建議 2P 3X 提升至全日服務，重組 2D 2F 3C 5X 7 208

S3BL100 發表於 2023-10-16 07:58
3C 3X 以而家用車數目計算，當然唔夠做 3X 半全日、3C 3X 各廿分班。所以我心水方案係拉埋 11 來玩，減三 ...

2F 3C 重組，今次的方案其實係減少架床疊屋的程度。實際上做的野只係 2F 3C 各自分拆 2P 3X，唔駛抽調其他路線資源，亦都唔駛減少其他路線服務，自己拆掂晒。雖然 11 鳳德鑽石山段有 E23 單向幫手，但當時 11 取消的反對理據係 QE 醫院服務，11 縮去黃大仙總站，又會變左鑽石山同鳳德冇車去 QE。11 鑽石山站段雖然唔算多客，但鳳德其實每班都有 10 個客支持，而且鳳凰邨果邊來往上路都係要用 11，硬 cut 未必咁易過到。

慈雲山來往橫頭磡，返學時段都係有齊 2F 2P，龍翔道永光書院事實上係做到橫頭磡，唔會搞唔掂，反而留埋 3C 就真係 3 條線一齊重疊，如果真係有班次不足的問題，其實仲可以減 3X 逆向，支援 2F，本身 3X 有唔少位仲有 203E 坐。2F 循環線的設計，係保障慈雲山返學客，最大限度下唔受重組影響。至於橫頭磡來往深水埗石硤尾，2F 改循環都仲係做緊，只有來往長沙灣係得返 30 分鐘一班的 2B。真正只有 30 分鐘一班服務水平的，只係來往歌和老街。而歌和老街來往長沙灣，仲有條頹廢 86C 幫手。2B 的確係廢，但價錢牌，以及竹園獨市唔係話 cut 就 cut，加上 2B 本身少客的主要原因，其實係因為成日同 2F 前後腳埋站，自己太少獨市位。改完 2F 2P，2B 加返啲自己的獨市位，會係比起再削減服務簡單。而且雖然話 2B 收少左錢，但其實 30 分鐘一班的象徵式平線，係焗緊一大堆乘客改搭 2P、214、86、86A、86C 貴價流水，2B 2F 最慘係仲要同 86 86A 86C 爭食石硤尾白田來往深長荔的流水客。九巴最後既可以改善 2B 載客率，又可以推更多客去貴價路線。

9 除了亞皆老街，仲有黃大仙下邨來往旺角至尖沙咀一段彌敦道獨市，以及亞皆老街來往尖沙咀彌敦道獨市，要用其他路線取代 9，其實架床疊屋程度好高。加上 10 呢條超級獨市流水社區責任線，點重組都會有一堆直達位斷左，九龍城內街、廣華、QE、九龍醫院的問題，加上短車用車限制，其實係令到 9 10 好難再搞的主因。當然，7B 8 絕對有空間再重組，呢個一路都係議題之一，但 9 拎上何文田就會令重組規模過大了。

至於 2D 的問題，如果要去觀塘，其實就等同換線，澤安失去唯一平價石硤尾街市買餸線，呢一點都唔容易取得共識。

JF6839@88K 發表於 2023-10-16 10:32
其實City仲有幢教學樓叫媒體創意中心，喺則仁對面，嗰度行返去九龍塘站起碼兩個字，正常有2F就會搭返2F
...

我自己都經常坐 2F 來往歌和老街一帶，則仁中心同石硤尾公園真係長期飛站。單靠 CMC 的需求，2B + 半邊 E22 肯定足夠應付，去旺啲的深水埗長沙灣果邊，仲有 86C 幫手，而且行少少就去到澤安邨有 86 / 86A / 214。

10598C 發表於 2023-10-16 14:30
我贊成橫頭墈－深水步由一小時 5-6 班 2B 2F 變成只有 2 班 2B 應該好難過關，事實上 2B 係次，2F 先係主
...

2F 縮短改循環，仲係做緊橫頭磡來往深水埗的市場，真係少左車的係長沙灣。但其實橫頭磡落長沙灣有 214，長沙灣返橫頭磡，星期六、日有 A23。

2B 拉去富山所增加的行車時間，其實比你想像中多唔少。雅竹街、黃大仙道、鳳德道，全部都係燈陣。而且 2B 去富山應該收幾多錢都係一個大問題，加到 $6.4 竹園唔滿意，唔加價就輪到九巴唔滿意。

1181174166 發表於 2023-10-16 07:40
如果要幫104，最少要落到旺角道嗰邊

3C循環旺角似乎係最好嘅改法

3C 就算循環旺角，都只會用 3 部車開 樂富 <--> 橫頭磡 <--> 浸大 <--> 窩打老道 <--> 旺角，而唔會兜過去白田。
104 貴價流水兩巴食得好開心，同埋對白田而言，104 冇左旺角流水客，分分鐘連過海車都保唔住，其實唔值得搵 3C 取代 104 功能。

2076 發表於 2023-10-17 16:37
我自己都經常坐 2F 來往歌和老街一帶，則仁中心同石硤尾公園真係長期飛站。單靠 CMC 的需求，2B + 半邊 E ...

問題係橫頭磡，山上落到去都唔爭在行歌和老街
而且澤安同CMC唔算近

拉2B加價就梗，不過比起100嘅兩味甚至殺線已經叫仲有車搭，而且上車就落公路

2076 發表於 2023-10-17 16:45
3C 就算循環旺角，都只會用 3 部車開 樂富  橫頭磡  浸大  窩打老道  旺角，而唔會兜過去白田。
104 貴價 ...

