屯馬線宋皇臺站開放日

eternalflame 發表於 2021-6-14 17:10
咁就到時先算啦, 乜九龍城有誘因做舊區重建咩? 唔好成日都發展就是硬道理好唔好?

...

其實九龍城重建潛力唔細，以前因為受機場限高影響，好多樓都起得好矮，如果重建就可以用盡地積比率起到好高
不過我唔知發展商嘅考慮係點，如果我識我就入咗去做啦，但以一般市民嘅角度，我寧願佢係一次大重建，好似觀塘裕民坊咁，好過而家一枝一枝牙籤咁，極之無規劃，視覺效果差，亦都限制咗日後大型重建嘅可能性

Ohm 發表於 2021-6-14 19:59
其實九龍城重建潛力唔細，以前因為受機場限高影響，好多樓都起得好矮，如果重建就可以用盡地積比率起到好 ...

九龍城廣場想成座拆左重建都過唔到城規會，你要D發展商慢慢收晒D樓再重建都唔知要等到幾時啦。
聯合道賈炳達道交界路口，即係九龍城廣場隔離幾棟舊樓，當年田生都收左成十年先收得晒，結果都玩唔掂要賣走：
https://ps.hket.com/article/26134

Man@MFHK 發表於 2021-6-14 20:27
九龍城廣場想成座拆左重建都過唔到城規會，你要D發展商慢慢收晒D樓再重建都唔知要等到幾時啦。
聯合道賈 ...

你喺平衡時空？九龍城廣場重建方案上年８月已經通過咗

Ohm 發表於 2021-6-14 20:31
你喺平衡時空？九龍城廣場重建方案上年８月已經通過咗

由98年未轉手前搞到賣左俾中資都仲要入左幾次紙先批到

Ohm 發表於 2021-6-14 19:59
其實九龍城重建潛力唔細，以前因為受機場限高影響，好多樓都起得好矮，如果重建就可以用盡地積比率起到好 ...

重建是否有必要? 係唔係度度都一定要重建黎用盡地積比?

newlife 發表於 2021-6-14 16:18
宋皇臺站衹有一個B出入口通往九龍城，惟隧道超窄（附圖），莫講連自動行人道裝唔到，第時若九龍城唐樓大規 ...

沙浦道／啓德道重建項目將會設有行人隧道連接啟德地下街，而啟德地下街最終會接入宋皇臺站大堂（預定位置喺A出口附近），所以未來唔止一條路通去九龍城

newlife 發表於 2021-6-14 17:27
倒係覺得B出入口隧道並無穿過樓宇兩旁、空間狹窄等因素，難以理解會窄成咁，或許係港鐵最窄通道之一。

B出口隧道要穿過幾條行車天橋
P.S.講窄何文田站都差唔多

eternalflame 發表於 2021-6-14 20:55
重建是否有必要? 係唔係度度都一定要重建黎用盡地積比?

反而寧願佢成個區收返嚟重建，起返啲停車場，好過逐幢樓拆卸重建，變成牙籤樓，又冇位泊車

eternalflame 發表於 2021-6-14 20:55
重建是否有必要? 係唔係度度都一定要重建黎用盡地積比?

九龍城堆舊樓又唔係有咩好緊要嘅歷史價值
就算重建又有咩問題？

eternalflame 發表於 2021-6-14 20:55
重建是否有必要? 係唔係度度都一定要重建黎用盡地積比?

樓舊咗總有一日要拆㗎啦，逃得過呢個循環嘅有幾多建築物？用返鐵路來做比喻嘅話，MLR就算要保留都好，都唔會係29列全部保留啦。九龍城唐樓唔係特別具有歷史價值，隨着時代淘汰有幾奇怪？
本身樓宇都有壽命限制，除非特意保育，否則總有一日要拆卸重建。如果純粹維持住宅用途，唔係活化嘅話本身已經唔太可行。要全區嘅唐樓一齊保育更加唔會係一個可行嘅做法。就好似鐵路車輛總有一日要替換咁，只係時間早晚嘅問題，冇可能永遠維修舊款車用落去。重建用盡地積比只係順手，唔通重建仲起返咁矮咩：）

我都認同最好一口氣全區做一個整體規劃重建，咁樣分分鐘可以順手解決埋道路狹窄嘅問題，比起逐塊地皮各自為政，最終設計會對居民更加方便。