鷹先生連環不幸日子 - Thameslink Class 700/ (全文)

1月15日星期六，Weekend 落倫敦玩點之遇上連環不幸，但當時太忙未有時間寫，只係貼咗一張相（https://www.hkitalk.net/HKiTalk2/thread-2132310-1-1.html）
見近排時間教鬆動，就寫返篇正式文，記錄下當日發生咗咩事

小弟住Norwich，坐火車落倫敦，最簡單係搭 Greater Anglia Intercity, 到 Stratford (London) 或 London Liverpool Street，再轉 tube / 巴士去目的地。
但呢條路線小弟都坐過幾次，少悶，加上我當日係想去 Borough Market, Tube 要搭去 London Bridge; 諗起 Thameslink可以直達，而我有直車去 Cambridge（真係純為試 Thameslink，正常搭 Greater Anglia 到 Stratford 轉 Jubilee Line 更平 + 快）

買飛時發現如果喺 Ely 轉多次車、第一程用East Midlands Railway 車費會更低 (估計是EMR有Advance Single，直達的GA只有Off-Peak Anytime)，Ely - Cambridge可以搭埋 CrossCountry / Great Northern，就決定以下行程

Norwich - Ely: East Midlands Railway 10:55 - 11:45
Ely - Cambridge: CrossCountry 11:50 - 12:06 / Great Northern 11:53 - 12:12
Cambridge - London Bridge: Thameslink 12:24 - 13:44

第一程：East Midlands Railway Class 158
Norwich 總站登車，但車廂清潔衛生並唔理想

（落車時補攝）





小弟在英國搭過多於5間鐵路公司，感覺 East Midlands Railway 在車廂保養上坐得最差，Class 222 一樣殘到一個點，坐感極唔良好 :/

唔知係咪已放棄顯示正確資訊，靠車長廣播算數
呢部車總站系 Liverpool Lime Street （6個鐘車程的Regional Train）, 我坐 Norwich - Ely 段 (中停 Thetford)，但顯示屏出現過總站為 Manchester Oxford Road（如圖）、Sheffield、下站為 Grantham 等錯誤資料，而且改極都係錯
另外呢部 Class 158 有返新過，座椅同 Class 222 同款，非常高（可能係切合歐洲人身型？）



塗經 Thetford Forest，可見車窗清潔亦唔理想


準時到達 Ely，出奇地 EMR 未有 delay, 感覺良好
(購票時有考慮過 delay 風險，但後兩程都係Off-peak Anytime，應該唔會有麻煩)

第二程：Great Northern Class 387 v.s. CrossCountry Class 170, 點揀？



知道 Great Northern 跟 Thameslink 實為同一品牌，加上將來坐 Great Northern 的機會應該多過 CrossCountry, 就揀後者


班車由 Birmingham New Street - Cambridge, Ely 為最後中途站；車上不少乘客有劃位，上座率非常高
我就好好彩搵到一個劃 Ely 落車嘅位，但見車上有人要企 / 坐摺凳
CrossCountry Class 170 張凳比較矮，但非常舒服，頭枕、承托同軟硬度我都好鍾意

中途不停站，15分鍾到 Cambridge


見有～20分鐘轉車就影下火車先，噩夢亦在此揭開予幕




FYI：Cambridge - London Terminals 1小時有8班車，算非常頻密
- 2班 Great Northern: 不停站經 Cambridge Line 及 East Coast Main Line 直達 London Kings Cross, 部分由 Ely / Kings Lynn 開出
- 2班 Thameslink: Cambridge - Brighton, 為 Semi-Express, 停部分車站，Cambridge - Royston 及 Stevenage - Finsbury Park 之間不停站（我係打算坐呢班，Central London會停 London St. Pancras International, Farringdon, City Thamselink, London Blackfrairs 後到 London Bridge）
- 2班 Thameslink: Cambridge - London Kings Cross, Cambridge Line 及 East Coast Main Line 內各站停車
- 2 班 Greater Anglia: Cambridge North - Cambridge - London Liverpool Street: 經 West Anglia Main Line

當日星期六，有鐵路工程要改道：
- Peterborough - Hitchin 間 East Coast Main Line (LNER, Hull Trains, Grand Central, Lumo) 改經 Cambridge
- Thameslink Peterborough - Horsham 改由 Letchworth Garden City 終到，不經 Hitchin - Peterborough
- Three Bridges - Brighton 改用 Rail Replacement Bus，Cambridge - Brighton 改 Three Bridges 尾站
- Audley End - Broxbourne (West Anglia Main Line) 改用 Rail Replacement Bus

