電車月票幾問？

其實電車月票多唔多人買？係唔係指定日期係銅鑼灣、北角、石塘咀總站個更亭個度買？係唔係每個月都要俾一張新照片嚟買？

電車官網已經有你想知的大部份答案。

https://www.hktramways.com/tc/service-updates-detail/1/1/



至於多唔多人買，我相信係好少。

一個月$220，自己計下數你就明白。
車費資料： https://www.hktramways.com/tc/schedules-fares

kei_hk 發表於 2020-11-15 19:35
電車官網已經有你想知的大部份答案。

https://www.hktramways.com/tc/service-updates-detail/1/1/

除非你住港島,而工作地方又近你住嘅地方的話(例如:住北角,返鰂魚涌)先至會有人坐電車,否則d人寧願搭地鐵行上行落都唔會坐電車磨時間

再加上冇乜人每日返工要搭超過兩次以上電車來回同一個地方,變相你用月票淨係搭一次來回係非常唔化算

Office boy 用

VA73@2A 發表於 2020-11-15 21:06
除非你住港島,而工作地方又近你住嘅地方的話(例如:住北角,返鰂魚涌)先至會有人坐電車,否則d人寧願搭地鐵行 ...

以坐足30日計算﹐你都要每日坐足3程才可回本。
除左工作需要 (eg: 外勤派文件)﹐真係好少人需要用到月票。

少數人﹐可以包括成人要帶小朋友返學 & 接放學﹐需要坐電車接駁﹐這樣就會有4程車。
其他可以回本的情況﹐自己想啦。

我覺得電車月票只係歷史遺留落嚟嘅痕跡
而如果因公外出要慘到自己買月票坐電車慳錢，我覺得不如及早轉工好過
舉個例由中環電車路去灣仔北，正路應該係搭720/780/788系列，雖然貴過電車兩倍多，但都唔少人咁坐，可能反正都係claim車錢

Ohm 發表於 2020-11-16 10:09
我覺得電車月票只係歷史遺留落嚟嘅痕跡
而如果因公外出要慘到自己買月票坐電車慳錢，我覺得不如及早轉工好 ...

你講月票係歷史留下﹐我係完全認同。

現今買電車月票﹐正如我上面所講﹐家庭用戶就有如返工﹐每天都坐最少4程車。
例如 : 湊小朋友返學+放學﹐這樣就已經4程車。如果中場再去買餸﹐隨時再多2程車。
不過﹐這一類人一定係好少。

商業用家﹐這類人真係有﹐兼且係公司比錢﹐仲安排埋特定時間去買月票(連相片都係公司處理)。
佢地都係計過數﹐外勤人員全日都要在電車沿線走來走去﹐真係不停一兩個站做駁腳。
要知道一件事﹐上環至金鐘這個商業區之間遊走﹐電車一點都唔慢。
這就是商業用家﹐為何仲會買月票的原因。


你講到一個打工仔﹐"因公外出要慘到自己買月票坐電車慳錢"﹐其實又會唔會存在?  

外出工作車錢無理由自己出的﹐用幾多就向公司取回幾多。
除非佢自己真係玩 "賭博"﹐知道公司成日要佢出街﹐交通工具又係電車。
次數多﹐佢買月票就有嬴 ; 次數少﹐佢買月票會輸 ; 唔買月票就一定保本﹐無嬴無輸。

打工仔﹐點解要玩這個賭博遊戲?
跟番公司指示﹐公司叫你買月票/逐程車claim便可﹐返正都係實報實銷。

cruisesnet 發表於 2020-11-15 22:08
Office boy 用

明明3隻字已經表達晒所有野，樓上又用幾百字重覆兩次，有需要嗎？

teddybus 發表於 2020-11-16 18:52
明明3隻字已經表達晒所有野，樓上又用幾百字重覆兩次，有需要嗎？

要，不然怎麼突顯磚家身份。