問：粉嶺聯和墟＞荃灣環宇海灣最快方法（上繁）

如題。
工作關係，琴日第一日返office，個office喺環宇海灣附近。
屋企喺聯和墟榮福中心附近。

琴日踩單車15分鐘到上水站，轉276P元朗駁鐵落荃灣西。
可能0800啱啱開始塞，一出站就塞雞嶺，塞咗半個鐘先上公路。
但新聞完全冇提。

今日如常踩單車出上水站。
同琴日一樣，新運路未開始塞，不過開google map見到雞嶺迴旋處又係紅色。
唔知雞嶺個迴旋處係咪日日0800開始塞得勁。
試下搭鐵落沙田轉49X，點知荃錦公路迴旋處又塞咗一陣。

依兩日0740左右出門，不過0900都未落到車。
由屋企門口到公司門口都要啱啱個半鐘，仲耐過出東九龍。
如果平時非繁或星期六日係完全唔駛。
（星期六中午試過，𠴱陣多人但276P一個鐘就落到荃灣西）。

想知上繁係咪好難可以個半鐘去到（除非再早啲出門0800前已經上公路），定全程保鐵可能仲快？

照你這樣講﹐離開上水區塞車機會高﹐一塞就成半小時﹐保鐵可能係好方法。

MTR 教上水上車去紅磡轉屯馬線﹐需時約53分鐘﹐$14.7(八達通)。
有位坐的機會較高﹐就大圍轉車﹐需時約61分鐘。

似乎時間會比你坐巴士有著數。


真係想坐巴士﹐不妨研究/試一試 278A。
九巴資料﹐聯和墟上車去到如心廣場﹐需時約61分鐘﹐$14.2。
*吐露港公路﹐其實出事率都唔低。

kei_hk 發表於 2024-1-31 11:15
照你這樣講﹐離開上水區塞車機會高﹐一塞就成半小時﹐保鐵可能係好方法。

MTR 教上水上車去紅磡轉屯馬線﹐ ...

吐公上繁唔知冇事係咪比其他時間塞幾個字，我自己未試過上繁搭巴士經吐公出九龍／沙田。
但成日聽一塞親好易上新聞。

琴日0755左右經過新運路仲好哋哋。
一上巴士，前後唔夠十分鐘新運路就即刻好塞。
望返去啲車排晒隊入大頭嶺迴旋處。
會唔會係一到0800，地盤同倉啲搵食車齊齊開工出車。
北區目前好多倉同地盤。
再加埋仲係返工繁忙時間，所以車流特別大（返學車應該唔關事，開始過放學時間）。
塞幾個字半個鐘變成例行公事。

試埋上水廣場搭77K落錦上路站轉西鐵, 睇下有冇穩定D.

77K早上7:05-7:55班次每12-13分鐘一班, 官方行車時間話去到錦上路站車程約36分鐘, 早繁我畀多10分鐘佢行.

假如你搭7:30班車, 去到錦上路站8:15左右, 港鐵app就話錦上路去荃灣西車程係7分鐘, 順利上到第一班車的話, 車程可以一小時內完成.

保險D, 唔嫌太早嘅就試搭7:17上水開出的77K, 早到機會好大.

計埋你行去環宇海灣, 你預70-75分鐘左右, 可以一試.

早繁 268M 好似開到 10 分班，夾到時間既話 279AB > 268M 未嘗唔得，但無論如何早繁唔建議 278A，上幾日吐露港 7 車相撞塞到上粉嶺站...

可以試下279AB+310M小巴