一睇顯示屏搵Thameslink月台，就知 瀨嘢!!
12:24 Three Bridges: Cancelled


當時我打算疊埋心水等下一班12:54，或改坐Great Northern 去 Kings Cross 轉車
但無耐班 Great Northern 到站 (即是 Ely 11:53 班車)，月台廣播班車停止服務，同時12:54 班 Thameslink 顯示 Delayed

直接行去 Service Counter 搵職員，一名Greater Anglia職員答覆：
- 所有 Cambridge - London Kings Cross / St. Pancras 服務受阻
- 未知何時恢復，只可以肯定同一日內會搞掂（算廢話）
- 去倫敦的唯一方法：搭13:00 班車到 Audley End, 轉 Rail Replacement Bus 到 Broxbourne, 再坐火車去 London Liverpool Street，全程3個鐘

都去到咁，仲可以點？
咪唯有見步行步，我自己又 Search 有無其他方法落倫敦
天氣寒冷，買杯熱咖啡暖下

幾分鐘後有關於Cambridge - London嘅車站廣播，初時以為係重複叫人搭去 Audley End........
但估唔到係宣佈12:31 Cambridge - London Kings Cross 準時開車，叫人迅速去月台上車

有車點都好過無，唔理三七廿一，上咗車先；上到車在諗下一步，就算去到 Kings Cross 再轉，都會快過去 Audley End 轉Rail Replacement Bus 多重轉乘兼要三個鐘，輸少當贏

12:34 開車，唔知係路軌問題定等 Cambridge 所有人上晒車


列車車尾靠近車站大堂，當然最多人；我車尾上車後就一路向前行，去到車頭1/2卡就無乜人車廂

座位 2 + 2 排列，有別於 Class 165 Class 321 Class 720 等入倫敦的通勤列車有別；用嘅係 Slimeline 硬板凳（但軟過香港紅鬼 V6X），被網民 / 媒題稱為 “Iron board”


水塘位（多用途空間）就不是黨鐵專利，Thameslink 車廂一樣大把，增加載客量（減少座位，增設企位）咁話

上車後聽廣播同睇 Trainline 列車資訊就知，呢班係各站停車...... 80 分鐘先到 London Kings Cross（Great Northern 一站直達少於一個鐘，Thameslnk Semi-Express around 1小時到St. Pancras）


有諗過去到 Setvenage 跳去快車，但好景不常，Thameslink 大Delay，LNER 改道、班次大幅減少，Hull Trains, Grand Central 不停 Stevenage，即我嘅如意算盤打不響


之後Check到12:54 Cambridge - Three Bridges，雖 Delay 但有開車，13:30 Letchworth Garden City - Horsham 狀態為 On Time；我心諗：去到Kings Cross 要轉去 London Bridge，最快都係行過去 St. Pancras 坐上述兩班 Thameslink 是但一班，咁點解唔喺 Stevenage 轉？至少唔需要行同喺 St. Pancras 大站入面搵月台


12:31 班 Thameslink 有 delay，13:26 到 Stevenage;
見13:30 Letchworth 開嗰班呢刻依然係 On Time，13:40 到 Stevenage；
12:54 Cambridge 嗰班就已經開出，delay 到 13:48 到 Stevenage；
就放心落車.....
(唔知算唔算做錯決定?)


當時 Stevenage 幾凍下，月台有雪


有室內侯車室，當然行入去


差不多夠鐘就行返出月台等13:40班車，但班車遲遲未到，幾分鐘後仲從顯示評消失...
即是話，我班車又被cancell
一班13:44去 London Kings Cross 嘅 Thameslink 各站停車 一樣被取消


不過我黑仔又黑唔晒，13:48 班車再遲多幾分鐘，13:51 終於入站

Thameslink Class 700 一攝




喺 Stevenage 當刻係少感動，終於坐上最後一程車，奔向目的地
搞完咁多係幾攰下，趁有45分鐘車程就休息下，沿途無乜影相

Stevebage - Finsbury Park 間不停站，四線行車且有唔少隧道


入 St. Pancras 前進地底路段，直至橫過River of Thames



London Blackfrairs, station built on River of Thames



過河後 SouthBank 一段明顯減慢，但無影響到站時間，可能係近民居有限速？

Southeastern Railways Class 444


14:32 - 經歷列車取消、被迫坐慢車、二度取消班次、無數延誤，比原定時間遲了～45分鐘，Finally London Bridge!!


