲呢堆雙層錯層列車，設計同外觀都同巴黎 RER 雙層車差唔多

如果你講雙層火車 layout 差唔多的話，咁仲有日本，已退役嘅新幹線 E1 E4 同埋在來線 215 系都係呢種 layout，現役就仲有各種雙層 green car；來自日本嘅 KTT 客車都係同樣設計

雙層火車 layout 最主要都係睇 loading gauge 以及月台高度，好似歐陸或者北美多數用低月台車門就會設喺下層；樓主啲相見到悉尼用高月台咁車門自然就要墊高擺閣樓

clivetock 發表於 2024-6-12 23:19
如果你講雙層火車 layout 差唔多的話，咁仲有日本，已退役嘅新幹線 E1 E4 同埋在來線 215 系都係呢種 lay ...

岩岩睇返自己近年旅遊堆舊相，原來歐洲計，荷蘭 NS 同意大利 Trenitalia / Trenord 雙層車都係用緊類似 layout，車門同風琴位於閣樓層，換言之呢個佈局其實唔係之前想像中咁罕見

不過係悉尼雙層車車身無咁多曲線、比較起角就真

但Sydney既雙層車同埋Redfern, Central, Town Hall, Wynyard 既問題攪到Sydney Trains City 路段載客量減低

peterkl 發表於 2024-6-13 13:30
但Sydney既雙層車同埋Redfern, Central, Town Hall, Wynyard 既問題攪到Sydney Trains City 路段載客量減低 ...

Central至Wynyard我都係選擇坐輕鐵，地面有車唔使落地底唔使睇邊個Platform，方便太多

Fuk19805 發表於 2024-6-13 13:49
Central至Wynyard我都係選擇坐輕鐵，地面有車唔使落地底唔使睇邊個Platform，方便太多
...

講真去得果個幾個City既車站都唔會係Central上車，會最少係suburban地區出發

好耐之前去悉尼留學
有時係CityCircle游車河
當時R set仲係在役（無空調）
上落車門有通風口

當列車由Wynyard前往Circular Quay
應該係彎度問題，全程發出好大磨路軌聲
D聲又直接經通風口入車廂
差D耳聾