深圳考慮將港鐵東鐵線引入羅湖境內

巴士的膠 發表於 2024-5-15 00:56
搞到咁複雜，落馬洲同蓮塘延長時間同羅湖一樣可以分走堆客，甚至羅湖/落馬洲班次1:1的話，封咁一邊月台慢慢 ...

蓮塘本身設計容量唔大，剩係連接蓮塘口岸同口岸商業大樓條橋咁鬼窄，人一多都塞死你啦
同埋蓮塘只係駁地鐵2/8號綫同巴士，去好多地方都無羅湖咁方便
同樣落馬洲都係一樣，睇下出境人數，羅湖都係咁多個關口中最多人用就知

TYChow 發表於 2024-5-14 14:12
其實昵件事根本係深圳市羅湖區有個「官長」話：「新建一個『一地兩檢』的羅湖口岸，實現(香)港東鐵從深圳 ...

你睇過2021施政報告未？
https://www.hkitalk.net/HKiTalk2/thread-2123598-1-2.html
唔知你所講嘅羅湖區有個「官長」幾時講？

barking 發表於 2024-5-15 20:21
唔係好明，香港和深圳都叫嗰度做"羅湖"，根本已經實行咗一地兩檢，兩邊海關腳步距離亦不遠。
個check-in po ...

而家個問題在於羅湖關應付唔到需求
早排復活節長假期就試過羅湖大陸果邊處理唔切過關，頂到去香港一邊，要玩人流管制，甚至要港鐵減班處理

TYChow 發表於 2024-5-13 15:29
深圳當局用意雖好，但我自己不太贊成，亦不贊成東鐵「R-Train」改去深圳「B1地塊」做總站囉！深圳「B1地塊 ...

東鐵改道去羅湖火車站以西「B1地塊」，勢必影響「羅湖編組站」的鐵路工程車輛運作，亦會影響中國內地鐵路列車與東鐵綫路軌之連接，亦會影響得月樓、料壆附近之鄉郊環境

      首先，東鐵綫訊號用CBTC，國鐵用CTCS，外加直通車南下到港弊大於利，留羅湖橋連接有何作用？！連內地嘅城市軌道交通制式市域鐵路都唔首先考慮與國鐵聯絡，作為中國第一條城市軌道交通制式市域鐵路綫嘅東鐵為何要留低與國鐵嘅聯絡綫咧？

       其次，有咗莞塘廣聯絡綫，起羅湖聯絡綫有乜意義？當年西鐵建設嘅高鐵與貨綫project，高鐵響新界後同西鐵行同一路徑入柯士甸新站「現 西九站」，葵涌碼頭綫，屬於羅湖聯絡綫嘅萌芽，羅湖到信號所後，分兩路軌，一路畀客車入柯士甸新站，一路畀貨車去葵涌。但現時本港貨運碼頭情況唔明朗，附近大把鐵水聯運碼頭，去葵涌根本冇可能，現有高鐵瓶頸位又唔喺香港，而係深圳、廣州樞紐，響香港段飽和以及樞紐瓶頸問題解決前，羅湖聯絡綫更加冇機會起，唔理佢為客貨混合仲係純客專。

      

至於深圳「B1地塊」，似乎用作高速鐵路「羅湖分岔線」之新建地下車站會更加合理。

  第三，按獲國優一等獎嘅《深圳火車站與羅湖口岸片區都市設計》方案中，深圳站站改後鐵路月台如圖所示，試問何來有位起高鐵地下場、市域地下場。就算起，你以為咁便乜？隔籬福田站，全國最大地下火車站，14.7萬平方米，使咗人民幣39億元；廣州地鐵旗下廣東城際嘅番禺站「廣州南站隔籬」，3台4綫，約10萬平方米，已經係全國最大嘅地下城際站，都貴到上天。若真起羅湖聯絡綫深圳站地下場，其造價賬單，睇到都令人大吃一驚。







ref：https://www.caupd.com/cooperation/planning/domestic/595.html

ref：https://fanganwenben.3d66.com/fangan_relation/EBgr.html

Danny.lin 發表於 2024-5-16 17:15
首先，東鐵綫訊號用CBTC，國鐵用CTCS，外加直通車南下到港弊大於利，留羅湖橋連接有何作用？！連內 ...

