九巴啲車個冷氣系統係人手調較？

琴日 (8/1) 氣溫急降，但啲車都仲係吹緊冷氣出嚟
有啲個風量仲係唔弱，對上一次氣溫驟降又係咁既情況

雖然我唔係搭太多巴士，但咁耐以嚟都係搭過一次妖后係吹暖氣出嚟
仲要嗰陣係上次氣溫驟降咗一排開始暖返既事

其實所謂恆溫係咪只係喺廠入面調較溫度？
定而家直頭有啲車部機係冇暖氣功能？

首先, 九巴近至三四年前買既新車都係冇暖氣功能, 冬天最多CUT到近乎冇風出
第二, 司機開唔開鮮風掣效果已經完全唔同晒, 夏天熱死你, 冬天涷死你
第三, 就算其他冷氣掣遮住晒都好, 都有人想盡辦法去搞, 一搞亂個設定, 冷氣表現咪唔同晒

唔怪得呢排搭E200定MMC都仲係吹緊冷氣出嚟啦
買車嗰位諗住香港唔會再有冬天？

呢幾年香港個冬天都熱到乜咁係我都唔會考慮買個一年先用得嗰幾次嘅暖爐啦
架車開出街食塵又乜又盛，但個暖爐成年先開得嗰幾次，咁點解我要長期儲住堆件去養住部一年先用得嗰幾次嘅嘢？

再者天氣涷嘅日子個個都着住件羽絨上車，起車上面你涷極都有限啦

生風口就N年前已經取消咗，連本身有生風口嘅都封番佢，原因就係唔想啲廢氣抽入車

至於夏天架車焗就有得解嘅
家陣啲車就長期低轉行，但係個冷氣泵就用副偈嚟拉，副偈唔轉啲雪種就唔會流動，雪種唔流動就即係個冷氣停咗唔郁
咁低轉行車即係冷氣泵轉得慢，冷氣就自然唔夠，再加上車身四周都可以傳熱力入車，咁架車咪熱囉
一上山或者跑公路，部車有咁上下時間維持一定嘅轉數，等同個冷氣開大啲，咁架車咪會涼

冬天有時候上車你覺得大風，九成九係部冷氣個電腦壞咗唔識轉慢風，咁呢啲就冇辦法啦人地唔肯整

而家暖氣已經唔駛好似以前咁要裝條暖氣槽先出到
可以由變頻冷氣機做埋，而且呢啲機技術已經好成熟，成本已大大降低
着羽絨上車就唔凍，咁全世界啲車都唔駛裝暖氣啦

如果九巴真係覺得冇用既，點解去到妖后又加返暖氣功能呢？
同埋本身暖氣唔係淨係客先用喎，車頭防霧都要用啦
最後咪又係要加返發熱線喺車頭玻璃