同場加映：半日倫敦 + 壞事成雙

喺 London Bridge 站想增值 Oyster Card 但唔成功，之後去到第二個站先搞掂

Borough Market 即開生蠔




Jubliee Line Stock 1996, 車廂型狀同Bakerloo Line, Picadilly Line 1972/1973 Stock 類似，但車廂新淨好多




部分車站有月台幕門



係1月15號，當時英國政府因應Omicron規定公共交通公具（以及商店等部分室內場所）要戴口罩，規例11月30日生效後 Transport for London (TfL) 曾經喺London Underground 上高調執法，派吿票罰款；

但我當日喺 London Tube （車廂入面），完全無戴罩嘅人基本上唔難搵，每卡總有幾個咁；（未計用拉高頸巾包住口鼻的，都有唔少）
但同時亦有唔少乘客戴 N95 KN95 / KF94 等更高防護的口罩，反差十分大
時至寫文呢刻，英格蘭已經取消所有口罩令

買珍奶但間舖人手不足，搞咗勁耐


有間文具店想去但間舖門口打晒蛇餅，要排隊入店；我又不夠時間唯有放棄

Canary Wharf 晚餐


夜景幾靚 + Elizabeth Line 車站地盤外


食飽就搭Docklands Light Railway (DLR) 去 Stratford，轉Greater Anglia 返 Norwich




後續：
之後搵返 Thameslink 事發時公告，係Royston有列車故障，同Letchworth Garden City - Cambridge間供電系統出問題 (唔肯定兩者係純粹時序定有因果關係)，引致 Cambridge Line 服務嚴重受阻
喺英國搭火車，delay 超過 15 分鐘就可以申請賠償，以我今次遲45分鐘到，有50%車票refund，算係唔錯嘅安排

That Southeastern train is Class 456 (30 years old) instead of Class 444. Class 444 is the regional train used by Southwestern.
Also, next time if you want to do some split ticket exercise to save money, you can use trainsplit.com for referencing (or buy from there if you don't mind paying some contribution to that railway-fan founded retailer).

Most National Rail stations ticket offices don't do oyster card top-up, only ticket machines do. You may think of doing an online top-up from the oyster card official website as well.

提番關於Delay Repay並非所有公司都係遲到超過15分鐘都回水
部分公司例如Cross Country, LNER係要超過30分鐘先有回水

iseen 發表於 2022-2-2 20:21
That Southeastern train is Class 456 (30 years old) instead of Class 444. Class 444 is the regional  ...

My ticket split this time has nothing to do with the stations; it was because of availability of Advance Single on EMR Regional services, which are cheaper than GA (providing direct Norwich - Cambridge) services as GA sells Anytime tickets on this route only. I have to take an EMR service from Norwich - Ely for my first leg, and transit to Cambridge anyway for my case. I bought the Norwich - Ely and Ely - Camridge on EMR / CrossCountry site (forgotten which) and Cambridge - London Bridge through Thameslink.

I did use a ticket machine for Oyster Card top-up; I inserted my credit card as instructed but for some reasons the payment have not been succesful :/

上年試過LNER批車有問題，Edinburgh-Inverness取消，要搭replacement coach
但巴士直上Inverness計返時間仲快過搭火車要停站

HM3044 發表於 2022-2-3 20:05
上年試過LNER批車有問題，Edinburgh-Inverness取消，要搭replacement coach
但巴士直上Inverness計返時間仲 ...