當然樂富經白田去旺角一定唔吸引，而3C循環旺角亦非常合理
不過104綁手係花園街街市，如果放到出去重組，首選905重組
而另外仲有條87B可以考慮

10598C 發表於 2023-10-16 14:30
我贊成橫頭墈－深水步由一小時 5-6 班 2B 2F 變成只有 2 班 2B 應該好難過關，事實上 2B 係次，2F 先係主
...

呢個做法幾有創意，原則上唔反對，但我個人始終屬意直接拎近似現時 2P 走線全日

主要原因包括打通富山同黃大仙轉車站接駁，同埋畀山頂都有架快車出深長荔

2076 發表於 2023-10-17 16:29
2F 3C 重組，今次的方案其實係減少架床疊屋的程度。實際上做的野只係 2F 3C 各自分拆 2P 3X，唔駛抽調其他 ...

可以咁講，但同時 2F 3C 改到完全唔同晒，受影響人數同程度其實更顯著，乘客感受到既重組規模更大

相反 11 縮短換 3X 半全日、3B 摺線或重組換 2P 全日，對大部份用家都更簡單易明，近年重組都係傾向用簡單方法做

11 既問題係黃大仙鑽石山一段客量同行車時間不成比例，鑽石山本身有屯馬線，往來上路巴士線既存在價值到底仲有幾多，係一個好問題。當然我唔否認 QE 係麻煩位，但記憶中好似係黃大仙下邨同新蒲崗嘈得勁，我立場係可以嘗試闖關。反正前提係鳳德一段並唔係無甜頭，而且最壞情況係呢個建議落到區係有人支持、有人反對，總比一面倒反對有更多迴旋空間

雖然歌和老街一段仲有 86C，但如果數埋橫頭磡，橫頭磡至石硤尾一段流水走廊一小時五班車變兩班，係的確好難講得通

反而係 9 可塑性好大。我先前提過考慮改經何文田半圈，固然係可以用來填補 8 食 7B 兼改經紅磡繞道後，何文田往來尖東漆咸道南，而且車程亦會比起兜紅磡更快，又可以做何文田往來黃大仙。但另一個選擇係九龍醫院後直接跟 81C 經窩打老道落尖東，唔使塞入旺角亦可以慳到可觀時間，甚至可以取代 10 部分功能。呢方面可以再議（記得師兄好似都有建議過類似既野？）

2D 個人立場係應該換線，買餸客大不了加個雙向分段

1181174166 發表於 2023-10-17 17:10
問題係橫頭磡，山上落到去都唔爭在行歌和老街
而且澤安同CMC唔算近

CMC 個人而言留 2B E22 86C 其實乜都夠晒做，2B E22 兩飛落橫頭磡啱啱好，加埋 2F 直情係服務過剩...... 已經唔計 A23 本身星期六日有直車去慈雲山。

同埋原始方案的 2F 回程都係經 CMC。係諗緊修訂方案 2F 回程唔行歌和老街，改行大坑東同窩打老道照顧返九龍塘放學客。

S3BL100 發表於 2023-10-18 00:21
可以咁講，但同時 2F 3C 改到完全唔同晒，受影響人數同程度其實更顯著，乘客感受到既重組規模更大

相反 1 ...

3C / 7 呢組，其實係可以唔搞 7，單純 3C 變樂富來往先達循環，一轉 60 分鐘連休開 3 車，20 分鐘一班，進一步減少重組規模。慈雲山方面，2F 3C 變 2F 2P 3X，本身 3X 係現成線，2F 就係全部客的上車站位冇變過，只係 2P 新線先要適應，但上車站位相比 2F 都係冇變過。個人而言，重組九龍市區路線，非必要都唔會想開 30 分鐘一班，咁短距離咁疏車，係好令乘客卻步，基本班次點都做返 20 分鐘一班好重要。

11 個人傾向留佢在鑽石山站，除了 QE 因素，有個好重要的原因係填返鳳德來往九龍站的空缺，203E 先可以改富山果邊落山，203E 本身過山行法都係趕走富山客，而且假設 3X 加時，姑勿論佢係半全日定全日，203E 都係搶緊蒲崗村道的特快客走，係會希望佢改富山落山做埋新蒲崗，放走 9 同 95。

橫頭磡來往石硤尾都仲有 2F，服務水平冇跌，歌和老街又有 E22，假日仲有 A23，其實現時係供應過剩。當何文田去深長荔都可以由 1 個鐘 4 班車 cut 到 2 班車，需求更少，但同樣有城巴機場線補位的歌和老街，的確有空間 cut 走 2F。

9 個人傾向做窩打老道，除了可以令 10 變得有重組空間，亦都解決了唔少油尖旺的流水空缺，但 9 要改行窩打老道，首先要甩走彩福呢個麻煩位先 (最近有新諗法，詳見另文)，如果唔係去程點都要做旺角。而且 9 行窩打老道，仲可以放走 7 同 3C 重組，來回經旺角，進一步慳車。

2D 基於佢價錢牌，以及一大堆奇怪短車獨市位，個人傾向轉型做太子站接駁，幫其他路線補位。停一停太子站起碼可以每班車執多 20 個客。市區雙向分段的潘朵拉盒子，九巴應該唔肯開。