建議 87C 提供全日服務，取消 82X，重組 84M 87D 281A 線

天空之神 發表於 2024-4-30 20:04
82X 84M 合併，其實都係累鬥累

兜威記又兜廣源

84M 剩係出市區方向先兜廣源，黃大仙入廣源交晒比 281A 去做，主要係因為入大老山隧口的路口其實已經好近廣源總站，對車程影響冇回程咁大。想再減少影響可以諗跟 682B 行廣善街做廣源客。
82X 84M 互相爭客，82X 駁鑽石山站站位又差過 84M，咁樣更加兩頭唔到岸。

1、當年建議富安 <> 油尖旺由 87D 變 281X，車程無變都唔多願意嗰陣，
就算今次有頭站，但要來回兜入銀城街，明顯變慢，唔見得富安會接受。

2、石門、小瀝源 <> 油尖旺整體車程似乎都變差，首先濱景要兜銀城街，
其次愉翠要兜廣黃同彩虹道，回程走入鑽石山站，仲要塞入大隧，
碩門邨雖然由無變有，但係又兜愉翠又兜廣黃彩虹道，睇怕都係趕客。

3、廣源去黃大仙用 84M 做固然更方便，但返廣源就由本身黃大仙總站上車，
變成要行出去彩虹道等 281A，仲未計下繁好有可能要同油尖旺班客爭坐，
市區塞車又會令黃大仙、鑽石山返廣源班次不穩，到頭來又係趕客居多。

所以，個人比較同意 77 區夾富安石門，換取 87C 全日呢個做法，
當隔離版都有版友講過 77 區嘅 89C 靠石門吊命時，又唔需要太過擔心客量問題。

2076 發表於 2024-4-30 19:53
我反而唔同意 87D 應該在拆 87C 之後做 77 區，呢點相信我的觀點同好多人唔同。原因有幾點:
1. 87D 太密 ...

問題係你堅持 87D 日間依然要做個位數班次。但實際以今時今日標準，10 分鐘一班已經唔係差，尤其是跨區長途線就更加。非繁 10 分鐘一班，係咪接受唔到？

81C 77 區無客，到底係因為果區本身無客，定係因為 81C 太慢兼且去唔到旺角？77 區往來旺角，唔比起區內流水值得做？

我既結論都係，你為左維持個位數班次，有潛在客源都唔做，甚至因為要做大條 87D 而要兜埋入銀城街，搞埋條 281A，付出代價太大

281A 固然係蝕錢，但蝕得來都係一條大線，要大改難度唔低，至低限度無乜可能改到同而家咁大分別。你想搞 82X 84M 呢對孖寶，其實除左拉埋 281A 落水之外，仲有其他選擇，例如條服務範圍本身都有重疊既 85A。將 82X 延長去九龍城碼頭，已經有條件三變二，節省資源。至低限度要搞 85A 易過搞 281A 好多

2076 發表於 2024-4-30 19:16
油尖旺返廣源，新 281A 車程冇增加，但鑽石山站返廣源，由 82X 變左做 281A 就密左成倍，對廣源而言唔係 ...

兜入新蒲崗同鑽石山觀感已經差晒
你覺得油尖旺上車既人會願意去新蒲崗鑽石山遊車河？
你飛晒新蒲崗同鑽石山都或者可能有人繼續搭
你要喺呢兩度停站就幾乎百分百肯定會有油尖旺客流失

kmb71k 發表於 2024-4-30 21:40
兜入新蒲崗同鑽石山觀感已經差晒
你覺得油尖旺上車既人會願意去新蒲崗鑽石山遊車河？
你飛晒新蒲崗同鑽石 ...

我係咪都要經鑽石山點解唔落地底

SE7378 發表於 2024-4-30 21:24
1、當年建議富安  油尖旺由 87D 變 281X，車程無變都唔多願意嗰陣，
就算今次有頭站，但要來回兜入銀城街， ...

當年方案係 281X 升全日兜濱景一城旺角，81C 縮短去富安大減班兼冇埋假日服務。基本上係少左半條 81C 的同時，281X 比起 87D 亦都疏左，咁當然反對。今次建議就係想解決富安希望 81C 同 87D 的服務水平唔會因為拆 87C 而削減的訴求。87C 至少要拎 12 部車走，81C 縮短去富安唔減班的話，可以 cut 3 車，87D 做 77 區車程會同現時去到錦英苑差唔多，如果要 cut 9 部車，班次會相當難睇，所以先至會借 281A 過橋。富安有總站位，對比現時要坐 87D 就要行出大路上車，呢度都慳返 5 分鐘，計落除笨有精。