Rail replacement bus 仲快過本身搭鐵路真係好少見，我見過唔少路線一rail replacement會慢30-60分鐘甚至更耐

Stevenage 月台上嗰啲似係鹽(防結冰用)多過雪

多謝分享，norwich 出倫敦經 cambridge 行 thameslink 落真係幾神奇的行法，不過有時 anglia 果邊整路，braintree 開始冇車行，行呢條 route 算係比搭 braintree - newbury park 接駁巴士好得多，當然你今次係想遊車河啦。

EMT 呢間公司好似管理不善咁，果次搭 nottingham - ely 都係個感覺麻麻地，不過紅色絲絨椅係難打理的。

ely - cambridge 我反而會揀 great northern 387，因為一定有位坐，crosscountry 疫情期間都要企，仲未有疫情果陣，ely - cambridge 一段成日都唔夠位坐要企，有部分時段甚至係上唔到車的，所以我會揀坐得鬆動的 387。不過論座椅舒適度，crosscountry class 170 差唔多冠絕全英國，一來張椅唔係高背，我呢啲細粒的坐得好舒服，二來佢好厚pad。class 387 就係 iron board，坐超過 1 個鐘係會好唔舒服的。

以前我係 base cambridge / stevenage 的，成日都要搭 cambridge - stevenage, stevenage - london, cambridge - london。cambridge - london 因為 GA 有 advanced single，平過搭 GN/TL 好多，尤其係如果我去倫敦朋友屋企過夜，唔係即日來回，係買唔到 GN/TL 的 off peak day return，兩張 off peak return 又已經係 off peak day return * 2 的價錢，除非趕時間或者即日來回，如果唔係一定係搭 GA。即日來回倫敦的話，通常會跳上 cambridge cruiser (不停站直達)，48分鐘就到 king's cross，加上直達車的 delay 風險係低過 thameslink / GA 好多，就算有 signal failure，通常都係優先比 cambridge cruiser 追時間的，我試過有次沿線 delay，我搭的 semi-fast 去到 royston 比人調左去停對面線，待避 cambridge cruiser...... 原本我架車唔駛 delay 都比佢搞到變左遲 14 (!) 分鐘。

不過有左 thameslink 之後，我倫敦飛香港的首選機場就變左係 gatwick 而唔係 heathrow，cambridge / stevenage 經 thameslink 一程直達 gatwick airport 係極之方便，以前去 heathrow 要推住行李落去搭 piccadilly line 係惡夢來的，去 paddington 就仲衰，又貴又要轉 2 次車，但係有左 thameslink，一程直達好得多，class 700 又多地方放行李，因為佢個行李架通常都冇人用，而且又有水塘位。本身諗住有左 crossrail 之後都可以考慮 farringdon 轉一次就到 heathrow，不過畢左業返埋香港，條 crossrail 到今日都係未通車的。

audley end replacement bus 去 broxbourne 我係搭過一次的，印象係好慢...... 唔記得果次點解會搭 replacement bus，正常來講唔會 ECML 同 WAML 一齊整路的。rail replacement bus 最快果次，我係搭 plymouth - tiverton parkway 同埋 bristol parkway - plymouth，不停站直達，因為某年係成條 GWR 路軌沖走左，只係比原定火車時間慢 30 分鐘。

stevenage 月台上面係鹽來的，基本上逢雨天同落雪天，staff都會放鹽。唔知 stevenage 個 5 號月台起好未呢?

最後講返 delay repay，GN/TL 係 15 分鐘以上就有得 claim，而其他大部分公司都係 30 分鐘以上先有的。不過根據個人經驗，GN/TL 的列車調度職員好勁，好多次搭佢都係 delay 14 / 29 分鐘，明明去到 royston 仲係 delay 緊 18 分鐘，唔知點解成日都追到幾分鐘，搭 cambridge cruiser 就更加，遲 30 分鐘開車，去到 cambridge 落車，竟然只係 delay 14 分鐘.......

P.S. 祝你學業進步，在英國生活愉快

小弟以前都係住Norwich 都唔知俾Greater Anglia 玩過幾多次 最慘一次Colchester 俾人趕咗落車因為Chelmsford 撞死咗人 等咗超過2個鐘先可以繼續行程 不過其實嗰次係Peak Hour去 Liverpool refund 返£41.60 係幾爽

2076 發表於 2022-2-18 04:34
多謝分享，norwich 出倫敦經 cambridge 行 thameslink 落真係幾神奇的行法，不過有時 anglia 果邊整路，bra ...

係大部份嘅大站都會停得比較耐，就係掉頭/換crew，有時遲幾分鐘呢個位就追得返，有可能係GN/TL個時間表寫得比較鬆?
題外話，我見XC由疫情開始之後好似delay比以前嚴重咗好多，試過由Manchester一路去到Bristol都係遲，原本Bristol遲14分鐘到，到站後用1-2分鐘換crew後，居然準時開