問：點解烏蛟騰與大埔的聯繫多過所屬的北區？

如題。

無論幾十年前鄉村車年代，定近年20R小巴，
烏蛟騰同大埔區的聯繫多過所屬的北區。
無論對外交通定購物，烏蛟騰同沙頭角、聯和墟或石湖墟冇大埔墟咁密切。

有冇熟悉歷史嘅版友到底係咩原因先有咁個現象？
網上睇到烏蛟騰係沙頭角十約中嘅南約，而沙頭角本來就係北區，推算因為咁先成為北區一部分。
但涌尾、涌背（因船灣淡水湖已消失）同屬沙頭角南約，反而就屬大埔區。

其實原理係咪同西貢北（屬於大埔區，不過對外係沙田同大埔）差唔多？

以往烏蛟騰跟沙頭角的聯絡以水路為主，經谷埔坐船前往，在戰前這條路反而最旺。
往大埔墟的陸路跟建船灣淡水湖有關，而六鄉小滘 / 大滘往大埔墟的街渡，也是在戰後才出現。

可參考長春社這本書的 PDF 第 17 - 18 頁。

https://drive.google.com/file/d/ ... L9L2bNL80fvDd8/view

就係同西貢半島北邊屬大埔區差唔多。都係舊時交通聯繫同今日唔同。

烏蛟騰去沙頭角陸路比較近，亦比較平坦，而沙頭角好早已通鐵路同公路。

另一個角度睇，大埔區同北區邊界大部份都係山脊，只係靠腳行，翻越山脊比較辛苦，聯繫自然比較少，分區自然會以山脊做界線，烏蛟騰係山脊以北，歸北區都好正常