由荃灣去土瓜灣，鐵路點搭最好？

假設由荃灣（路德圍、街市街一帶）去土瓜灣，鐵路點搭最好？港鐵網站3個建議，我覺得各有優劣
1. 荔景轉東涌線，再南昌轉屯馬線，32分鐘
2. 旺角轉觀塘線，何文田轉屯馬線，33分鐘
3. 美孚轉屯馬線，36分鐘
呢個車程我覺得係少有一般人思維同港鐵建議係完全相反嘅情況，一般人想法我覺得係優先考慮 (3)，因為只需轉一次車，感覺較直接，但港鐵app就排係最後
其次會考慮就係 (2)，好處係盡用荃灣站頭站優勢，坐到出旺角先至轉車，而且轉車又唔使行太多路
最後先至會諗 (1)，但仲要諗埋入荔景站夾唔夾到班次，雖然以前西鐵往紅磡嘅日子，我都知道咁樣轉係快啲，但現實中如果同其他人一齊，就點都唔會敢提出咁樣轉車，人地會覺得好奇怪
唔知大家會點揀，定係索性選擇行去荃灣西站一程過？
又有無啲類似嘅例子，理論上最快嘅路線，反而係心理上覺得係最奇怪嘅路線？

第1問題係要考慮班次
唔考慮班次,又唔想行咁多路
個人會揀2

轉黎轉去,都係一程屯馬最方便啦

非荃灣站出發不可的話，(2) 旺角轉觀塘綫、何文田再轉屯馬線
否則會揀荃灣西站直接搭屯馬線，兜一兜荃新天地仲有 $2 機拍

最好就全程屯馬(過幾條馬路去荃灣西站)，唔使等幾次車
如果唔想行咁多路，就睇ETA決定荔景定旺角轉
但美孚可免則免，因為捨得行咁遠不如全程屯馬

最簡單一定係去荃新天地拍卡坐屯馬

不只荃灣，荔景至大窩口站同樣適用。早繁多數會揀2(南昌-荔景)，人流不算太多，是晚上回家才會因應東涌線ETA才會決定前者還是旺角-何文田。

仲要睇埋有無位坐，荃灣站上車梗係坐到去旺角先算。但如果葵芳先上車，不如博下南昌上車只要捕到有人落車就有位坐。

（1）其實唔奇怪，比（3）其實係搭少咗一個站，MTR自己都建議人咁轉。 行去對面大家都唔太覺得真係「轉綫」

行荃新拍卡真心不錯喎。。。宜家仲要全天候天橋去到荃西 係路德圍行去荃新冇蓋者