馬頭圍鐵路預留設施初探

去到 1970 年嘅《集體運輸工程總報告書》（Hong Kong Mass Transit: Further Studies），顧問公司又再重新審視改咗名做東九龍綫嘅沙田綫，喺馬頭圍站一段嘅走綫。
今次顧問公司認為九龍城道係最佳選擇，但區內嘅規劃方案、道路工程同社會變革（social upheaval）令選擇大大收窄，最後改選譚公道為東九龍綫嘅定綫。
報告書話，日後譚公道一帶有大廈重建時，車站設施可以納入於譚公道東側嘅樓宇設計之中（future re-building will enable the station to be incorporated in buildings on the east side of the street）。

譚公道只係一條單程內街，唔似得馬頭涌道或者九龍城道咁闊。即使馬頭圍站唔用島式月台，用疊式側式月台設計，譚公道亦未必夠闊。
出於呢個理由，《集體運輸工程總報告書》就打算利用區內重建嘅契機，喺私人土地預留空間興建地下鐵路車站。
而呢個正正係譚公道部份樓宇並無用盡地皮面積，反而向內縮咗入去嘅原因。

https://medium.com/%E6%BB%84%E6% ... %8E%A2-5f5eb73fb5f3
香港地鐵其實有幾多個站係同北角站一樣有想同大廈整連通道嘅plan呢？

唔知佢嗰篇《由大埔出發—（下）》幾時出呢