山頂纜車幾問

1. 因應發展計劃，花園道總站臨時向上遷移，所以纜車總距離短咗，會車點理論上應該會向上移？不過係咪因為會車雙線軌道距離夠長，所以即使兩車交會位置向上移，都無需要改動軌道？定係已經有改過
2. 各分站使用率如何？依我所見，白加道站同堅尼地道站偶有上落，而白加道每晚落山都會有月票客上車，不過梅道同麥當勞道就似乎好少有人上落

3. 另外，月票使用率又係點？照計如果係山頂一帶返工，買月票都算抵搭，但係如果係以前有大量旅客嘅時候，月票客上車有無得優先？如果中途站如白加道又上唔上到車？

1. 縮短番纜索，山頂個邊就不需移位

b123as 發表於 2020-11-26 13:44
1. 縮短番纜索，山頂個邊就不需移位

路程短咗，纜索當然要縮短
但兩車交會點理論上應該係路程1/2嘅位置，咁照道理應該會向上移？

3變4位置似乎有工程過，你可搵下舊展望片對比

https://youtu.be/yvONoSQQW10?t=300

Ohm 發表於 2020-11-26 14:38
路程短咗，纜索當然要縮短
但兩車交會點理論上應該係路程1/2嘅位置，咁照道理應該會向上移？

成個計劃﹐需要向政府取地使用﹐當中包括軌道交匯位置。
ref: https://www.legco.gov.hk/yr17-18 ... 25cb4-1292-1-ec.pdf

而纜車的官網﹐亦有介紹發展計劃﹐有講解簡單的講解的。
https://www.thepeak.com.hk/zh-ha ... ram-upgrade-project
節錄:

其受歡迎程度與日俱增，在繁忙時段會因人流眾多及空間不足所限，而形成在山頂纜車中環總站外出現人龍，這正是山頂纜車面對的其中一個挑戰。為解決此問題，全面的纜車系統及設施升級工程已於2018年全力展開，並預計於二零二一年完成。整個發展計劃耗資約6億8千4百萬港元，由山頂纜車有限公司全資興建。  發展計劃將會：


• 添置全新的纜車，將每程載客量由現時的120人提升至210人。較大的載客量意味著新的纜車將有更長的車廂，因此需要安裝全新的動力及拖曳系統和纜索、鋪設新的路軌、加固路軌地基及橋樑結構，以及延長現有纜車「交匯處」和花園道總站。


• 全面翻新山頂總站，及擴建花園道總站，建造可容納1,300名乘客的舒適等候空間，並於排隊及候車區提供娛樂設施。

睇返片對比過，確實交匯軌區拉長咗，並以較高位置由三軌變四軌，而現時兩車相遇位置，亦比之前較高，確實鋼纜縮短了之餘，相遇位置亦比以前更高。至於拉高三至四路段，除咗應付鋼纜縮短，亦因為未來新車箱更長，需更多相遇路段有關。

而且如給立法會的文件所見臨時月台會變成永久月台，即是擴建後路軌長度是永久縮短。

聽講喺山頂廣場做嘢嘅人係有得免費搭纜車，而且仲係優先上車，所以應該唔駛自費買月票

hokachung 發表於 2020-11-26 23:04
聽講喺山頂廣場做嘢嘅人係有得免費搭纜車，而且仲係優先上車，所以應該唔駛自費買月票
...

不過我見有人喺白加道曬證上車，而且好多時都不只一人，唔知佢地係附近做保安定係點樣？