濱景兜銀城街以前有舊 87X 行過呢種走線，計埋燈位大約慢 5 分鐘，係唔係不能接受就見人見智，愉翠基本上我會預佢地去聖羅撒坐 87D 出入油尖旺，尾站直上公路。碩門就係順手做埋，每個上車客都會係新客，唔會期待出到好多客。

廣源問題，黃大仙返廣源其實 82X 係獨市，佢地冇其他更理想選擇，就算坐屯馬綫都要去到第一城站轉返九巴上山。281A 彩虹道上車收 $6.0，第一城站上 804 返廣源都 $3.9，其實就好難倒客。

S3BL100 發表於 2024-4-30 21:38
問題係你堅持 87D 日間依然要做個位數班次。但實際以今時今日標準，10 分鐘一班已經唔係差，尤其是跨區長 ...

81C / 87C / 87D 拆法我冇認真計過拆完班次會係點，但就算富安濱景的 87D 保到 10 分鐘一班，81C 縮去富安之後都會大減班。81C 不減班的話只能慳最多 3 部車，87D 又要開到耀安，點計都好似好難抽到 12 部車比 87C。早繁的 281B / 281X 拆線時段亦都非常難以處理。結果而言，富安濱景的 81C / 87D 總班次數目一定會大減。87D 現時基本上係成個非繁都開緊個位數字，拆完 87D 非繁見到 12 的話都差唔多係疏左成倍。現今趨勢係兜路換密車，港島 38 / 42 重組，甚至 793 都見到一密遮三醜的好處。281A 係密車蝕錢線，其實唔見得唔可以改，現時呢條 281A 最大問題係行車時間長，但又要留密車留客，客源單向價位又唔高，唔同 87D 有石門逆向客頂住。新 281A 只需處理廣源客，廣源本身冇鐵，日後要減班就易好多，加上市區段可以 upgrade 9 / 203E 客仔，又可以殺蝕錢 82X，何樂而不為? 將軍澳的 796C 都係衰客源單向，但重組成為 793 之後，靠市區流水去頂住密車同逆向時段，到現時都 keep 到 15 分鐘一班。

85A 同 82X 重組固然係一個選擇，但本質上咪又係將廣源路線改行大老山，咁點解 85A 可以而 281A 又唔可以? 未計 85A 班次係差過 82X 一截，會影響到廣源出鑽石山駁鐵客，新田圍沙乙博出九龍城被拖慢的程度亦都嚴重過呢個重組的所有受影響乘客好多。

kmb71k 發表於 2024-4-30 21:40
兜入新蒲崗同鑽石山觀感已經差晒
你覺得油尖旺上車既人會願意去新蒲崗鑽石山遊車河？
你飛晒新蒲崗同鑽石 ...

重組有客會流失係正常，但 87C 搵到的新客肯定可以補返油尖旺返廣源流失的客源。87C / 87D 馬鞍山、富安、濱景都係同 MTR 對打，反而廣源係冇鐵區，優先搶客無可厚非，更何況 281A 計過行車時間，廣源來往油尖旺唔會慢過現有走線，插桅杆街的燈位，如果有坐過就知道有幾惡頂，加上成日有學神頂住，廣源直出大老山點都係除笨有精，尤其是南行，新 281A 去到彩虹道，舊 281A 連沙田路都未上。74X 都在新蒲崗鑽石山遊車河，咪一樣係客滿入大老山。新界東線有種奇怪現象，只要係尾站上落公路，市區兜啲都容易接受好多。
另外就係 281A 仲會做埋啟德政府大樓一帶的新客，呢度都可以係潛在的新客源。

天空之神 發表於 2024-4-30 22:03
我係咪都要經鑽石山點解唔落地底

廣源唔近鐵，旺角返廣源，行去旺角東上東鐵轉屯馬去到第一城站，已經係 $8.1，未計第一城站要排隊等轉車，最平的 804 都要 $3.9，行去旺角東 10 分鐘 + MTR 20 分鐘 + 804 15 分鐘。281A $8.6 旺角彌敦道有得上車唔駛行唔駛企，一程返到廣源，車程 40-45 分鐘。

如果唔用第一城站，鐵去鑽石山站轉車，咪又係轉返 281A，呢個就係重點，乘客其實會諗既然都係轉 281A，咁點解唔一程過...... MTR 旺角去鑽石山 13 分鐘，新 281A 旺角去鑽石山 20-25 分鐘，計埋 MTR 行上行落，到頭來好大機會都係上返同一班車。

2076 發表於 2024-5-2 03:58
重組有客會流失係正常，但 87C 搵到的新客肯定可以補返油尖旺返廣源流失的客源。87C / 87D 馬鞍山、富安 ...

咁281A仲去做油尖旺做乜
油尖旺客都流走晒咯
縮到旺角算把啦
貪油錢平呀？