再遇箭咀車

難怪箭咀車被喻為公路殺手，分享一下昨晚經歷。

夜晚九點半到，搭E31返東涌，因為o係青馬收費廣場上車，無乜位，就企o係輪椅位就算。

差唔多去到九記小濠灣廠附近，有塊六百米修路牌，再前o的有塊四百米快線封閉牌，去到二百米快線封閉牌，o個時隱約見到前面有工程車，因為見到有車頂閃燈。由於開始暗斜，睇唔清前面架工程車泊o左o係邊條線，基本上快線已經無車敢行。

一路爬上暗斜頂，去到地鐵小濠灣廠近橋底，竟然有兩架箭咀車泊o左o係慢線，而且最出o個架只係著o左車頂閃燈，無著箭咀，第二架工程車先有著箭咀，但個箭咀方向仲係箭向左線。(滴汗)

巴士司機拿拿聲收油cut出中線，一路就鬧o個兩架車同路牌。

錯牌，著錯燈都算過份，唔明點解有路肩唔用就咁落左線就算.

[ 本帖最後由 rickywk 於 2006-7-19 12:09 編輯 ]