九巴MMC加裝安全帶

是咁的
今日放工番歸就發現自己坐中咗一部加裝安全帶嘅MMC

起度分析一下佢哋點樣「改裝」啦

嗱首先要講嘅就係只有上層係加裝咗安全帶，下層係乜都冇改

眾所周知，MMC嘅座椅配置有個特色就係「老X都推張凳埋牆仲要有咁貼牆得咁貼牆」，安全帶必要嘅安全帶扣根本冇位裝，為咗裝安全帶個扣上去就必須要移番出少少畀番啲空間佢，於是各橫排座椅就向走廊位移出約10mm，兩張凳中間亦有至少10mm，起FL頭上面比較嚴重嘅擁擠問題就解決咗。

但因為涉及到加裝安全帶同埋要移動座椅嘅問題，若果起原有嘅配置上改裝耗時會比較長，不乎成本效益，於是就採用最簡單直接嘅方法去「改裝」——就係成張換


你會發現成張凳好光鮮唯獨隻腳嗰度用到黃曬

「加裝」安全帶嘅車會沿用起砌車時已經安裝好嘅凳腳，將上半部(即係你會坐住嘅座墊同埋座墊下面嗰兩條主骨)整套換走，駁番條扶手柱(如有)就大功告成。
(換出嘅座椅有可能另搵地方改裝加安全帶再順手換埋新皮然後重新安裝落其他車上面)

不過新嘅凳就係用紅躉嗰個模配搭番舊版頭枕，所以會有啲頂背脊，略為唔係幾舒服

邊啲車已經「加裝」安全帶我冇興趣知，亦都唔需要起度報告。

多謝點閱

之前有post講過，L凳、舊頭同埋本身全安全帶FL車身果批唔會加裝

張櫈係咪同之前一樣咁硬身

拆出黎既舊凳會唔會好似批低載B9咁換埋紅巴隻凳皮

VA73@2A 發表於 2020-11-18 19:39
張櫈係咪同之前一樣咁硬身

單係呢啲V凳起九巴上面都已經有幾隻硬度
今次只係換番佢原先之前嗰隻硬度，冇咩分別，同舊頭尾批Voith最硬嗰啲都仲差幾百倍

stevensiu 發表於 2020-11-19 00:59
拆出黎既舊凳會唔會好似批低載B9咁換埋紅巴隻凳皮

個批低載B9已經踏入中年,九巴點有意慾想再換櫈.

btw,今次上層加裝安全帶批車,載客量好像係維持不變.

AtrHenu 發表於 2020-11-19 09:45
個批低載B9已經踏入中年,九巴點有意慾想再換櫈.

btw,今次上層加裝安全帶批車,載客量好像係維持不變.:s ...

批低載b9又係整整下唔整，另外翻新成紅凳版威b9吊環又話轉用三角吊環，點知紅巴又用返舊吊環唔知想點

整凳之餘唔順便移除啲扶手柱有啲奇怪… (有部份金FL已經拆咗兼加鐘掣喺冷氣槽，但係又未加安全帶…)

4eyesryo 發表於 2020-11-18 19:29
之前有post講過，L凳、舊頭同埋本身全安全帶FL車身果批唔會加裝

咁本身嗰批都已經裝咗全安全帶，斷估唔會加裝多一條掛?果批唔會加裝都好正常

AtrHenu 發表於 2020-11-19 09:45
個批低載B9已經踏入中年,九巴點有意慾想再換櫈.

btw,今次上層加裝安全帶批車,載客量好像係維持不變.:s ...

其實加安全帶與否甚至車頂有冇太陽能板都唔會影響出到嚟個載客量，係啲人自己FF話有
因為用運吉嗰條數計數，你坐滿企滿都有排未掂到佢批畀你嗰個重量
變少咗大機會係佢改咗企位計法或者又改呢度唔畀企嗰度唔畀企
(當然實際嚟講你真係塞爆咁多人先算啦，話唔埋頂閘但其實都係坐咗百一二個)