點解當時九鐵會睇中新界西北，而唔係其他新市鎮起輕鐵？

s3n370 發表於 2024-6-6 16:01
九鐵無籌建大型鐵路項目經驗...
八十年代做嘅九鐵英段複線及電氣化工程係中小型項目？ ...

一間1982年成立嘅公司，點樣負責喺1975年開始嘅工程？

ArnoldC 發表於 2024-6-6 16:25
一間1982年成立嘅公司，點樣負責喺1975年開始嘅工程？

經驗係累積响公司/機構做嘅人，而唔係公司度。

AtrHenu 發表於 2024-6-6 09:37
據聞當年九鐵仲打算將輕鐵經林錦,錦田,粉錦八鄉去到上水火車站兼加密東鐵線班次代替西鐵屯馬出荃灣西,美 ...

講緊80年代突然彈出"東鐵線"同"屯馬"呢堆terms，有啲時空交錯，難免令人睇到有少少一頭霧水。

ArnoldC 發表於 2024-6-6 07:39
我反而想知，當電車唔肯做嘅時候，點解唔搵地鐵，而搵無籌建大型鐵路項目經驗嘅九鐵做？財政原因？ ...

地鐵當年仲要有融資問題

s3n370 發表於 2024-6-7 06:02
經驗係累積响公司/機構做嘅人，而唔係公司度。

問題係負責嘅人大部分留返喺政府，無過檔九鐵。如果九鐵識起鐵路，第一期輕鐵就唔會用 turnkey contract 啦？

ArnoldC 發表於 2024-6-7 09:41
問題係負責嘅人大部分留返喺政府，無過檔九鐵。如果九鐵識起鐵路，第一期輕鐵就唔會用 turnkey contract  ...

複線及電氣化工程橫跨政府部門及公司化嘅年代，若你所言屬實，
“大部分人返政府（所以九鐵入邊嘅人唔再識起鐵路）”，咁單工程係點繼續落去嘅呢？

你拋得turnkey呢隻書包前，有冇理解過個運作係點呢？
Turnkey contract唔係餓媽卡些，任由承建商發辦。

相反，管理嘅人更要熟悉規劃工程知識、技術規範等，
先至可以整到份turnkey contract俾街外去標。
甚至揀呢條路，反而係樓上眾人提嘅財務安排，以及責任、風險考慮多過經驗。

你只要諗，香港未起電車/纜車/九鐵/地鐵/高鐵前咪又係零經驗，
咁點解又會起到出嚟呢？

s3n370 發表於 2024-6-7 20:42
複線及電氣化工程橫跨政府部門及公司化嘅年代，若你所言屬實，
“大部分人返政府（所以九鐵入邊嘅人唔再識 ...

雙軌化工程1973年升為甲級、1975年正式動工，電氣化工程1978年動工，兩項工程原訂1981年中完成。
九鐵公司化1981年中批准、相關法例1982年12月通過。
南段工作1982年5月完成、九鐵公司1983年2月接管鐵路服務、全線工程1983年7月完成。
橫跨？好勉強下喎！

不如睇下時任土木工程處處長周子京點講(連結)─

當年鐵路營運由鐵路局管理，新建工程則由土木工程處內鐵路工程組負責，另聘英國顧問工程公司提供技術支援。
1982年底，政府將鐵路局商營化，由九廣鐵路公司取代，但擴建工程仍歸工務局負責‧‧‧‧‧‧

1982年原版《九鐵公司條例》講明，歸屬於九鐵公司嘅資產不包括電氣化、現代化工程合約(連結)─

7. Vesting of assets of the railway in the Corporation
        ...
        (2) ...there shall be vested in the Corporation... all the property, rights and liabilities which... were comprised in the undertaking of the railway.
        ...
        (4) Subsection (2) shall not have effect in relation to--
                ...
                (b) any contract for the electrification or modernization of the railway...

就算起多幾期輕鐵，到起西鐵時詹伯樂依然噉講(連結)─

KCRC had no track record of major projects and was seen very much as an untried entity,

又可以參考下學術著作(連結)─

...the KCRC was not originally established as a railway builder but as a railway operator. It, therefore, had relatively limited railway project management experience in its first fifteen years, except for a comparatively small-scale Light Rail project... In that case, the KCRC mainly imported an overseas system under an indirect management approach... KCRC staff monitored the external consultants who managed the project contractors; and the costs of monitoring projects could be quite high."

講一大堆管理 turnkey contract 有咩要做，改變不了同 system engineering / project management 係唔同工作嘅事實。而九鐵式嘅 turnkey contract，正正就係將呢方面嘅工作交畀顧問 / 大判做。


有經驗會加分唔代表無經驗係 dealbreaker。

ArnoldC 發表於 2024-6-30 21:07
雙軌化工程1973年升為甲級、1975年正式動工，電氣化工程1978年動工，兩項工程原訂1981年中完成。
九鐵公司 ...

Quote佐一大堆野引經據典，更加引證佐“無籌建大型項目經驗”根本唔係showstopper。
亦即係你質疑嘅經驗問題根本係non-issue。

你自己引嘅文字都有提及，“無籌建大型項目經驗”嘅九鐵，
唔係靠（當年設計統籌一手包辦）嘅公務局，或顧問公司做。
實際上仲可以自行聘請、營運及建造輪調。

鐵路一類大型工程不僅係你提及嘅兩項工作，土木、結構、
機電、系統、管理十九幾萬樣不同工種/專業結合嘅成果。
咁多範數固然有專門之處，但係亦有共通及transferable嘅地方；
亦可以同時有多樣學識，唔係識一樣就必然唔識第二樣。

呢板唔少板友講鐵路興建、系統、運作都頭頭是道，
但總不會個個都做工程及鐵路掛？

更何況電氣化工程响正營運中嘅鐵路進行，策劃執行果班係工務局嘅人都好，
九鐵營運果班人點可能對工程嘅進程一無所知呢？知道點推進又會唔會唔識統籌呢？唔知的話，唔通車長第二朝先知呢個位要TSR，果個波口位移佐位，下個星期行住新路先，可以俾工人响舊路開工等等等等？


就住你引，無頭無尾嘅文章，你剩係文章提及公司成立首十五年、明顯係輕鐵通車後多年嘅回顧。
甚至講明“九鐵响鐵路建造經驗相對有限，除咗規模較細嘅輕鐵...”，
明顯你上面多文嘅理論根本係穿鑿附會。

甚至一個好現實嘅問題，你引嘅文提及九鐵公司力主營運而非建造。
俾多條新線佢營運就算管理層唔自肥，中層基層一係要加人腳，
一係外判先至做得切啦，更何況係新工程項目？