屯馬線行車時間表

RyanPun 發表於 2021-6-21 20:17
我朝早紅磡出站，我舊月台上嚟，兩邊方向完全打哂交，既然依家1台4台都通，係咪應該一邊台電梯全部上，一 ...

靠自己醒水﹐睇情況先去對面月台再上大堂轉車。

淨係睇噚日兩繁，已經出現脫班，做唔到平均3分一班。同埋唔知點解冇落雨同埋隧道段入面埋站速度好慢，都係造成脫班其中一個原因

而家尖東>紅磡新2台run time大約2分10秒，但紅磡因為要清客，dwell time隨時要成分鐘
呢度加埋3分10秒，headway小過呢個數就會塞車同延誤，假如屯馬線全通，dwell time跌番落40秒左右，問題應該可以舒緩
以前舊2、3台嗰陣，當上一班車啱啱到紅磡，上兩班車已經駛番轉頭入站，騰空個位畀班車入去

kei_hk 發表於 2021-6-22 10:20
靠自己醒水﹐睇情況先去對面月台再上大堂轉車。

今日情況有改善，我多數南行第6卡上車，轉車去尖東嘅多數企哂3/4卡，琴日情況係最少頭6卡啲出站轉車客，全部迫迫哂去近5卡條梯走，今日起碼企頭3/4卡嗰堆轉車客醒水，識走去對面月台，令原本1台條梯少咗人用。

今日試過尖東去沙田圍，經紅磡轉東鐵，去到大圍都係上返尖東-紅磡同一架車，前題仲要係東鐵即時開。所以第時紅磡去馬鐵沿線都係一程過有著數。

tfzoofsss 發表於 2021-6-22 19:46
今日試過尖東去沙田圍，經紅磡轉東鐵，去到大圍都係上返尖東-紅磡同一架車，前題仲要係東鐵即時開。所以第 ...

一定喇，只有出紅磡方向，又咁啱對面見到有車，先有機會快到一班吧。

今日上繁落雨行雨天碌車埋站模式又亂晒

tfzoofsss 發表於 2021-6-22 19:46
今日試過尖東去沙田圍，經紅磡轉東鐵，去到大圍都係上返尖東-紅磡同一架車，前題仲要係東鐵即時開。所以第 ...

是的，我測試過東鐵線等候時間超過兩分鐘肯定最少落後一班。