北港島線可否改為南港島線東段/東大嶼線伸延？

qunow 發表於 2022-6-4 21:53
如果東大嶼線唔係港島線伸延，當新線起嘅話，港島淨係轉到一條線好似好唔方便…？ ...

將線咪又係咁

qunow 發表於 2022-6-5 11:32
問題係，而家首先唔知道條東大嶼線係咪真係獨立成線定係就咁拉港島線過幾次海，甚至有人話不如索性用前海 ...

東大嶼本身定位都係甲級商業區，同中環相輔相承，等啲新界人由其係住新界西唔駛下下大遷徙出九龍東呢啲死位返工，
搭鐵又耐搭巴士又要過三關，平衡職位分佈。
觀塘咪由佢自成一角，無必要強行將兩地直接連繫
如果我係觀塘工廠區果啲二線公司老闆，真係同人工島有咁多來往， 可以考慮將公司搬去平啲既葵涌甚至屯門工業區。
如果係觀塘白領居民，淨係搵返原區，東區，中西區依然大把寫字樓選擇。

另外某登論壇激烈討論緊玫瑰園計劃，中間提到明日大嶼，當垃圾桶消息聽下算
"我識有一個人係幫手做明日大嶼初期個5億研究撥款 佢同我講 佢地研究完都知係起唔X到呀 但要幫班賣港X做靚份野 講到起到呀"


以上呢份5億研究撥款，其中交通基建初步方案，會係今年第四季公布，唔駛等好耐就知答案，斷佢成億野再初步都應該講到走線同擬建車站係邊掛

Kelvin15190 發表於 2022-6-5 11:38
柴灣那有位給你擴建，除非拆樓。

小西灣囉

20160424 發表於 2022-6-3 00:02
人工島係用黎借解決土地供應不足為名，比上面抽水回血為實，
六千億已經係最低消費，點可能會擺到最後搞? ...

如果東大嶼線要食埋北港島線，最可行方法就係食埋南港島線西段，黃竹坑後直出會展，再駁落北角、鰂魚涌、小西灣，但缺點係成條線要靠東鐵線轉車先去到金鐘。

Lkopm 發表於 2022-6-5 19:17
將線咪又係咁

將軍澳線轉到觀塘線同港島線，觀塘線去到觀塘旺角，港島線去到中環銅鑼灣，加上本身北角鰂魚涌都係目的地

Man@MFHK 發表於 2022-6-5 20:54
如果東大嶼線要食埋北港島線，最可行方法就係食埋南港島線西段，黃竹坑後直出會展，再駁落北角、鰂魚涌、 ...

你咁樣走線太迂迴，無效益，現實啲硬要二合一比條鐵行到北岸其實仲有一個方法，
呢招暗黑兵法睇下政府敢唔敢做，事實上唔永久填海由人工島去港島條公路應該都係無位上岸


點擊 - 麥美娟倡修訂《保護海港條例》 建議設立中央海港範圍

點擊《2021 年保護海港(修訂)條例草案》

20160424 發表於 2022-6-5 19:25
東大嶼本身定位都係甲級商業區，同中環相輔相承，等啲新界人由其係住新界西唔駛下下大遷徙出九龍東呢啲死 ...

東大嶼係商業+住宅，唔知佢會畫幾大，但以一百萬人嚟講，大概可以當係兩個觀塘區合埋嘅規模(區議會分區，由山頂住宅落到山腳工廠區)
點解要連埋一齊係因為要連埋有協同效應先吸引到啲公司入去，先至可以提供到職位，正如以前由中環擴展到尖沙咀，而家由中環擴展到港島東九龍東

對於職位分佈冇咩用。科學園同大埔工業區喺新界東，但入面返工嘅有幾多成嘅人係真係新界東居民？只會令到更加散更加多人要去更遠嘅地方返工，正如做起咗觀塘，新界東啲人去觀塘近過中環，但新界西啲人又一樣要去觀塘返工，跟住做起埋將軍澳工業區，再要啲人由觀塘轉車入去，而本身住將軍澳嘅人就都一樣要出市區返工。盞更多車。

而且，喺人工島去九龍(美孚嗰邊)嘅道路係遠期計劃嘅情況下，成個港九市區(excl.西環薄扶林)+新界東+荃葵+甚至北環線沿線，去東大嶼都係要經中環，即係變咗仲逼仲塞，甚至西環薄扶林去中環都係會快過去人工島。唯一去人工島會快過其他核心商業區嘅係得屯門天水圍東涌青衣。同埋香港西面各出入境口岸。如果第一目的只係為咗俾呢啲居民工作嘅話，搞大屯門工業區同青衣島就得，但現實唔係話有個工業區喺度就可以叫啲公司入嚟提供職位，就算真係有職位都未必啱當區或者附近區域居民。正如成個東涌起出嚟都係配合機場，但東涌咪一讓一大堆人要山長水遠出市區返工，而喺市區又有一大堆人要入到赤鱲角返機場工

起北港島線嘅最大目標係要將軍澳線嘅過海乘客（包括九龍東轉車）
以最大capacity送到港島CBD，即銅鑼灣、灣仔、中環，
以緩解港島線壓力（尤其北角轉車站），所以一定係將軍澳線拉過去
最大問題係是否跟東涌線交匯——假如按原計劃起添馬站，
interface會好炆而且好少人出入閘（周圍只有政總、軍營、添馬公園）
一係索性東將直通，但又涉及更大的技術問題，包括列車信號和隧道限界......

目前想到北港島線相對較理想嘅尾站選址，是4號地皮附近，
也就是大會堂以北嘅中環海濱活動空間——下稱此站為“大會堂站”
附近是AEROT及綜合通風樓；而且地皮本身較細長，用來做地鐵站應該剛好。
也就是跟AEROT+通風樓共構車站，全是鐵路設施（對比添馬站選址5號地皮附近，跟新High Court共構會有爭議）
以往有師兄說過這個地方做車站可能catchment不夠，只有大會堂和中環海濱長廊；
但是原來還有個潛在客倉，大家之前都漏咗，就是將來會變成商廈嘅3號地皮。
大會堂站可以整行人通道連返去香港站，做返間接交匯，這不會侵佔3號地皮發展範圍——
因為機鐵和東涌線月台中間隔了一層乘客大堂，AEROT只需要留返一樣的夾層就出到條行人通道。

再者，南港島線東段似乎可以從金鐘站北延至大會堂站，嘗試進一步分散金鐘站客流——
南港島線月台較深而且車型細小，理論上能避開上方5條鐵路線（機鐵、東涌線、港島線、荃灣線、東鐵線）的複雜交織。

最後，大會堂站位於皇后碼頭舊址附近，也可以改名“皇后碼頭站”，將皇后碼頭零件攞返出來用，重現港人集體回憶。

hellomato 發表於 2022-6-10 10:48
起北港島線嘅最大目標係要將軍澳線嘅過海乘客（包括九龍東轉車）
以最大capacity送到港島CBD，即銅鑼灣、灣 ...

最尾嗰段...仲叫「皇后碼頭站」？
叫「彭麗媛站」就差唔多

hellomato 發表於 2022-6-10 10:48
起北港島線嘅最大目標係要將軍澳線嘅過海乘客（包括九龍東轉車）
以最大capacity送到港島CBD，即銅鑼灣、灣 ...

其實你點解咁死心不息地咁想放個度先？
之前已經講緊為起而起嘅問題啦仲未夠？
南港島線金鐘站個方向
又點樣俾你係唔侵入政總地底範圍下轉到彎？