按：HKG - FRA 同去程一樣咁 delay，但我其實唔太擔心；一來而家飛英國並無入境限制，唔會有（好爆嘅）隔離酒店要跟；加上 LH FRA - LHR/LCY 平均 1-2 小時一班，就算我無主動改機票，我相信點都會比到一班機我飛倫敦；憑 LH 上次喺 Frankfurt 登機閘口處理延誤的表現，我對 LH 地勤喺現場嘅應變尚有信心。
要喺度坦白承認，小弟喺 FRA 轉機拍照唔多，部分內容僅用文字表搭。
- 當天 LH 797 落機同 LH 902 上機都喺 Concourse B，轉機唔需要搭 Skytrain，步行距離不長
- FRA T1 係分 Concourse 做安檢，Concourse B 登機就喺返 Concourse B 做；同 7 月去程時一樣，估計機場人手不足，並無開放全部 X 光機，加上 FRA（定全歐洲都係咁?）對高危物品過機程序較嚴謹，電話、電腦、power bank 以至係放喺密實袋內嘅酒精搓手液等，全部要拎出嚟放喺獨立膠盤過機；有唔少人即場開喼拎出嚟，耗時極多；
慶幸小弟第一程機座位較前（Economy class 第二排）較早落機，最後唔算排咗好耐，但我後面條龍唔短（香港出發有幾多人以 Frankfurt 為最終目的地，相對有幾多人係轉機去其他歐洲城市，相信大家心中有數）
- FRA 地方唔算寬敞但人流極高，幾個買嘢食/坐低食嘢嘅地方都要排隊，機場部分位置感覺擠迫（有可能係比較多機中午出發? 但小弟喺 HKG 飛咁多次，疫情前都好，從未試過覺得個機場迫）
- 睇返啲相，感覺 FRA 有點似兒時玩模型玩具入面 “機場” 嘅建築，terminal 儘頭（gates B44 - 48）都係一個圓型嘅 area，圓周係 boarding gates，中間有商舖同座位；另外機場入口係一條單向行車嘅上落客區，上面有天橋横跨（巧合地，兩個設計都同小弟兒童時期兩件機場玩具一樣，希望無因此暴露年齡）
- 機場明顯較舊：樓底較矮，採光（自然光）不足，候機空間不足（唔知從前的香港啟德機場係咪都係咁? 小弟無用過唔知）；呢方面 Munich（MUC）新淨好多
（T1 外觀攝於去程返香港時；想知點解當時轉機會離開機場，文末有 flight report links）
當日 LH 910 喺 B47 gate 出發，係 B concourse 其中一端
此外，據本人兩次登機經驗，boarding groups 喺 FRA 可以當係笑話一則；當開始登機時，基本上所有人都係同一條隊直接上機，毫無分流可言，甚至可以話有點混亂
小弟坐 emergency exit row, boarding group = PRE（我理解為 priority，事實上同一排其他人都早過我上機）但上機時無人檢查過我 boarding group
（相信有非 priority boarding 乘客同時入閘上機都會上到）
