探討廣深港高鐵短途列車全部統一來往廣州南的可行性

啱啱先見到呢篇文，有3個討論點想講返

1)西九龍站入閘及取票時限已經改左30分鐘，而且係停駛之前半年已經改左。即是差不多改左規例大約一年半。

2)停駛前回港客量一直比離港客量多，其中一個原因是回港班次不用預留時間入閘，只要差不多坐車前到深圳北/福田站前用12306手機先購票，到車站前預留15分鐘取票便可。我試過由深圳布吉出發，60分鐘已經足夠由布吉工廠出發直達西九龍站兼出埋閘。所以我都見到上深圳班次極少客量，但落香港班次卻有五成客量。

3)港鐵票務系統極麻煩，只可以香港西九龍站取票，亦要預先取回程票，網上購票亦只能用網頁而無apps可用，改簽只可以係車站做，攪到自己香港上去要用返12306購票

superlo 發表於 2021-2-13 07:44
啱啱先見到呢篇文，有3個討論點想講返

1)西九龍站入閘及取票時限已經改左30分鐘，而且係停駛之前半年已經 ...

睇來一日兩地邊境重未拆除，短途車北上班次客量都唔會有明顯改善

qunow 發表於 2021-2-9 14:08
一係就北環線，一係就錦上路

除非錦田八鄉石崗新田全面發展，否則新界站使用率只會比西九龍更低

qunow 發表於 2021-2-11 20:30

你個北環線站已經去到邊境咁濟，點唔去深圳搭？

吳宗錡 發表於 2021-2-9 15:48
咁政府又唔提出起條地鐵，行林錦公路地底，連接錦上路站同大埔嘅

大埔搭到去錦田，我搭東鐵都已經到左深圳，新界西北東北居民要搭高鐵，去深圳搭就可以，點解咁執著要香港境內上車？

TYChow 發表於 2021-2-8 00:52
最弊鄭汝樺當年死都唔肯呢！
高鐵總站封咗成年（仲要納空租），真係多得佢唔少！
...

整多個站唔係蝕得仲甘？

qunow 發表於 2021-2-7 16:27
其實新界點都應該整個站。話站距短但深圳都有三個站

香港新界多山，人口分散，地理中心係龐大郊野，冇一個人口分佈上的中心點。單睇數字新界人口佔香港人口一半就覺得新界應該有個站，根本就冇深入了解規劃。
深圳人口係香港兩倍半，而且深圳係真正的中國地方，來往中國其他地方的需求都遠遠比香港人高，所以唔可以直接比較

吳宗錡 發表於 2021-2-13 18:00
睇來一日兩地邊境重未拆除，短途車北上班次客量都唔會有明顯改善

錯，一般情況下高鐵係唔會有超短途客，因為短途點到點交通有絕對優勢
但因為港深邊境因素，港深之間現時並冇點到點交通，而且只有幾條港深通道可用，點到點交通優勢完全沒有，所以高鐵先有超短途市場，港府港鐵營運高鐵不善導致少短途客又係另一個話題
港深邊境拆除正式同城化，先至係港深短途高鐵的死期

到時香港每條主要幹道都會有一般特快巴士點到點直達深圳每個區，樓下巴士站截車就可以直達深圳的目的地，仲邊個會專登去高鐵站搭去深圳？到時香港高鐵功能只會係中長途

Kaix 發表於 2021-2-24 13:20
大埔搭到去錦田，我搭東鐵都已經到左深圳，新界西北東北居民要搭高鐵，去深圳搭就可以，點解咁執著要香港 ...

咁條地鐵無理由得錦上路去石崗咁短嘛！去埋大埔係做元朗至大埔之間嘅通勤客。

Kaix 發表於 2021-2-24 13:17
你個北環線站已經去到邊境咁濟，點唔去深圳搭？

深圳有深圳北站都仲要加福田站、光明城站，遲啲仲要劃多幾條線去西麗站、機場站之類，同深圳隔咗成個關口嘅新界都有個站好合理？
用深圳車站問題係接駁交通麻煩，過關前後加加埋埋轉幾程車先到