呢個規劃，如果喺香港宣布有「北都」之前嘅2020年或者2021年去做嘅話，的確係最有效同最慳成本嘅方法，但係放喺宣佈有「北都」規劃嘅2024或2025年之後嘅話，深圳方面所提出嘅呢個規劃，對香港嚟講，其實已經係過晒時！

其實最初深圳方面到搞《深圳火車站與羅湖口岸片區都市設計》的時候，我都聽聞過類似的建議，但係呢個設計比賽係2018年舉辦，年尾就宣佈「日建設計」聯合體贏到第一名，之後就出現肺炎疫情同羅湖封關三年，乜鬼嘢都唔同曬啦！

請問2018、2019年嘅時候，有無「北部都會區」規劃？（當時仲係高呼「官到無求膽自大」嘅女人做特首呀！佢仲發緊「交椅洲」嘅「春秋大夢」呀！係「反修例事件」之後先至講「北部都會區」之嘛！）

新田科技城幾時先開始做諮詢呀？（係2023年6月呀！）

沙嶺數碼城又幾時先至由墳場改做「數碼城」？（2023年10月施政報告先至講呀！）

甚至我都可以講，深圳班人一定會想，去到羅湖過關之後，可以唔駛轉車，就可以直接去「新田科技城」同「沙嶺數碼城」呢！

我唔係話完全否定未來嘅東鐵「R-Train」就一定唔能夠入「華界」範圍，但係「港方緩衝區」面積似乎都係唔夠大。

加上東鐵係有羅湖過境「獨家專利」，落左車就屬於「過境限制區」範圍，如果聯檢大樓「火燭」，咁啲人點走呀？（出面係「華界」範圍呀！）

所以最理想嘅做法，似乎反而係深圳河以北嘅東鐵羅湖站，東西走向潛落地底 -25m 至 -30m （圖中「-5F」或「-6F」）左右，而西面停車場下面就用作「港方緩衝區」，似乎會更加合理，另設逃生通道駁返去港方西面「得月樓」同東面「園嶺仔」（或者舊羅湖站）附近嘅「港界」範圍。

sorry, please delete

eternalflame 發表於 2024-5-15 22:46
一地兩檢係講緊兩邊檢查都係同一建築物之下

香園圍蓮塘都係2 地 2 檢
落馬洲福崗都係2 地 2 檢
羅湖深圳都係2 地 2 檢

除非係高鐵皇崗深圳灣果種
事必起 2 個 9 丈遠既口岸，先需要做一地兩檢

如果唔係純粹落車行落關
我又未睇到點解要夾硬 1 地 2 檢

天空之神 發表於 2024-5-20 15:15
香園圍蓮塘都係2 地 2 檢
落馬洲福崗都係2 地 2 檢
羅湖深圳都係2 地 2 檢

深圳火車站附近，有3個互不相通嘅深圳地鐵車站：
1號線羅湖站、9號線人民南站和正在興建的17號線羅湖西站
諷刺嘅係，把三個車站徹底分開嘅，恰恰就是深圳火車站本身。
深圳火車站遲早要改造擴建，應該想同時將3個地鐵站連接打通。咁不如將東鐵都拉埋入黎，方便轉火車或者深圳地鐵叫3飛——
即係話，新羅湖口岸會北移跟重建後的火車站融為一體，自然要一地兩檢。

天空之神 發表於 2024-5-20 15:15
香園圍蓮塘都係2 地 2 檢
落馬洲福崗都係2 地 2 檢
羅湖深圳都係2 地 2 檢

潛台詞係將香港條界變得模糊

咁一國係根本目的之下，條界按需求調節都係好正常，起碼都未將深圳站南遷爭取更大嘅站場同緩衝。