彌敦道窩打老道交界燈位問題

現時呢個位置燈位係咁循環的
窩打老道雙向 ＞ 彌敦道南行 ＞ 彌敦道北行 ＞窩打老道雙向 ＞ 如此類推

其實可唔可以改為
窩打老道雙向 ＞ 彌敦道南北行 ＞ 彌敦道北行右轉 ＞窩打老道雙向 ＞ 如此類推

咁樣改唔會對行人過路燈有影響，但就彌敦道北行會長咗啲啲時間
起碼令到直行去旺角既車唔會塞到中郵

北行塞車好多時係因為左一線近中南擺左部死車上落貨，北行主要都係巴士為主。如果你咁改phrasing即係左二左三線要停晒，
得左一線可以直去，咁啲車就會堆晒去左一線，用唔盡左二線車流量，亦有可能喺雙白線前有死亡交叉，
右轉窩打老道要cut出去左二/左三線，中線直去要cut左一線。

呢個玩法嘅問題係彌敦道北行3條線唔知點分。2直行1轉右，定1直行2轉右？答案係似乎點分都搞唔掂

仲有一樣就係自從孭仔燈出過幾單大鑊嘢之後，唔知道仲可唔可以新增路口係唔同方向唔同步放綠燈而無安全島／路壆分隔

過完個街口其實前面仲有碧街巴士站
一多巴士埋呢個站又係得番一線畀其他車過

而家好多車長得一條線通常唔博收到好慢咁碌過去
後面支綠燈就算畀你攞盡彌敦道南行直行+北行右轉成個時段，都有時係頂住過唔到
如果延長唔到彌敦道北行放車時間，就更加難去重新分配行車線

toby_tl10 發表於 2023-5-25 15:14
呢個玩法嘅問題係彌敦道北行3條線唔知點分。2直行1轉右，定1直行2轉右？答案係似乎點分都搞唔掂 ...

好多年前呢個路口係1直2轉右，燈號又真係好似樓主講嘅pattern。
不過唔記得係南北行直去先，定係北行直去加右轉行先。
好有印象直去燈綠右轉燈紅果陣，直去嘅車爭住入慢線，
有時唔係太順，哂佐盞綠燈。
而家齊齊行就順好多。

s3n370 發表於 2023-5-27 02:14
好多年前呢個路口係1直2轉右，燈號又真係好似樓主講嘅pattern。
不過唔記得係南北行直去先，定係北行直去 ...

直行先 之後到右轉綠燈